آسٹریلوی اسپنر نیتھن لائن ٹیم کی جیت کے بعد گانا گانے کی ذمہ داری سے سبکدوش
اشاعت کی تاریخ: 1st, July 2025 GMT
آسٹریلوی اسپنر نیتھن لائن ’سانگ ماسٹر‘ کی ذمہ داری سے سبکدوش ہوگئے۔
آسٹریلوی اسپنر نیتھن لائن نے ٹیم کی فتح کے بعد گایا جانے والا روایتی نغمہ "انڈر دی سدرن کراس آئی اسٹینڈ" گانے کی ذمہ داری اب وکٹ کیپر ایلکس کیری کے حوالے کر دی ہے۔
تاہم انہوں نے ٹیسٹ کرکٹ سے ریٹائرمنٹ کی قیاس آرائیوں کو مسترد کرتے ہوئے کہا کہ ان کے اہداف میں اب بھی بھارت اور انگلینڈ میں سیریز جیتنا شامل ہے۔
نیتھن لائن کو یہ روایت مائیک ہسی سے 2013 میں ملی تھی جب ہسی نے سری لنکا کے خلاف ریٹائرمنٹ لی۔ تب لائن اپنے 18ویں ٹیسٹ میں تھے۔ وہ آسٹریلیا کی تاریخ میں سب سے طویل عرصہ تک "سانگ ماسٹر" رہنے والے کھلاڑی بنے۔
انہوں نے یہ ذمہ داری 12 سے 13 سال تک نبھائی اور ان 119 ٹیسٹ میچوں میں ٹیم نے 67 فتوحات حاصل کیں۔ ان کے یادگار لمحات میں فل ہیوز کی وفات کے بعد ایڈیلیڈ اوول میں بھارت کے خلاف جیت کے بعد گایا گیا نغمہ اور 2013-14 کی ایشز میں 5-0 کی جیت شامل ہیں۔
نیتھن لائن کا کہنا تھا کہ یہ میری کرکٹ کیریئر کے سب سے خاص لمحات میں سے ایک رہا ہے لیکن اب وقت ہے کہ یہ ذمے داری کسی اور کو دی جائے اور میں سمجھتا ہوں کہ ایلکس کیری اس کے لیے بہترین امیدوار ہیں۔
یہ ذمہ داری کیری کو باقاعدہ طور پر بارباڈوس میں دوسرے دن کے کھیل کے بعد ایک خط کے ذریعے سونپی گئی۔
نیتھن لائن نے واضح کیا کہ ان کا ریٹائرمنٹ کا کوئی ارادہ نہیں بلکہ وہ اگلے کم از کم دو سال مزید کھیلنے اور بھارت و انگلینڈ میں سیریز جیتنے کے خواہشمند ہیں۔
لائن نے کہا کہ میری ہمیشہ سے خواہش رہی ہے کہ بھارت اور انگلینڈ میں ٹیسٹ سیریز جیتوں، اور وہ موقع ہمیں آئندہ کچھ برسوں میں دوبارہ ملے گا۔ ابھی ہمارا فوکس ویسٹ انڈیز میں ٹیسٹ میچز پر ہے، پھر ہوم سمر اور ایک اور ورلڈ ٹیسٹ چیمپئن شپ فائنل بھی ہدف میں شامل ہے۔
اگر نیتھن لائن موجودہ رفتار سے وکٹیں لیتے رہے تو وہ 600 سے زائد ٹیسٹ وکٹیں حاصل کر سکتے ہیں، اور شاید شین وارن کے 708 وکٹوں کے ریکارڈ کے قریب بھی پہنچ جائیں۔ تاہم ان کا کہنا ہے کہ وارنی میرے لیے اب بھی سب سے عظیم بولر ہیں، میں خوش نصیب ہوں کہ ایک شاندار بولنگ اٹیک کا حصہ ہوں اور اپنی ٹیم کے لیے کردار ادا کر رہا ہوں، یہی وجہ ہے کہ میں اب تک کھیل رہا ہوں۔
نیتھن لائن اس وقت آسٹریلیا کے ان دو کھلاڑیوں میں شامل ہیں جو 2012 کے دورہ ویسٹ انڈیز کا بھی حصہ تھے، دوسرے کھلاڑی مچل اسٹارک ہیں۔
.
ذریعہ
ذریعہ: Express News
کلیدی لفظ: کے بعد
پڑھیں:
تاریخی لارڈز کرکٹ گراؤنڈ سے ورلڈ ٹیسٹ چیمپئن شپ کے فائنل کی میزبانی واپس لے لی گئی
انٹرنیشنل کرکٹ کونسل (ICC) نے تصدیق کی ہے کہ آئندہ سال ہونے والے ورلڈ ٹیسٹ چیمپئن شپ کے فائنل کی میزبانی لارڈز کے بجائے لندن کے دی اوول کو سونپی گئی ہے۔
آئی سی سی کے مطابق ورلڈ ٹیسٹ چیمپئن شپ کا فائنل 9 جون سے 13 جون 2027 تک اوول میں کھیلا جائے گا۔
آئی سی سی نے گزشتہ سال اعلان کیا تھا کہ انگلینڈ کو 2027، 2029 اور 2031 کے ورلڈ ٹیسٹ چیمپئن شپ فائنلز کی میزبانی کے حقوق دیے گئے ہیں، جبکہ ہر ایڈیشن کے لیے میزبان گراؤنڈ کا انتخاب انگلینڈ اینڈ ویلز کرکٹ بورڈ خود کرے گا۔
خیال کیا جا رہا تھا کہ2027 ورلڈ ٹیسٹ چیمپئن شپ کا فائنل ممکنہ طور پر گزشتہ فائنل کی طرح تاریخی لارڈز کرکٹ گراؤنڈ میں ہوگا۔لیکن انگلینڈ کرکٹ بورڈ نے اس کے بجائے دی اوول میں فائنل کرانے کا فیصلہ کیا۔
مزیدپڑھیں:10 لاکھ تک بِلا سود قرضہ کیسے حاصل کریں؟ درخواست دینے کا طریقہ انتہائی آسان
رپورٹ کے مطابق اس فیصلے کی ایک بڑی وجہ لارڈز کی پچوں کے معیار پر خدشات ہیں۔
گزشتہ ماہ انگلینڈ اور نیوزی لینڈ کے درمیان ٹیسٹ میچ کی پچ کو غیر تسلی بخش قرار دیے جانے پر لارڈز کو پہلی بار آئی سی سی کی جانب سے ڈی میرٹ پوائنٹ دیا گیا تھا۔
یہ دوسرا موقع ہوگا کہ اوول ورلڈ ٹیسٹ چیمپئن شپ کے فائنل کی میزبانی کرے گا۔
اس سے قبل 2023 میں بھی فائنل اسی میدان میں کھیلا گیا تھا، جہاں آسٹریلیا نے بھارت کو شکست دے کر ورلڈ ٹیسٹ چیمپئن شپ کا ٹائٹل اپنے نام کیا تھا۔
بھارت سے جنگ اور افغانستان میں کارروائی خارج ازامکان نہیں، وزیردفاع