ہائی ویزانتظامیہ ملازمین کے جائز مطالبات منظور کرے
اشاعت کی تاریخ: 1st, July 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)سرکاری اداروں کی انتظامیہ صوبے میں رائج قوانین کو خاطر میں لاتی ہے اور نہ ادارے کی رجسٹرڈ یونین کے ساتھ ملازمین کے مسائل حل کرنے کی کوشش کرتی ہے نہ ہی لیبر ڈپارٹمنٹ کی توقیر مانتی ہے ۔ہائی ویز ڈپارٹمنٹ حیدرآباد کی اعلیٰ، بااختیار انتظامیہ ملازمین میں بھرے غصے کا نوٹس لیتے ہوئے یونین سے بات چیت کا دروازہ کھولے بصورت دیگر ملازمین کا غصہ سخت احتجاج کی شکل اختیار کرلے گا ۔ یہ بات آل سندھ ٹریڈ یونینز آرگنائزیشن کے جنرل سیکرٹری کامریڈ اقبال نے فیڈریشن آفس گاڑی کھاتہ میں ہائی ویز ورکرز یونین کے مرکزی آفس سیکرٹری غلام مصطفی کے ہمراہ ملازمین کے ایک وفد سے کرتے ہوئے کہی ۔ کامریڈ اقبال نے کہا کہ ہائی ویز انتظامیہ حیدرآباد رجسٹرڈ یونین کے ساتھ پرامن ماحول میں خوشگوار تعلقات استوار کرکے ادارے کی ساکھ کو بہتر کرے ۔ ملازمین کے جائز ، قانونی حقوق و مراعات پر یونین کے ساتھ بات چیت کا آغاز کرے ۔ پہلے ہی سرکاری ملازمین اپنے حقوق کی حاصلات کیلیے اسمبلیوں کے دروازوں پر نوحہ کناں ہیں ۔ ہائی ویز انتظامیہ حیدرآباد نے اگر ملازمین کے غصے پر توجہ نہ دی تو حیدرآباد چیف آفس ہائی ویز کے دفتر کے سامنے سندھ بھر کی مقرر فیڈریشن کے رہنما اور مزدور طبقے کی سیاسی پارٹیوں کے قائدین ملازمین کی قیادت کرتے ہوئے سخت احتجاج کریں گے۔
.ذریعہ: Jasarat News
کلیدی لفظ: ملازمین کے ہائی ویز یونین کے
پڑھیں:
ملازمین کے لئے نئی سکیم کا اجراءکردیاگیا
کراچی پورٹ ٹرسٹ کے ملازمین کیلئے ایک خوش آئند خبر سامنے آئی ہے۔ ہیلتھ انشورنس اسکیم کا باضابطہ اجرا کر دیا گیا ہے، جس کا مقصد ہر ملازم کو معیاری اور بروقت علاج فراہم کرنا ہے — کیونکہ صحت ہے تو سب کچھ ہے۔
یہ فیصلہ وزیرِ بحری امور محمد جنید انوار چوہدری کی زیرِ صدارت ایک اہم اجلاس میں کیا گیا، جو کراچی میں منعقد ہوا۔ اجلاس میں پورٹ ٹرسٹ کے تمام ملازمین، چاہے وہ آفیسرز ہوں یا سٹاف، سب کوسکیم میں شامل کیا گیا ہے۔
اسکیم کا مقصد کیا ہے؟
وفاقی وزیر نے واضح کیا کہ ہمارا مقصد یہ ہے کہ ہر ملازم کو وقت پر بہترین طبی سہولت میسر ہو اور کسی کو علاج کے لیے پریشان نہ ہونا پڑے۔
سکیم کے تحت جدید سہولیات سے لیس ہسپتالوں کو پینل پر شامل کیا جائے گا۔
ہسپتالوں کا انتخاب شفاف اور مسابقتی طریقہ کار کے ذریعے کیا جائے گا تاکہ معیار پر کوئی سمجھوتا نہ ہو۔
تمام ملازمین کا میڈیکل چیک اپ لازمی قرار دیا گیا ہے، تاکہ بیماریوں کی بروقت تشخیص اور فوری علاج ممکن ہو۔
ایک بہتر مستقبل کی جانب قدم
وفاقی وزیر نے اس موقع پر کہا کہ صحت ہماری ترجیحات میں سب سے اوپر ہے۔ ہم چاہتے ہیں کہ ہر کارکن خود کو محفوظ اور باعزت محسوس کرے، کیونکہ وہی ہمارے ادارے کی ریڑھ کی ہڈی ہیں۔
اس اسکیم کے ذریعے نہ صرف علاج بہتر ہوگا بلکہ طویل مدت میں ادارے کے صحت سے جڑے اخراجات میں بھی کمی آئے گی اور مجموعی طور پر کارکنوں کی صحت اور کارکردگی میں بہتری آئے گی۔
معرکہ حق میں بھارت کو شکست کے بعد 14 اگست کی اہمیت میں اضافہ ہوگیا، عظمیٰ بخاری