’بس بہت ہو گیا‘، نادیہ خان کی فنکاروں کو آخری وارننگ، قانونی کارروائی کی دھمکی
اشاعت کی تاریخ: 4th, July 2025 GMT
پاکستان شوبز انڈسٹری کی معروف میزبان و اداکارہ نادیہ خان جو اپنے بیانات کی وجہ سے سرخیوں میں رہتی ہیں انہوں نے فنکاروں اور اینکرز کو آخری وارننگ دیتے ہوئے خبردار کیا ہے کہ اب وہ مزید برداشت نہیں کریں گی اور ان پر تبصرے کرنے والوں کے خلاف قانونی چارہ جوئی کریں گی۔
نادیہ خان کی ایک ویڈیو سوشل میڈیا پر وائرل ہو رہی ہے جس میں ان کا کہنا تھا کہ ’اب بہت ہو گیا‘ کیونکہ جن کو گھر والے تمیز نہ سکھائیں اور اپنی اخلاقایات کو چند ڈالرز کے لیے بیچ دیں تو میں ان لوگوں کو کہنا چاہتی ہوں کہ اب اگر کسی نے میرے بارے میں کوئی ذاتی تبصرہ کیا تو میں آپ کے خلاف لیگل ایکشن لوں گی۔
View this post on Instagram
A post shared by MangoBaaz (@mangobaaz)
اداکارہ کا کہنا تھا اپنے خلاف تبصرے کرنے والوں کے خلاف کریمنل ڈیفیمیشن کیس، سول ڈیفیمیشن کیس اور پیکا قوانین کے تحت کیس دائر کروں گی پھر آپ کو سالوں تک عدالتوں کے چکر لگانے پڑیں گے اور آپ کے تمام پیچز اور چینلز بھی بند ہو جائیں گے۔
نادیہ خان نے مزید کہا کہ اب بہت ہو گیا، پرسنل ہونے کی ضرورت نہیں ہے اور ہر پوڈکاسٹ پر ویوز لینے کے لیے میرا ذکر کرنے کی ضرورت نہیں ہے میں تمام لوگوں کو آخری وارننگ دے رہی ہوں اب اگر کسی نے ذاتی تبصرہ کیا تو اس کو عدالت میں دیکھوں گی۔
یہ بھی پڑھیں: ’ہم نے اسٹار بنایا اور یہ انڈیا کے ساتھ کھڑے ہیں‘، نادیہ خان پاکستانی اسٹارز پر برس پڑیں
واضح رہے کہ حال ہی میں معروف اداکار فیصل قریشی، ثروت گیلانی، صبا فیصل اور یاسر حسین سمیت متعدد فنکار نادیہ خان کے شو پر تنقید کرچکے ہیں کیونکہ وہ اپنے شو میں پاکستانی ڈراموں کی کہانی، کاسٹنگ، اداکاروں کی پرفارمنس اور ڈریسنگ پر تبصرہ کرتی ہیں۔ اس کے علاوہ نادیہ خان نے بھارت اور پاکستان کے تناؤ کے بعد پاکستانی فنکاروں فواد خان، ہانیہ عامر، راحت فتح علی خان اور عاطف اسلم پر تنقید کی تھی کہ انہوں نے کھل کر بھارت کے خلاف مؤقف نہیں اپنایا۔
سوشل میڈیا پر نادیہ خان کے بیان کے بعد صارفین مختلف تبصرے کرتے نظر آئے۔ ایک صارف نے کہا کہ دوسروں پر تنقید کرنے میں نادیہ خان کو کوئی مسئلہ نہیں لیکن جب وہی تنقید ان پر ہوئی تو انہوں نے اعتراض اٹھا دیا۔ کئی صارفین کا کہنا تھا کہ جب آپ دوسروں پر تنقید کرتی ہیں تو اپنے خلاف اٹھنے والی آوازوں کو سننے کا حوصلہ بھی رکھیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستانی ڈرامے ثروت گیلانی نادیہ خان نادیہ خان تنقید ہانیہ عامر.
ذریعہ
ذریعہ: WE News
کلیدی لفظ: پاکستانی ڈرامے ثروت گیلانی نادیہ خان نادیہ خان تنقید ہانیہ عامر نادیہ خان کے خلاف
پڑھیں:
ایرانی اثاثے ضبط کرنے کی ٹرمپ کی دھمکی خطرناک نظیر ہے، عباس عراقچی کا سخت ردعمل
تہران: ایران کے وزیر خارجہ عباس عراقچی نے امریکی صدر ڈونلڈ ٹرمپ کے اس بیان پر شدید ردعمل دیا ہے جس میں انہوں نے بحری جہازوں کو ہونے والے ممکنہ نقصانات کا ازالہ ایرانی اثاثوں سے کرنے کی بات کی تھی۔ ایران نے اس مؤقف کو بین الاقوامی قوانین کے لیے ایک خطرناک اور اشتعال انگیز نظیر قرار دیا ہے۔
عباس عراقچی نے سماجی رابطے کے پلیٹ فارم ایکس پر جاری اپنے بیان میں کہا کہ کسی ملک کے اثاثوں کو مستقبل کے غیر متعلقہ دعووں کی بنیاد پر ضبط کرنا ایک ایسا اقدام ہے جو عالمی مالیاتی نظام اور بین الاقوامی قوانین کے لیے سنگین نتائج پیدا کر سکتا ہے۔
انہوں نے کہا کہ کسی دوسرے ملک کے اثاثے مستقبل کے غیر متعلقہ نقصانات کی ادائیگی کے لیے ضبط کرنا ایک اشتعال انگیز نظیر ہے۔
ایرانی وزیر خارجہ نے مزید کہا کہ جو ممالک یا ادارے اس طرح کے ضبط شدہ اثاثوں سے فائدہ اٹھانے یا اس اقدام کی حمایت کرنے کی کوشش کریں گے، انہیں یہ بات ذہن میں رکھنی چاہیے کہ اگر حکومتیں اس طرز عمل کو معمول بنا لیں تو پھر دنیا میں کسی بھی ملک کے اثاثے محفوظ نہیں رہیں گے۔
عباس عراقچی کے مطابق اس طرح کے اقدامات عالمی مالیاتی نظام میں بے یقینی، افراتفری اور قانونی تنازعات کو جنم دے سکتے ہیں، جن کے نتائج نہ صرف غیر خوشگوار بلکہ عالمی امن و استحکام کے لیے بھی نقصان دہ ثابت ہوں گے۔
ان کا بیان ایسے وقت میں سامنے آیا ہے جب امریکا اور ایران کے درمیان کشیدگی برقرار ہے اور آبنائے ہرمز میں بحری جہاز رانی، اقتصادی پابندیوں اور سفارتی تعلقات کے حوالے سے دونوں ممالک کے درمیان سخت بیانات کا تبادلہ جاری ہے۔
Seizing another nation's assets to pay for unrelated future claims is an incendiary precedent.
Those who celebrate or profit from such funds should remember: once governments normalize confiscation, no one's assets are safe. Ensuing chaos will not be pretty or peaceful.
تجزیہ کاروں کے مطابق اگر اثاثوں کی ضبطی جیسے اقدامات عملی شکل اختیار کرتے ہیں تو اس سے عالمی سرمایہ کاری، بین الاقوامی تجارت اور ممالک کے درمیان مالیاتی اعتماد پر بھی منفی اثرات مرتب ہو سکتے ہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی