بارشوں میں انٹرنیٹ موبائل نیٹ ورک کی خرابی کا نوٹس لیا جائے،ادریس چوہان
اشاعت کی تاریخ: 1st, July 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد (اسٹاف رپورٹر) حیدرآ باد چیمبر آف اسمال ٹریڈرز اینڈ اسمال انڈسٹری کے قائم مقام صدر احمد ادریس چوہان نے کہا کہ حالیہ شدید بارشوں کے دوران حیدرآباد اور اِس کے گردونواح کے علاقوں میں بجلی کی طویل بندش کے ساتھ ساتھ، انٹرنیٹ اور موبائل نیٹ ورک سروسز کی مکمل ناکامی نے عوام اور کاروباری طبقے کو شدید اذیت، بے بسی اور نقصان میں مبتلا کر دیا ہے۔ اِس بحران کے دوران بنیادی سہولیات جیسے پانی کی فراہمی معطل ہو چکی تھی اور اِس کے ساتھ ہی شہری رابطے کے کسی بھی ذریعے سے محروم ہو گئے۔ اُنہوں نے اِس ناقابل قبول صورتحال پر شدید اَفسوس اور مذمت کا اِظہار کرتے ہوئے کہا ہے کہ ٹیلی کام کمپنیاں اپنی ذمہ داریاں نبھانے میں بُری طرح ناکام رہی ہیں۔ کئی علاقوں میں 24 گھنٹوں سے زائد وقت تک بجلی موجود نہیں تھی مگر کسی بھی ٹیلی کام کمپنی نے اپنے ٹاورز پر موجود جنریٹرز کو فعال رکھنے کے لیے فیول ریفل کرنے کی کوشش نہیں کی جس کی وجہ سے نیٹ ورک مکمل طور پر بند ہوگیا تھا۔ اُنہوں نے کہا کہ اِس غیر ذمہ دارانہ روئیے کی وجہ سے نہ صرف کاروباری سرگرمیاں ٹھپ ہو گئیں بلکہ عام شہری بھی لوگوں سے رابطے، ہنگامی سروسز اور روزمرہ ڈیجیٹل ضروریات سے کٹ کر رہ گئے۔ آن لائن ٹرانزیکشنز، ای بینکنگ، ڈیجیٹل کمیونیکیشن اور حتیٰ کہ ایمرجنسی میڈیکل کنسلٹیشن جیسے اہم شعبے بھی اِس غفلت کی بھینٹ چڑھ گئے۔ احمد ادریس چوہان نے مزید کہا کہ اَفسوس ناک پہلو یہ ہے کہ یہی کمپنیاں روزانہ کی بنیاد پر اپنے انٹرنیٹ اور کالنگ پیکجز کی قیمتوں میں اِضافہ تو کرتی ہیں لیکن جب عوام کو حقیقی ضرورت پیش آتی ہے تو سروسز نہ ہونے کے برابر ہوتی ہیں۔ اُن کا سروس کا معیار مسلسل گرتا جا رہا ہے اور ایمرجنسی حالات کے لیے اُن کے پاس کوئی بیک اَپ یا منصوبہ بندی دکھائی نہیں دیتی۔ اُنہوں نے پاکستان ٹیلی کمیونیکیشن اتھارٹی (PTA) سے مطالبہ کیا کہ وہ اِس غفلت کا فوری نوٹس لے اور تمام ٹیلی کام کمپنیوں کا احتساب کرے۔ چیمبر کا مطالبہ ہے کہ ان کمپنیوں سے وضاحت طلب کی جائے کہ ہنگامی حالات میں اُن کے جنریٹرز کیوں فعال نہیں تھے۔ اِس کے ساتھ ساتھ جن علاقوں میں سروسز مکمل طور پر بند رہیں وہاں صارفین کو بل یا پیکج کی مد میں مکمل ریفنڈ یا کم اَز کم کریڈٹ دیا جائے۔ حیدرآباد چیمبر یہ بھی مطالبہ کرتا ہے کہ پی ٹی اے ملک بھر کی ٹیلی کام کمپنیوں کے لیے سخت ضوابط مرتب کرے تاکہ آئندہ کسی قدرتی آفت یا بجلی کی طویل بندش کے دوران عوام رابطے سے محروم نہ ہوں۔ اُن کمپنیوں کو پابند کیا جائے کہ وہ اپنے ٹاورز پر فیول، بیک اَپ اور عملے کی دستیابی یقینی بنائیں اور تمام ٹیلی کمیونکیشن کمپنیوں کو پابند کیا جائے کہ وہ کسی بھی پیکیج کے پیسے بڑھانے سے پہلے پی ٹی اے سے باقائدہ اُس کی منظوری لی جائے۔
.
ذریعہ
ذریعہ: Jasarat News
کلیدی لفظ: ٹیلی کام
پڑھیں:
بلوچستان کے نام پر علیحدگی پسند سیاست کرنے کی اجازت نہیں دی جائے گی، جمال رئیسانی
پاکستان پیپلز پارٹی (پی پی پی) کے رکن قومی اسمبلی نوابزادہ جمال رئیسانی نے کہا ہے کہ پاکستان کے خلاف ایک خاموش جنگ لڑی جا رہی ہے جو بارود سے زیادہ نوجوانوں کے ذہنوں کو نشانہ بنا رہی ہے۔ بلوچستان کے نام پر علیحدگی پسند سیاست کرنے کی اجازت نہیں دی جائے گی۔
صوبائی وزرا علی مدد جتک اور عاصم کرد گیلو کے ہمراہ کوئٹہ میں پریس کانفرنس کرتے ہوئے نوابزادہ جمال رئیسانی نے کہاکہ دشمن پاکستان اور بلوچستان کو توڑنے کی کوشش کر رہا ہے۔
ان کا کہنا تھا کہ 2018 میں بشیر زیب نے جب ایک کالعدم تنظیم کی کمان سنبھالی تو حالات مزید خراب ہوئے، جبکہ جنید بشیر زیب کا رائٹ ہینڈ ہے۔
انہوں نے کہاکہ آج کی جنگ ڈیجیٹل پلیٹ فارمز پر لڑی جا رہی ہے اور کالعدم تنظیموں کے کارندے زنگی ایپ کے ذریعے ایک دوسرے سے رابطے میں رہتے ہیں۔
ان کا کہنا تھا کہ کالعدم تنظیمیں سنگل ایپ کے ذریعے آپریشنل منصوبہ بندی جبکہ ڈیلٹا چیٹ کے ذریعے خفیہ بھرتیاں کرتی ہیں۔
نوابزادہ جمال رئیسانی نے کہاکہ آج دشمن صرف گولی کا استعمال نہیں کر رہا بلکہ سوشل میڈیا پر ٹرینڈز چلا کر بھی اپنا ایجنڈا آگے بڑھا رہا ہے۔ ہم نہیں چاہتے کہ نوجوان پہاڑوں کا رخ کریں۔
انہوں نے دعویٰ کیاکہ کالعدم تنظیموں نے اپنی سرگرمیوں میں خواتین کا استعمال بھی شروع کر دیا ہے۔ شہناز بلوچ بلوچ یکجہتی کمیٹی کے جلسوں میں شرکت کرتی تھیں اور ان کا باہوٹ کے ذریعے کالعدم تنظیم سے رابطہ ہوا۔
نوابزادہ جمال رئیسانی نے مزید کہاکہ بلوچ یکجہتی کمیٹی بلوچستان کی قیادت ڈاکٹر صبیحہ کر رہی ہیں اور ان کا بھائی ایک کالعدم تنظیم کا حصہ ہے۔
انہوں نے یہ بھی کہا کہ بلوچ یکجہتی کمیٹی کے کراچی سیل کی قیادت فوزیہ شاہوانی کررہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بلوچستان سیاست خاموش جنگ نوابزادہ جمال رئیسانی وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ