ایران اسرائیل جنگ بندی کے پیچھے بھی وردی ہے: محسن نقوی
اشاعت کی تاریخ: 3rd, July 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: وفاقی وزیر داخلہ محسن نقوی نے کہا ہے کہ ایران اور اسرائیل کے درمیان جنگ بندی میں وزیراعظم میاں محمد شہباز شریف نے اہم کردار ادا کیا اور اس عمل کے پیچھے وردی کا تعاون بھی شامل رہا۔
اسلام آباد میں محرم الحرام کے سلسلے میں مختلف مکاتبِ فکر کے علمائے کرام سے گفتگو کرتے ہوئے محسن نقوی نے کہا کہ اتحاد و یگانگت کا پیغام دینے کے لیے 14 اگست کو فیصل مسجد میں تمام مکاتبِ فکر کے علما کو ایک ساتھ نماز ادا کرنے کی دعوت دی گئی ہے۔ انہوں نے اس موقع پر علمائے کرام سے اپیل کی کہ وہ ایامِ محرم میں مذہبی ہم آہنگی اور قومی یکجہتی کے فروغ میں اپنا کردار ادا کریں۔
وفاقی وزیر نے گفتگو کے دوران بھارت کے ساتھ کشیدگی کے واقعات کا حوالہ بھی دیا۔ انہوں نے بتایا کہ بھارت کی جانب سے ایک فوجی بیس پر 11 میزائل داغے گئے، جہاں ہمارے 9 یا 11 طیارے موجود تھے، مگر حیران کن طور پر تمام میزائل بیس کے باہر جا گرے اور کسی طیارے کو نقصان نہیں پہنچا۔ محسن نقوی نے کہا کہ جب پاکستان نے جوابی کارروائی میں میزائل داغے تو ان میں سے ایک میزائل تکنیکی خرابی کے باعث آبادی والے علاقے پر گرنے کا خدشہ تھا، لیکن اللہ کی مدد سے وہ میزائل بھارت کے سب سے بڑے آئل ڈپو پر جا لگا۔
محسن نقوی کے مطابق یہ دونوں واقعات اس بات کا ثبوت ہیں کہ پاکستان کو غیر مرئی طاقتوں کی مدد حاصل رہی۔ انہوں نے مزید کہا کہ بھارت کے حملے کے دوران آرمی چیف نے جرات و استقامت کا مظاہرہ کیا اور دشمن کو خبردار کیا کہ اگر حملہ ہوا تو اس کا چار گنا جواب دیا جائے گا۔
ایران اور اسرائیل کے درمیان حالیہ جنگ بندی پر بات کرتے ہوئے وزیر داخلہ نے کہا کہ وزیراعظم شہباز شریف نے اس عمل میں ایک “خاموش سفارتکار” کا کردار ادا کیا جب کہ پاکستانی عسکری قیادت نے بھی پس پردہ اہم کردار نبھایا۔ ان کا کہنا تھا کہ عالمی رہنماؤں کو اس جنگ بندی پر آمادہ کرنے میں پاکستان کی سیاسی و عسکری قیادت کا کردار قابلِ ستائش ہے۔
.ذریعہ: Jasarat News
کلیدی لفظ: محسن نقوی نے کہا کہا کہ
پڑھیں:
بھارت کیخلاف جنگ میں غیبی مدد آئی، ایران اسرائیل سیز فائر کے پیچھے بھی وردی ہے، محسن نقوی
اسلام آباد (اوصاف نیوز)وفاقی وزیر داخلہ محسن نقوی نے کہا ہے کہ بھارت کیخلاف جنگ میں غیبی مدد آئی جب کہ ایران اسرائیل سیز فائر اور ایران کی نظر آنے والی کامیابی کے پیچھے بھی وردی ہے۔
اسلام آباد میں وفاقی وزیر داخلہ محسن نقوی کی زیر صدارت علمائے کرام کے ساتھ محرم الحرام میں امن و امان سے متعلق اہم اجلاس ہوا۔
اجلاس میں وزیر مملکت برائے داخلہ طلال چوہدری، رویت ہلال کمیٹی کے سربراہ مولانا عبدالخبیر آزاد سمیت دیگر اہم مذہبی شخصیات نے شرکت کی۔
اجلاس میں اظہار خیال کرتے ہوئے محسن نقوی نے کہا کہ قیام امن میں علماء کرام نے ہمیشہ اہم کردار ادا کیا، چیئرمین رویت ہلال کمیٹی تمام مکاتب فکر کے لوگوں کو ساتھ لے کر چلیں، اپنا مسلک چھوڑو نہ، اور کسی کا مسلک چھیڑو نہ، کی تھیم رکھنی چاہئے۔
محسن نقوی نے کہا کہ پاک بھارت جنگ کے دوران غیبی مدد آئی، دونوں ملکوں میں کشیدگی میں نہیں چاہتے، اس کوشش تھی کہ کوئی بھارتی شہری مارا جائے، پاکستان نے میزائل فائر کیے، کچھ نمبر آگے پیچھے ہوگئے، ڈر تھا کہ شہری آبادی کو نقصان نہ ہو لیکن پاکستانی میزائل بھارت کے سب سے بڑے آئل ڈپو میں لگے۔
اس کے علاوہ بھارت نے ایک پاکستانی بیس پر تقریباً 11 میزائل فائر کیے، اس بیس پر ہمارے جہاز اور لوگ بھی موجود تھے، خدشہ تھا کہ بھارتی میزائلوں سے بہت نقصان ہوگا، ہمیں اطلاع ملی کہ بھارتی میزائلوں سے کوئی نقصان نہیں ہوا۔
انہوں نےکہا یہ صرف دو قصے ہیں جو میں نے بتائے کہ کس طرح سے غیبی مدد آئی۔
وزیر داخلہ کا کہنا ہے کہ کسی ایک بھارتی میزائل سے پاکستان کے جہاز اور لوگوں کو نقصان نہیں پہنچا، آرمی چیف نے واضح کردیا تھا کہ حملہ کرنے پر بھارت اس سے زیادہ بھگتے گا۔
محسن نقوی نے کہا کہ اسرائیل کی ایران کے خلاف جارحیت اور جنگ بندی میں وزیر اعظم کا اہم کردار ہے اور اس کے پیچھے اور ایران کی نظر آنے والی کامیابی کے پیچھے بھی وردی ہے۔
وزیر داخلہ نے کہا کہ میں آگے ڈیٹیل میں نہیں جانا چاہتا، جس طرح سے انہوں نے بات کی، جس طرح سے عالمی رہنماؤں کو قائل کیا ہے، اس پر ہم سب کو فخر کرنا چاہئے۔
غزہ میں امدادی مراکز پر فلسطینیوں کی نسل کشی جاری، 5 ہفتوں میں 600 شہید
سائنسدانوں کی مصنوعی انسانی ’ڈی این اے‘ بنانے کی کوشش، بڑا تنازعہ کھڑا ہوگیا