سی ڈی اے کی پارک انکلیو اسکیم میں خلاف ضابطہ پلاٹس الاٹمنٹ کا انکشاف
اشاعت کی تاریخ: 1st, July 2025 GMT
سی ڈی اے کی پارک انکلیو اسکیم میں خلاف ضابطہ پلاٹس الاٹمنٹ کا انکشاف WhatsAppFacebookTwitter 0 1 July, 2025 سب نیوز
اسلام آباد(سب نیوز)قومی اسمبلی کی پبلک اکاؤنٹس کمیٹی کی ذیلی کمیٹی کا اجلاس کنوینر ملک عامر ڈوگر کی زیر صدارت ہوا، جس میں وزارت داخلہ سے متعلق آڈٹ اعتراضات اور کیپیٹل ڈیولپمنٹ اتھارٹی (سی ڈی اے) کی کارکردگی کا جائزہ لیا گیا۔
خلاف ضابطہ پلاٹس الاٹمنٹ پر اعتراض
آڈٹ حکام نے بتایا کہ سی ڈی اے نے پارک انکلیو اسکیم فیز 3 میں 2020 میں قواعد کے برخلاف 796 کے بجائے 984 پلاٹس عوام کے لیے آفر کر دیے۔ آڈٹ بریف میں کہا گیا کہ یہ اقدام لینڈ ڈسپوزل ریگولیشنز 2005 اور سپریم کورٹ کے فیصلے کی صریح خلاف ورزی ہے۔
ملک عامر ڈوگر نے کہا کہ “آپ کو اپنے رولز تبدیل کرنے چاہئیں، غریب کا حق مارا گیا ہے۔” کمیٹی نے معاملے کی رپورٹ 30 دن میں طلب کر لی۔
نیا پاکستان ہاؤسنگ اسکیم پر تحفظات
اجلاس میں تحریک انصاف کے دور حکومت کے دوران شروع ہونے والے نیا پاکستان ہاؤسنگ منصوبے کی تاخیر بھی زیر غور آئی۔ سی ڈی اے حکام کے مطابق منصوبے میں 3,960 اپارٹمنٹس شامل تھے، جن کی تعداد بعد ازاں کم کرکے 2,400 کر دی گئی۔ بعد میں 1,876 اپارٹمنٹس کی نئی منصوبہ بندی کی گئی، جن کا ٹھیکہ ایف ڈبلیو او کو دیا گیا۔
ارکان کمیٹی نے سوال اٹھایا کہ ہر منصوبہ ایف ڈبلیو او کو کیوں دیا جاتا ہے جب کہ اس کے ریٹس مارکیٹ میں سب سے زیادہ ہیں۔ ریاض فتیانہ نے کہا کہ منصوبہ کاغذوں میں تو اچھا تھا، لیکن عمل درآمد کے دوران شدید مسائل کا سامنا رہا۔
ویلفیئر پلاٹ کا کمرشل استعمال
کمیٹی نے ایف 10 ٹو میں 1996 میں الاٹ کیے گئے ویلفیئر پلاٹ پر روٹس ملینیم اسکول کے کام کرنے کا سخت نوٹس لیا۔ آڈٹ حکام کے مطابق پلاٹ الواحد پبلک اسکول کے لیے مختص تھا، تاہم بعد میں کمرشل مقاصد کے لیے استعمال کیا گیا۔
ملک عامر ڈوگر نے اسے “واضح خلاف ورزی” قرار دیا، جبکہ سینیٹر افنان اللہ خان نے ذمہ داران سے پیسے ریکور کرنے اور بلیک لسٹ کرنے کی سفارش کی۔ چیئرمین سی ڈی اے نے بتایا کہ پلاٹ کو کینسل کر دیا گیا ہے اور اب اس کو ٹیک اوور کیا جائے گا۔
گرینڈ حیات ہوٹل کا معاملہ بھی زیربحث
اجلاس میں گرینڈ حیات ہوٹل کیس پر بھی بات ہوئی۔ چیئرمین سی ڈی اے نے بتایا کہ یہ سی ڈی اے کی پراپرٹی ہے اور اسے ٹیک اوور کیا جائے گا۔ سینیٹر افنان اللہ نے کہا کہ “اسے ختم ہونا چاہئے، وہاں دفاتر بنا دیں۔” تاہم، معاملہ عدالت میں زیر التوا ہونے کی بنا پر کمیٹی نے فیصلہ آئندہ اجلاس تک مؤخر کر دیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرمالی سال کے آغاز پر اسٹاک مارکیٹ ایک لاکھ 28 ہزار کی نئی حد عبور کر گئی، وزیراعظم کا اظہار اطمینان تھائی لینڈ: آئینی عدالت نے وزیراعظم کو معطل کردیا پشاور ہائیکورٹ نے مخصوص نشستوں پر منتخب ممبران کو حلف لینے سے روک دیا ایلون مسک کی ’پاگل پن والے اخراجات کا بل‘ منظور کرنے پر ’امریکا پارٹی‘ بنانے کی دھمکی مسلم یونیورسٹیز نے عالمی رینکنگ میں اسرائیلی تعلیمی اداروں کو پیچھے چھوڑ دیا ٹرمپ کا ایگزیکٹو آرڈر: شام پر اقتصادی پابندیاں ختم، کیوبا پر دوبارہ لاگو دریا میں پانی کا بہاؤ کتنا تھا اور الرٹ کب جاری کیا گیا؟ سوات واقعے پر محکمہ آبپاشی کی رپورٹ جاریCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: سی ڈی اے
پڑھیں:
کراچی: متنازعہ پلاٹ پر سکول کی تعمیر، 3 کروڑ 35 لاکھ روپے سرکاری خزانے سے ضائع
عاجزجمالی: آڈیٹر جنرل آف پاکستان کی جانب سے جاری کردہ ایک چشم کشا رپورٹ میں انکشاف کیا گیا ہے کہ کراچی کے علاقے قائد آباد، خلد آباد میں ایک متنازعہ پلاٹ پر اسکول کی غیر قانونی تعمیر کے باعث سرکاری خزانے کو 3 کروڑ 35 لاکھ روپے کا نقصان پہنچا ہے۔
رپورٹ کے مطابق یہ عمارت محکمہ ایجوکیشن ورکس کی نگرانی میں تعمیر کی گئی، باوجود اس کے کہ آڈیٹر جنرل نے ابتدائی مراحل میں ہی تعمیراتی کام پر اعتراض اٹھایا تھا۔
پی آئی اے کا برطانیہ کیلئے 5سال بعدفضائی آپریشن کا باضابطہ اعلان
رپورٹ میں بتایا گیا ہے کہ اسکول کی تعمیر کے لیے 2 کروڑ 26 لاکھ روپے کی غیر قانونی ادائیگی ایم ایس فرح الیکٹرک سروس کو کی گئی، حالانکہ پلاٹ کی قانونی حیثیت واضح نہیں تھی۔ اسکول کی تعمیر مکمل ہونے تک مجموعی طور پر 3 کروڑ 35 لاکھ روپے خرچ کیے جا چکے تھے۔
اسکول کی تعمیر کے دوران آڈیٹر جنرل کو بتایا گیا تھا کہ پلاٹ کے کاغذات ڈپٹی کمشنر ملیر کے نام پر ہیں، مگر جنوری 2024 میں اسکول انتظامیہ عدالت میں پلاٹ سے متعلق کوئی دستاویزی ثبوت پیش نہ کر سکی۔ نتیجتاً، پلاٹ کے اصل مالک نے معاملہ عدالت میں لے جا کر قانونی کارروائی شروع کر دی۔
سیاسی حالات اور مہنگائی نے بہت کچھ بدل دیا: گورنر سندھ
رپورٹ میں مزید انکشاف کیا گیا ہے کہ آڈیٹر جنرل کے اعتراضات کے باوجود محکمہ ایجوکیشن ورکس نے تعمیراتی کام جاری رکھا اور مکمل بجٹ بھی خرچ کر دیا، جس سے یہ ظاہر ہوتا ہے کہ حکومتی قواعد و ضوابط کی کھلم کھلا خلاف ورزی کی گئی۔آڈیٹر جنرل آف پاکستان نے اپنی رپورٹ میں اس معاملے کو سرکاری خزانے کے زیاں سے تعبیر کرتے ہوئے متعلقہ اداروں کو سفارش کی ہے کہ ذمہ دار افسران و اہلکاروں کے خلاف فوری کارروائی کی جائے تاکہ آئندہ ایسے اقدامات کو روکا جا سکے۔
پنجاب میں فیڈ ملز پر گندم کے استعمال پر پابندی، دفعہ 144 نافذ
نیش کپ اسکواش ٹورنامنٹ، پاکستان نے فائنل جیت لیا