کے فور پر تاخیر، ٹرانسپورٹ ناپید، سندھ حکومت کراچی سے دشمنی کر رہی ہے، منعم ظفر
اشاعت کی تاریخ: 3rd, July 2025 GMT
data-id="863a0a8" data-element_type="widget" data-widget_type="theme-post-content.default">
کراچی:امیر جماعت اسلامی کراچی منعم ظفر خان نے سندھ حکومت، پیپلز پارٹی اور متعلقہ اداروں کو آڑے ہاتھوں لیا اور کراچی میں بڑھتے مسائل پر شدید تشویش کا اظہار کرتے ہوئے کہا ہے کہ کراچی کی عوام کو بنیادی سہولیات کی فراہمی کے بجائے صرف چالانوں اور دھمکیوں کا سامنا ہے، جس سے شہریوں کی تذلیل ہو رہی ہے۔
منعم ظفر خان نے کہا کہ کراچی اس وقت بدترین صورتحال سے دوچار ہے، ٹرانسپورٹ کی سہولت نہ ہونے کے برابر ہے، سڑکیں ٹوٹی پھوٹی ہیں، پانی کا بحران شدت اختیار کر چکا ہے اور انفرااسٹرکچر مکمل تباہی کی تصویر پیش کر رہا ہے، اس کے باوجود پیپلز پارٹی کی کراچی دشمنی اور سندھ حکومت کی نااہلی، کرپشن اور بے حسی برقرار ہے۔
انہوں نے انکشاف کیا کہ صرف دو ماہ کے دوران کراچی میں موٹر سائیکل اور گاڑیوں کے 52 ہزار سے زائد چالان کیے گئے جب کہ شہر میں نہ ٹریفک سگنلز کام کر رہے ہیں، نہ زیبرا کراسنگ موجود ہیں اور نہ ہی فٹ پاتھ محفوظ ہیں، اس سب کے باوجود آئی جی غلام نبی میمن کی جانب سے جرمانے دگنے کرنے، لائسنس منسوخ کرنے اور شناختی کارڈ بلاک کرنے جیسے بیانات شہریوں کی تضحیک کے مترادف ہیں۔
امیر جماعت اسلامی نے اعلان کیا کہ جماعت اسلامی کراچی نے اپنے مرکزی و ضلعی دفاتر میں شہریوں کی شکایات کے لیے خصوصی ڈیسک قائم کر دیے ہیں جہاں ناانصافیوں کی شکایات درج کرائی جا سکتی ہیں۔
انہوں نے مزید بتایا کہ کراچی نے رواں مالی سال میں 3 ارب 256 کروڑ روپے کا ٹیکس ادا کیا جو گزشتہ سال کے مقابلے میں 29 فیصد زیادہ ہے، اس کے باوجود شہر کو بنیادی سہولیات سے محروم رکھا گیا ہے۔
ٹرانسپورٹ کے حوالے سے انہوں نے کہا کہ 17 سال میں سندھ حکومت نے کراچی جیسے میگا سٹی کے لیے صرف 300 بسیں فراہم کیں جب کہ صرف اعلانات کیے جاتے رہے، انہوں نے مطالبہ کیا کہ شہر میں کم از کم 1000 بسیں، لائٹ ریل اور سرکلر ریلوے جیسے منصوبے فوری شروع کیے جائیں۔
موٹر سائیکل سواروں کی مشکلات پر بات کرتے ہوئے انہوں نے کہا کہ کراچی میں 45 لاکھ موٹر سائیکلیں چلتی ہیں، نوجوان ٹریفک قوانین کی پاسداری کریں، مگر کسی بھی زیادتی پر جماعت اسلامی ان کے ساتھ کھڑی ہوگی۔
منعم ظفر خان نے کے-4 منصوبے کی سست روی پر شدید تنقید کرتے ہوئے کہا کہ یہ کراچی کے لیے زندگی اور موت کا مسئلہ ہے، وفاق نے محض 3.
انہوں نے مزید کہا کہ سندھ حکومت نے واٹر اینڈ سیوریج کے لیے 1.6 بلین ڈالر وصول کیے لیکن کوئی بڑا کام نظر نہیں آیا، واٹر بورڈ پر مکمل سیاسی قبضہ ہے، نالوں کی صفائی نہیں ہوئی، ٹاؤن چیئرمینز کو اعتماد میں نہیں لیا گیا، اور کرپشن کی جڑیں بلدیاتی اداروں سے لے کر بلاول ہاؤس تک پھیلی ہوئی ہیں۔
انہوں نے مزید کہا کہ صرف چالانوں کی مد میں سندھ حکومت نے شہریوں سے 9.2 ارب روپے وصول کیے جب کہ ملک کے جاگیرداروں اور وڈیروں نے مجموعی طور پر صرف 4 ارب روپے ٹیکس ادا کیا، مسلم لیگ (ن)، پیپلز پارٹی اور ایم کیو ایم، حکومت میں شامل ہیں لیکن کراچی کے حقوق اور مسائل پر خاموش تماشائی بنی ہوئی ہیں۔
ذریعہ
ذریعہ: Jasarat News
کلیدی لفظ: جماعت اسلامی سندھ حکومت انہوں نے کہ کراچی ارب روپے کہا کہ کے لیے
پڑھیں:
سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، شرجیل میمن
فائل فوٹو
وزیر اطلاعات سندھ شرجیل میمن کا کہنا ہے کہ سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، گریڈ ایک سے 16 تک ملازمین کا سفری الاؤنس بڑھا دیا گیا ہے۔
سندھ کابینہ اجلاس کے بعد پریس کانفرنس کرتے ہوئے شرجیل میمن نے کہا کہ سندھ کابینہ کے اجلاس میں اہم فیصلے کیے گئے ہیں، گورنر ہاؤس اور وزیراعلیٰ ہاؤس اسٹاف کی ہیلتھ انشورنس میں چھ ماہ کی توسیع کی ہے، معیشت، سرمایہ کاری، مالیات، آبی وسائل سے متعلق مختلف ٹاسک فورسز تشکیل دی ہیں، موسمیاتی تبدیلی اور آرٹیفیشل انٹیلیجنس سے متعلق مختلف ٹاسک فورسز تشکیل دی ہیں۔
شرجیل میمن نے کہا کہ سندھ کابینہ نے گٹکا اور مین پوری کے خلاف سخت کریک ڈاؤن کی منظوری دی ہے، گٹکا ماوا کیخلاف کارروائی نارکوٹکس کنٹرول کا محکمہ کرے گا، قانون سازی کر رہے ہیں۔
شرجیل میمن نے کہا کہ ملازمین عملی کام کے بجائے یونٹ، سیکٹر دفاتر میں بیٹھے رہتے تھے، صحافی ولی خان بابر نے ایسے معاملات کی رپورٹنگ کی تھی بعد میں انھیں قتل کر دیا گیا۔
صوبائی وزیر نے کہا کہ ہم چاہتے ہیں کہ زراعت کے شعبے کو نقصان نہ ہو، قانون میں گندم کی ترسیل روکنے کی ممانعت ہے، پنجاب نے گندم کی ترسیل روکی ہوئی ہے، پنجاب نے گندم کی ترسیل کیلئے بارڈر سیل کیے ہیں، ہم مذمت کرتے ہیں، گندم کی فصل بہت اچھی ہوئی، سندھ میں کچھ لوگوں نے گندم کی ذخیرہ اندوزی کر رکھی ہے۔
شرجیل میمن نے کہا کہ سندھ حکومت پانچ لاکھ میٹرک ٹن گندم امپورٹ کرے گی، پاسکو سے بھی گندم خریدی جائے گی، ان اقدامات سے گندم ذخیرہ کرنے والوں کو بہت نقصان ہوگا، ناردرن بائی پاس پر 4 سو ایکڑ پر ٹرک اسٹینڈ بنانے جارہے ہیں۔
شرجیل میمن نے کہا کہ افسوس کی بات ہےان دونوں رہنماؤں نے آئین اور قانون کا سنجیدہ مطالعہ نہیں کیا، مطالعہ کرتے تو اس نوعیت کے غیر ذمہ دارانہ بیانات دینے سے گریز کرتے۔
صوبائی وزیر نے مزید کہا کہ مون سون کے موقع پر تمام اداروں کو الرٹ جاری کر دیا گیا ہے، کے پی کے اور پنجاب میں بارشوں سے اموات ہوئی ہیں، حیرت کی بات ہے ہمارے میڈیا نے پر اس پر خاموشی رکھی ہوئی ہے۔
انہوں نے مزید کہا کر بارش سے پنجاب کے دیہی اور شہری علاقوں کے حالات خراب ہیں، ملک بھر میں بارشوں سے بہت تباہی ہوئی ہے، پنجاب میں بارشوں سے 17 افراد جاں بحق ہوئے، خیبر پختونخوا میں بارشوں سے 20 افراد جان کی بازی ہار گئے ہیں۔
شرجیل میمن نے کہا کہ کشمیر میں انتخابات چل رہے ہیں، کشمیر انتخابات میں مسلم لیگ ن ضابطہ اخلاق کی خلاف ورزی کررہی ہے۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم