کراچی میں ڈکیتی مزاحمت پر 20 سالہ نوجوان قتل، رواں سال کی تعداد 49 ہوگئی
اشاعت کی تاریخ: 2nd, July 2025 GMT
شہر قائد کے ضلع شرقی کے علاقے سچل میں مسلح ڈاکوؤں نے مزاحمت پر نوجوان کو موت کے گھاٹ اتار دیا جس کے بعد رواں سال شہر میں جاں بحق ہونے والے شہریوں کی تعداد 49 تک پہنچ گئی۔
ایکسپریس نیوز کے مطابق ایسٹ زون کے علاقے سچل میں دنداناتے ہوئے ڈاکوؤں نے لوٹ مار کے دوران مزاحمت پر نوجوان کی جان لے لی۔
شہر میں جاری ڈاکو راج کے دوران رواں سال سفاک ڈاکوؤں کی فائرنگ سے جاں بحق شہریوں کی مجموعی تعداد 49 ہوگئی۔
پولیس کے مطابق واقعہ سپر ہائی وے عبداللہ شاہ غازی روڈ بلاک جی کچا پکا روڈ پر پیش آیا، متوفی کی شناخت 20 سالہ موسیٰ کے نام سے ہوئی جس کی لاش کو ضابطے کی کارروائی کیلیے عباسی شہید اسپتال منتقل کیا گیا۔
ریسکیو حکام کا کہنا ہے کہ مقتول کے سینے پر گولی لگی تھی جبکہ ایس ایچ او سچل امین کھوسہ نے بتایا کہ فائرنگ کا واقعہ ڈکیتی کے دوران مزاحمت پر پیش آیا ہے۔
مقتول کے قبضے سے اس کا موبائل فون اور موٹر سائیکل بھی ملی ہے تاہم اس حوالے سے مزید تحقیقات کا عمل جاری ہے۔
دریں اثنا صدر کینٹ اولڈ ریس کورس کے قریب فائرنگ سے نوجوان زخمی ہوگیا جسے فوری طبی امداد کے لیے جناح اسپتال لیجایا گی۔
، چھیپا حکام کے مطابق مضروب کی شناخت 25 سالہ مبشر کے نام سے کی گئی جبکہ واقعہ ڈکیتی کے دوران مزاحمت پر پیش آنے کا بتایا جا رہا ہے ہے۔
.ذریعہ: Express News
کلیدی لفظ: کے دوران
پڑھیں:
کراچی: خاتون ٹک ٹاکرز نے پی ای سی ایچ ایس میں تاجر کے گھر سے 13 کروڑ کی ڈکیتی کیسے کی؟
چند روز قبل کراچی کے علاقے پی ای ایس ایچ میں تاجر کے گھر میں ہونے والی ڈکیتی کے حوالے سے ابتدائی معلومات سامنے آگئیں، تفتیشی حکام نے ڈکیتی کرنے والے بہن بھائی کا ٹک ٹاکر ہونے کی تصدیق کرلی۔
تفتیشی حکام کے مطابق ملزمان کی پاکستانی اوربھارتی فنکاروں کیساتھ تصاویر بھی سامنے آئی ہیں، گھر میں ڈکیتی کرنے والے بہن بھائی سمیت 4ملزمان اس وقت پولیس کی تحویل میں ہیں، ملزمان سے لوٹی ہوئی رقم اور اشیا کے حوالے سے تفتیش جاری ہے۔
مزید پڑھیں: کراچی: 13 کروڑ روپے کی ڈکیتی میں ملوث معروف ٹک ٹاکر گرفتار
پولیس حکام کے مطابق واقعہ کی 4 سی سی ٹی وی کیمروں کی فوٹیج بھی سامنے آگئی ہے، فوٹیج میں شہری سالک کو گھر کے سامنے گاڑی پر کپڑا ڈالتے دیکھا گیا ہے، ملزمان کالے رنگ کی گاڑی میں سالک کے قریب پہنچے، برقع پہنے 2 خواتین اور 2 مرد اسلحہ کے زور پر تاجر سالک کے گھر میں داخل ہوئے، ایک برقع پہنی خاتون کے ہاتھ میں خالی بیگ تھا۔
پولیس کے مطابق فوٹیج میں ملزمہ کو واپسی میں بھرا بیگ لے جاتے بھی دیکھا جاسکتا ہے، ملزمان اہلخانہ کو یرغمال بناکر لوٹ مار کرتے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
13 کروڑ پی ای ایس ایچ خاتون ٹک ٹاکرز ڈکیتی کراچی یسرا زیب یسریٰ زیب
محرم الحرام کا چاند دیکھنے کیلئے رویت ہلال کمیٹی کا اجلاس آج ہوگا