پاکستان اور جاپان کے درمیان ہنر مند افرادی قوت کے تعاون میں اہم پیشرفت
اشاعت کی تاریخ: 3rd, July 2025 GMT
TOKYO:
پاکستان اور جاپان کے درمیان 2019 میں مفاہمت کی یادداشت پر دستخط کے بعد ایک اہم پیش رفت سامنے آئی ہے، جس کے تحت جاپان میں ہنر مند پاکستانی افرادی قوت کی برآمد کے لیے “اسپیسفائیڈ اسکلڈ ورکرز خا ص مہارت کے افراد)” پروگرام کے تحت جاپانی حکومت نے پہلی مرتبہ پاکستان میں اسکل ایویلیوایشن ٹیسٹ(مہارت جانچنے کا امتحان) منعقد کرنے پر آمادگی ظاہر کی ہے۔
ٹوکیو میں پاکستانی سفارت خانے سے جاری اعلامیے کے مطابق یہ کامیابی ٹوکیو میں پاکستانی سفارت خانے کی مسلسل کاوشوں کا نتیجہ ہے، جس کی بدولت پاکستانی امیدواروں کے لیے یہ مواقع ممکن ہوا ہے۔
بیان میں کہا گیا کہ اگست اور ستمبر 2025 سے پاکستان میں دو شعبوں نرسنگ اور زرعی مہارت کے جانچ کا ایس ایس ڈبلیو ٹیسٹ منعقد کیے جائیں گے۔
اس سے قبل مارچ 2025 سے آٹوموبائل ٹرانسپورٹیشن ڈرائیورز (ٹرک، بس، ٹیکسی) کے زمرے میں ٹیسٹ شروع کیے جا چکے ہیں۔
اسی طرح پاکستانی امیدواروں کو ان امتحانات میں شرکت کے لیے بیرون ملک سفر جیسے مشکلات کا سامنا تھا لیکن اب پاکستان میں ٹیسٹ کے انعقاد سے یہ عمل مزید جامع، سہل اور قابل رسائی ہوگیا ہے۔
سفارت خانے کی جانب سے جاری بیان میں کہا گیا کہ جاپانی حکومت نے ایس ایس ڈبلیو پروگرام کے تحت 2029 تک بیرونی ممالک سے افرادی قوت کی بھرتی کے ذریعے نرسنگ کیئر کے 1,35,000 کارکنان، زراعت کے 78,000 کارکنان اور آٹوموبائل ٹرانسپورٹیشن ڈرائیورز میں 24,500 کارکنان کے شعبوں میں اپنی ضروریات پوری کرنے کا ہدف مقرر کیا ہے۔
اعلامیے میں کہا گیا کہ یہ پیش رفت پاکستان کے ہنر مند نوجوانوں کے لیے جاپان کی روزگار منڈی تک رسائی کا راستہ ہموار کرتی ہے اور بیرون ملک سے رقوم کی ترسیل میں اضافے کا ذریعہ بنے گی۔
سفارت خانہ پاکستان تمام سرکاری و نجی تربیتی اداروں سے اپیل کرتا ہے کہ وہ جاپانی زبان میں مہارت رکھنے والے ہنر مند افراد کی تیاری کے لیے اقدامات کریں تاکہ زیادہ سے زیادہ امیدوار ان ٹیسٹوں میں حصہ لے سکیں اور یہ موقع نہ صرف انفرادی ترقی بلکہ قومی معیشت کی بہتری کے لیے بھی نہایت اہم ہے۔
مزید کہا گیا کہ امتحانات کے شیڈول، درخواست کے طریقہ کار اور تربیتی وسائل سے متعلق مزید معلومات کے لیے امیدوار اور تربیتی ادارے سفارت خانے کے کمیونٹی ویلفیئر وِنگ سے رابطہ کریں یا سفارت خانے کی سرکاری ویب سائٹ ملاحظہ کریں۔
.
ذریعہ
ذریعہ: Express News
کلیدی لفظ: سفارت خانے کہا گیا کہ کے لیے
پڑھیں:
رائل کمیشن کی مکہ کے تاریخی ورثے کے تحفظ اور فروغ کے لیے اہم پیشرفت
مکہ مکرمہ اور مشاعر مقدسہ کے لیے قائم رائل کمیشن نے شہر کے تاریخی اور ثقافتی ورثے کو اجاگر کرنے کے لیے ایک نئی آگاہی مہم کا آغاز کیا ہے۔
مذکورہ مہم کا مقصد زائرین اور سیاحوں کو مکہ کے تاریخی مقامات، ان کی مذہبی، تہذیبی اور تمدنی اہمیت سے روشناس کرانا اور انہیں شہر کے عظیم ورثے سے مزید قریب لانا ہے۔
سعودی پریس ایجنسی کے مطابق، یہ تمام اقدامات سعودی وژن 2030 کے اہداف سے ہم آہنگ ہیں۔
یہ بھی پڑھیں: سعودی ایپ ’ہُدہُد‘ عمرہ زائرین کے لیے جدید رہنما بن گئی، مکہ کے مذہبی و تاریخی مقامات تک رسائی آسان
’یہ مہم رائل کمیشن کی اس حکمت عملی کا حصہ ہے جس کا مقصد تاریخی ورثے کا تحفظ، ثقافتی اقدار کو فروغ دینا اور تاریخی مقامات کو پائیدار تعلیمی اور ثقافتی مراکز میں تبدیل کرنا ہے۔‘
رائل کمیشن کے مطابق اس حکمت عملی کے تحت درجنوں تاریخی مقامات کی بحالی اور ترقی کا کام مکمل کیا جا چکا ہے، جبکہ مکہ کے 60 اہم تاریخی مقامات کی دستاویز بندی بھی کی گئی ہے۔
مزید پڑھیں: مکہ میں ام القریٰ یونیورسٹی کا انقلابی ڈیجیٹل کلچرل منصوبہ، حجاج اور عمرہ زائرین کا سفر اب مزید یادگار
اس کے علاوہ 27 تاریخی مقامات عوام اور زائرین کے لیے کھولے جا چکے ہیں اور سات وزیٹر سینٹرز بھی قائم کیے گئے ہیں۔
اعداد و شمار کے مطابق اب تک ایک کروڑ 75 لاکھ سے زائد افراد ان تاریخی مقامات کا دورہ کر چکے ہیں، جبکہ زائرین کی اطمینان کی شرح 97.5 فیصد ریکارڈ کی گئی ہے۔
مذکورہ اعدادوشمار فراہم کی جانے والی سہولیات اور تاریخی ورثے کے تحفظ و ترقی کے اقدامات کی کامیابی کی عکاسی کرتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تاریخی مقامات تاریخی ورثے رائل کمیشن زائرین سعودی پریس ایجنسی سعودی عرب سعودی وژن سیاح مکہ مکرمہ
بھارت سے جنگ اور افغانستان میں کارروائی خارج ازامکان نہیں، وزیردفاع