’اپنا میٹر اپنی ریڈنگ‘ ایپ کیسے استعمال کریں، صارفین کو کیا فائدہ حاصل ہوگا؟
اشاعت کی تاریخ: 30th, June 2025 GMT
وزیراعظم شہباز شریف نے اتوار کے روز بجلی کے شعبے میں شفافیت اور صارفین کو بااختیار بنانے کے لیے نئی اسمارٹ ایپ ”اپنا میٹر، اپنی ریڈنگ“ کا افتتاح کر دیا۔ اس ایپ کا مقصد اوور بلنگ، ریڈنگ کی غلطیوں اور ریڈنگ میں تاخیر جیسے مسائل کا مستقل حل فراہم کرنا ہے۔
پاور ڈویژن کی جانب سے جاری اعلامیہ کے مطابق صارفین کو مقررہ تاریخ پر اپنے بجلی کے میٹر کی تصویر ایپ پر اپ لوڈ کرنے کی سہولت حاصل ہوگی، اور اسی تصویر کی بنیاد پر ان کا ماہانہ بجلی کا بل تیار کیا جائے گا۔
حکام کے مطابق نئی ایپ سے صارفین اپنے بل پر نہ صرف نظر رکھ سکیں گے بلکہ ریڈنگ کے عمل کے خود نگہبان بھی ہوں گے۔ اس اقدام سے بلنگ کے نظام میں شفافیت آئے گی اور صارفین کو ان کے بجلی کے اصل استعمال کے مطابق بل جاری کیا جا سکے گا۔
نئے نظام میں مقررہ دن کے بعد میٹر ریڈر کی لی گئی ریڈنگ کو ترجیح نہیں دی جائے گی، بلکہ صارف کی فراہم کردہ تصویر اور ریڈنگ ہی سرکاری ریکارڈ میں فیڈ کی جائے گی۔ اس سے صارفین کو اضافی بلنگ سے بچنے میں مدد ملے گی۔
اعلامیے میں مزید بتایا گیا کہ 200 یونٹس تک بجلی استعمال کرنے والے صارفین کا اوسط بل تقریباً 2,330 روپے بنتا ہے، اور اگر وہ مقررہ وقت پر اپنی ریڈنگ فراہم کرتے ہیں تو انہیں سبسڈی اور دیگر حکومتی مراعات کا بروقت فائدہ بھی مل سکے گا۔
ایپ کے نظام کے تحت اگر صارف اور میٹر ریڈر دونوں ریڈنگ اپ لوڈ کریں تو کم ریڈنگ کو ترجیح دی جائے گی، تاکہ صارفین کو مالی تحفظ حاصل ہو۔
پاور ڈویژن کا کہنا ہے کہ ”اپنا میٹر، اپنی ریڈنگ“ جیسے جدید فیچرز نہ صرف بجلی کے نظام کو ڈیجیٹل بنا رہے ہیں بلکہ صارفین کو بااختیار بنانے اور بجلی کی تقسیم کے نظام میں بہتری کا ذریعہ بھی بنیں گے۔
یہ نظام خاص طور پر ان صارفین کے لیے فائدہ مند ہے جو حکومتی سبسڈی کے مستحق ہیں، کیونکہ ایپ کے ذریعے بروقت ریڈنگ دے کر وہ اپنی سبسڈی سے مکمل فائدہ اٹھا سکیں گے۔ ایپ سے نہ صرف اوور بلنگ کی شکایات کم ہوں گی بلکہ غیر ضروری مداخلت اور بدانتظامی کا بھی خاتمہ ممکن ہوگا۔
Post Views: 2.
ذریعہ
ذریعہ: Daily Mumtaz
کلیدی لفظ: اپنی ریڈنگ صارفین کو کے نظام بجلی کے
پڑھیں:
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اسلام آباد(ڈیلی پاکستان آن لائن)پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے، چین نے مکئی کی درآمد کے لئے پاکستانی تاجروں کی رجسٹریشن بھی شروع کردی ہے ۔
تفصیلات کے مطابق رائس ایکسپورٹرز ایسوسی کے وفد کا دورہ چین کامیابی سے جاری ہے ، جس دوران چاول کی برآمد کیلئے چین کے دو صوبوں کے ساتھ وفد نے ایم او یو سائن کر لیے ہیں، 30 سے 40 کروڑ ڈالر مالیت کے چاول کی فروخت کے معاہدے متوقع ہیں ہیں۔رائس ایکسپورٹرز ایسوسی ایشن کے چیئرمین جاوید جیلانی کا کہناتھا کہ چین کو پاکستان سے مکئی کی برآمد بھی جلد شروع ہو جائے گی،چین کو باسمتی اور نان باسمتی دونوں اقسام کے چاول برآمد کریں گے،رواں مالی سال چاول کی برآمدات دوبارہ 3ارب ڈالر کی سطح عبور کر جائیں گی، چین کا دورہ جاری ہے مزید آرڈرز ملنے کا امکان ہے۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار