جاپان؛ جون میں گرمی کا 127 سالہ ریکارڈ ٹوٹ گیا
اشاعت کی تاریخ: 1st, July 2025 GMT
رواں برس جاپان کی تاریخ کا گرم ترین جون ریکارڈ کیا گیا۔
عالمی خبر رساں ادارے کے مطابق جاپان کے محکمہ موسمیات نے اعلان کیا ہے کہ اس بار جون ملکی تاریخ کا سب سے گرم ترین جون ثابت ہوا جس میں اوسط درجہ حرارت معمول سے 2.34 ڈگری زیادہ رہا۔
محکمۂ موسمیات کا مزید کہنا تھا کہ درجہ حرارت کا ریکارڈ 1898 سے رکھے جانے کا آغاز ہوا تھا اور اُس وقت سے اب تک اتنا گرم جون کبھی نہیں دیکھا گیا۔
جون 2025 کا یہ درجہ حرارت پانچ سال قبل ریکارڈ ہونے والے گرم ترین جون سے بھی تقریباً ایک ڈگری زیادہ رہا۔
بیان میں کہا گیا ہے کہ گرمی کی اس لہر کی بنیادی وجہ ملک بھر میں ایک طاقتور ہائی پریشر سسٹم کا غالب ہونا رہا، جس کے باعث شدید گرمی پھیل گئی۔
جاپان کے شہر ہوکائیڈو کے قصبے "اومو" میں جون کا اوسط درجہ حرارت معمول سے 4.
سینڈائی شہر میں یہ معمول سے 3.6 ڈگری زیادہ رہا۔ مرکزی ٹوکیو میں جون کے مہینے میں ریکارڈ 13 دن ایسے تھے جن میں درجہ حرارت 30 ڈگری یا اس سے زیادہ رہا جو معمول سے 2.8 ڈگری زیادہ ہے۔
محکمہ موسمیات نے خبردار کیا ہے کہ جولائی میں بھی گرمی کی شدید لہر جاری رہنے کی توقع ہے، جس پر عوام کو احتیاط برتنے اور ہیٹ اسٹروک سے بچنے کی ہدایات دی گئی ہیں۔
ذریعہ: Express News
کلیدی لفظ: ڈگری زیادہ زیادہ رہا معمول سے
پڑھیں:
گورنمنٹ گرلز ڈگری کالج میں انسدادِ منشیات پروگرام
data-id="863a0a8" data-element_type="widget" data-widget_type="theme-post-content.default">
گزشتہ ہفتے گورنمنٹ گرلز ڈگری کالج گلستان جوہر بلاک 13،میں انسدادِ منشیات کے پروگرام کا انعقاد کالج کے ھال میں کیا گیا،تقریب میں اساتذہ اور طالبات کی بہت بڑی تعداد نے شرکت کی،تنظیم فرینڈز آف اینٹی نارکوٹکس آف سندھ (فانوس) کے صدر رفیع احمد نے مہمان مقرر کی حثیت سے شرکت فرمائی، تقریب منعقد کرنے میں پروفیسر اقبال خاتون ابڑو کی معاونت نمایاں رہیں۔ تقریب کا آغاز تلاوت کلام پاک سے طالبہ مصباح نے کیا،نعت مقبول طالبہ زینب بتول اور منشیات پر نظم طالبہ عروسہ نے اپنی خوبصورت آواز میں پیش کی، نظامت کے فرائض طالبہ انعمتا عظمت اللّہ نے انجام دیے۔
رفیع احمد نے خطاب کرتے ہوئے کہا کہ تعلیمی اداروں میں منشیات کے خلاف جنگی بنیادوں پر کام کیا جائے ورنہ ہمارا مستقبل تاریک راہوں میں کہیں گم ہو جائے گا،منشیات سے خاندانی نظام تباہ ہو رہا ہے،ہم دس سال قبل تک الیکٹرانک سگریٹ(ویپ) سے ناواقف تھے، ویپ بنانے والی کمپنیوں نے اپنی تشہیری مہم اور غلط بیانی سے اس کے فوائد بتائے، دنیا کے طبی ماہرین کے مطابق ویپ دل، پھیپڑوں اور دماغ کے لیے انتہائی نقصان دہ ہے، حکومت کی واضح پالیسی نہ ہونے کی وجہ سے اس کی شاپس جگہ جگہ کھلتی جارہی ہیں بد قسمتی سے ہماری نوجوان لڑکیوں میں بھی ویپنگ کا رحجان بڑھ رہا ہے، یہ ویپ کو فیشن کے طور پر استعمال کر رہیں ہیں جس سے ذہنی و جسمانی مسائل میں اضافہ ہورہا ہے، ضرورت اس بات کی ہے کہ حکومت ہماری نوجوان نسل کو اس خاموش زہر سے بچائے۔کالج پرنسپل پروفیسر نور افشاں نے کہا کہ اسلام نے نشہ کوحرام قرار دیا،منشیات ذہن و جسم کو مفلوج کر دیتا ہے، طالبات پر زور دیا کہ وہ منشیات کے خلاف شعور و آگہی حاصل کریں تاکہ وہ خود بھی منشیات سے بچیں اور دوسروں کو بھی بچا سکیں، کالج پرنسپل نے تنظیم فانوس کی جدوجہد کو سراہایا۔پروفیسر ڈاکٹر عشرت رانی نے کہا کہ آپ طالبات ہمارا مستقبل ہے آپ کو آیندہ ملک کی بھاگ دوڑ سنبھالی ہیں اگر آپ منشیات کے قریب بھی گئ تو ہمارا مستقبل میں اندھیرا ہو جائے گا،پروفیسر اسرا نے کہا کہ منشیات کے عادی افراد کی موت عبرت ناک ہوتی ہے، طالبات اسلام کا زیادہ سے زیادہ مطالعہ کر کے منشیات سے دور رہ سکتی ہیں،پروفیسر طاہرہ اقبال نے کہا کہ منشیات کے اس طرح کے پروگرام تعلیمی اداروں میں زیادہ سے زیادہ ہونا چاہیے، طالبات ودیعہ وسیم اور عایشہ عیشال نے منشیات کے خلاف بھرپور تقاریر کرتے ہوئے اس عزم کا اظہار کیا کہ وہ خود بھی منشیات سے بچے گی اور دوسروں کو بھی بچائیں گی، بعد ازاں منشیات کے خلاف تقاریر کرنے پر طالبات کو انعامات دیے گئے،تقریب کا اختتام قومی ترانے پر ہوا۔
کراچی: متعدد مقدمات میں مطلوب فتنہ الخوارج کا ملزم گرفتار، اسلحہ برآمد