اسلام آباد ائرپورٹ: سرکاری پروٹوکول میں برطانیہ جانے والی خاتون سے ایک کلو منشیات برآمد
اشاعت کی تاریخ: 3rd, July 2025 GMT
data-id="863a0a8" data-element_type="widget" data-widget_type="theme-post-content.default">اسلام آباد: نیو اسلام آباد انٹرنیشنل ائرپورٹ پر برطانوی شہریت رکھنے والی خاتون کے سامان سے ایک کلو منشیات برآمد، خاتون کو منشیات سمیت اینٹی نارکوٹکس فورس کے حوالے کردیا گیا۔
رپورٹ کے مطابق برطانیہ کی شہریت رکھنے والی سرگودھا کی رہائشی مہوش نامی خاتون نے اسلام آباد ائرپورٹ پر دوران تلاشی ایک کلو ہیروئن برآمد ہوئی ہے۔ برطانوی شہریت کی حامل خاتون نجی ائرلائن کے ذریعے برطانیہ جانا چاہتی تھی۔ اور ایک سرکاری محخمہ کا سب انسپکٹر اسے پروٹوکول دے رہا تھا۔
اینٹی نارکوٹکس فورس کی پہلی بیگج اسکیننگ مشین کاؤنٹر سے سامان کلیئر کردیا گیا تھا۔ بورڈنگ کے بعد خاتون ہینڈ کیری کے ساتھ دوسرے اسکیننگ پوائنٹ پر پہنچی تو خاتون کے سامان میں رکھے پشاوری جوتوں سے ایک کلو گرام کے قریب ہیروئن برآمد ہوئی، منشیات جوتوں کے تلوں میں چھپائی گی تھی۔
منشیات برآمد ہونے پر خاتون مہوش کو تحویل میں لیا گیا۔ دوران تفتیش اپنے ابتداہی بیان میں خاتون نے بتایا کہ کسی شخص نے اس کو یہ جوتے کسی نے برطانیہ میں کسی کو دینے کے لیے دیے تھے۔
خاتون کو پروٹوکول دینے والے سرکاری محکمے کے اہلکار سے بھی اس حوالے سے تفتیش کی گئی تو معلوم ہوا کہ سرکاری محکمے کا سب انسپکٹر بھی کسی اور شخص کے کہنے پر خاتون کو پروٹوکول دینے کے لیے وہاں موجود تھا۔
ائرپورٹ ڈیپارچر لاؤنج کے ائرپورٹ سیکورٹی فورس کے پہلے کاؤنٹر کی اسکیننگ سے منشیات کے ساتھ سامان کسے کلیئر ہوا، اس کی بھی تحقیقات شروع کردی گئی ہے۔
ذرائع کا کہنا ہے کہ خاتون مسافر کو برآمد ہونے والی منشیات سمیت اے این ایف کے حوالے کردیا گیا ہے۔
.
ذریعہ
ذریعہ: Jasarat News
کلیدی لفظ: ایک کلو
پڑھیں:
کراچی کے سرکاری کالجز میں انٹرسال اول کیلیے داخلے شروع نہ ہوسکے، سوا لاکھ طلبا منتظر
محکمہ کالج ایجوکیشن سندھ واضح اعلان کے باوجود کراچی میں سرکاری کالجوں میں داخلہ شروع نہیں کرسکا ہے اور کم از کم سوا لاکھ طلبہ انٹر سال اول میں داخلوں کے منتظر ہیں۔
تفصیلات کے مطابق انٹر سال اول میں داخلہ یکم جون سے شروع ہونے تھے اس سلسلے میں 23 مئی کو قومی اخبارات میں اشتہارات جاری کیے گئے تھے جس کے مطابق تمام سرکاری کالجوں میں انٹر سال اول میں نویں جماعت کے نتائج کی بنیاد پر یکم جون سے داخلہ فارم کی رجسٹریشن شروع ہوجانی تھی جبکہ داخلہ فارم رجسٹریشن کی آخری تاریخ 15 جولائی مقرر کی گئی ہے۔
انٹر سال اول میں صرف کراچی کے سرکاری کالجوں میں سوا لاکھ کے قریب طلبہ داخلہ لیتے ہیں جن کے لیے سینٹرلائزڈ ایڈمیشن پالیسی کے تحت 6 مختلف فیکیلٹیز پری انجینئرنگ، پری میڈیکل، کمپیوٹر سائنس ، کامرس ، ہیومینیٹیز اور ہوم اکنامکس میں داخلے دیے جاتے ہیں۔
اس سلسلے میں جب میٹرک کا امتحان دینے والے داخلے کے خواہشمند طلبہ نے www.seccap.dgcs..gos.pk کے پورٹل پر داخلہ رجسٹریشن فارم تک پہنچنے کی کوشش کی تو معلوم ہوا کہ یہ پورٹل ہی بند ہے۔
ادھر "ایکسپریس" نے اس سلسلے میں ڈائریکٹر جنرل کالجز سندھ پروفیسر زاہد راجپر سے جب اس سلسلے میں رابطہ کیا تو ان کا کہنا تھا کہ تکنیکی وجوہات کی بنا پر پورٹل بند ہے ہماری ٹیکنیکل ٹیم کام کررہی ہے۔
انہوں نے کہا کہ پوری امید ہے کہ بدھ کی صبح تک پورٹل کھل جائے جس کے بعد طلبہ داخلے کے لیے اپلائی کرسکیں گے۔
ڈی جی کالجز کا یہ بھی کہنا تھا کہ اس بار ہم نے تمام سرکاری کالجوں میں "ڈیس ایبل" کوٹہ مختص کیا ہے تاکہ ایسے طلبہ اس کوٹے کی بنیاد پر اپنے قرب و جوار کے کالجوں میں بھی اپلائی کرسکتے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ