کلب ورلڈ کپ، فلومینینسے نے انٹر میلان کو شکست دے کر کوارٹر فائنل میں جگہ بنا لی
اشاعت کی تاریخ: 1st, July 2025 GMT
NORTH CAROLINA:
برازیل کے کلب فلومینینسے نے ایک شاندار کارکردگی کا مظاہرہ کرتے ہوئے یورپی چیمپئنز لیگ کے رنر اپ انٹر میلان کو 0-2 سے شکست دے کر کلب ورلڈ کپ کے کوارٹر فائنل میں رسائی حاصل کر لی ہے۔
پیر کے روز شمالی کیرولائنا کے شہر شارلٹ میں شدید گرمی کے دوران کھیلے گئے اس میچ کا آغاز فلومینینسے کے لیے خوابناک ثابت ہوا، جب جرمن کینو نے محض تیسرے منٹ میں ایک ڈیفلیکٹڈ کراس پر فوری ردعمل دیتے ہوئے گیند کو جال میں پہنچا دیا۔
میچ کے 30ویں منٹ میں برازیلی ٹیم نے اسکور ڈبل کرنے کا ایک اور سنہری موقع گنوا دیا، جب زومر نے جون آریاس کی شاٹ روکنے میں ناکامی کے بعد سیموئیل زاویئر کا ری باؤنڈ شاٹ معمولی فرق سے باہر چلا گیا۔
مزید پڑھیں: رونالڈو نے زندگی بھر سعودی عرب میں رہنے کا فیصلہ کرلیا
39ویں منٹ میں اگناسیو نے دوسرا گول کیا لیکن آف سائیڈ ٹیکنالوجی کی مدد سے گول مسترد کر دیا گیا۔ دوسرے ہاف میں انٹر میلان کے پاس گیند کا زیادہ تر قبضہ رہا، لیکن خطرناک حملے فلومینینسے کی جانب سے جاری رہے۔
میچ کے اکیانوے ویں منٹ میں انٹر میلان کی دفاعی لائن ایک بار پھر ناکام ہوئی، جب ہرکولیس نے تھرو اِن کے بعد گیند کو کنٹرول کر کے پینالٹی ایریا کے کنارے سے ایک پُرسکون اور نچلے کارنر کی جانب شاٹ لگا کر فلومینینسے کو فیصلہ کن برتری دلا دی۔ گول کے بعد فلومینینسے کے شائقین خوشی سے جھوم اٹھے۔
اس کامیابی کے ساتھ، پہلی بار وسعت دی گئی کلب ورلڈ کپ فارمیٹ میں فلومینینسے دوسری برازیلی ٹیم بن گئی ہے جو کوارٹر فائنل میں پہنچی ہے۔ اس سے قبل پالمیراس بھی آخری آٹھ میں جگہ بنا چکی ہے۔
فلومینینسے اب مانچسٹر سٹی اور الہلال کے درمیان ہونے والے میچ کے فاتح کے خلاف کوارٹر فائنل کھیلے گی۔
.
ذریعہ
ذریعہ: Express News
کلیدی لفظ: کوارٹر فائنل انٹر میلان
پڑھیں:
فیفا ورلڈ کپ دیکھنے کیلیے کینیڈا جانیوالے 175 غیر ملکیوں نے سیاسی پناہ مانگ لی
فیفا ورلڈ کپ دیکھنے کے لیے وزٹ ویزہ پر کینیڈا پہنچنے والے درجنوں افراد نے اسائلم کی درخواستیں دائر کر دیں۔
کینیڈا میں ورلڈ کپ کے 13 میچ منعقد ہوئے جن کے لیے حکام نے مجموعی طور پر 26 ہزار سیاحتی ویزے جاری کیے تھے۔ ہزاروں درخواستوں میں سے 50 فیصد سے زائد مسترد کر دی گئی تھیں۔
کینیڈین حکام کے مطابق اب تک 175 افراد سیاسی پناہ کی درخواستیں جمع کرا چکے ہیں جن کا جائزہ امیگریشن اور مہاجرین سے متعلق قوانین کے تحت لیا جائے گا۔
حکام نے یہ واضح نہیں کیا کہ درخواست گزاروں میں کتنے کھلاڑی شامل ہیں، تاہم دستیاب اعداد و شمار کے مطابق گھانا کے 25 جبکہ مصر اور کولمبیا کے 15، 15 شہریوں نے اسائلم کی درخواستیں دی ہیں۔ حکام کا کہنا ہے کہ اس تعداد میں مزید اضافہ بھی ہو سکتا ہے۔
اس سے قبل کینیڈین حکومت خبردار کر چکی تھی کہ فیفا ورلڈ کپ کے لیے جاری کیے گئے سیاحتی ویزے کینیڈا میں مستقل قیام یا سیاسی پناہ حاصل کرنے کا ذریعہ نہیں ہیں اور ہر درخواست کا فیصلہ صرف ملکی قوانین کے مطابق کیا جائے گا۔
بھارت سے جنگ اور افغانستان میں کارروائی خارج ازامکان نہیں، وزیردفاع