سعودی عرب؛ ناقص سہولیات پر 4 عمرہ کمپنیوں کے لائسنس معطل؛ متعدد پر جرمانہ
اشاعت کی تاریخ: 5th, July 2025 GMT
سعودی وزارتِ حج و عمرہ نے ناقص رہائشی انتظامات اور معاہدوں کی خلاف ورزیوں پر چار عمرہ کمپنیوں کے لائسنس معطل کر دیئے جب کہ متعدد پر مالی جرمانے عائد کیے گئے۔
سعودی میڈیا کے مطابق وزارت حج و عمرہ کی جانب سے ایک غیر اعلانیہ فیلڈ انسپکشن کیا گیا تھا۔ جس کا مقصد عمرہ خدمات فراہم کرنے والی کمپنیوں کی کارکردگی اور معاہدے کے مطابق سہولیات کی فراہمی کو جانچنا تھا۔
وزارت حج و عمرہ کے ترجمان نے بتایا کہ انسپکشن کے دوران بعض عمرہ کمپنیوں کے زائرین کو منساسب رہائشی سہولیات فراہم نہ کرنے اور سروسز کی عدم دستیابی کی شکایتیں ملیں۔
سعودی وزارت حج و عمرہ کے بیان میں کہا گیا ہے کہ معتمرین کی راحت، سلامتی اور عزت و وقار ہماری اولین ترجیح ہے۔ اس لیے کچھ کمپنیوں کے لائسنس معطل کیے گئے اور متعدد پر جرمانے عائد کیئے گئے ہیں۔
وزارت حج و عمرہ نے بیان میں کہا کہ کمپنیوں پر عائد کیے گئے جرمانے ہر اصولوں اور وعدوں کی خلاف ورزی کی شدت اور تکرار کی بنیاد پر مختلف مختلف ہیں۔
وزارت نے تمام منظور شدہ اور رجسٹرڈ عمرہ کمپنیوں پر زور دیا کہ وہ مقررہ ضوابط، معیار اور وقت کی پابندی کریں اور زائرین کے سفر کے ہر مرحلے میں اعلیٰ معیار کی خدمات کی فراہمی کو یقینی بنائیں۔
.
ذریعہ: Express News
کلیدی لفظ: عمرہ کمپنیوں کمپنیوں کے
پڑھیں:
کرپشن سے پاک پاکستان ہی ملک و قوم کی تقدیر بدل سکتا ہے، کاشف شیخ
ذمہ داران کے اجلاس سے خطاب کرتے ہوئے امیر جماعت اسلامی سندھ نے کہا کہ عوام صحت، تعلیم، روزگار اور صاف پانی جیسی بنیادی سہولیات سے بھی محروم ہیں لیکن حکمرانوں کے محلات اور بینک بیلنس میں دن بدن اضافہ ہورہا ہے۔ اسلام ٹائمز۔ جماعتِ اسلامی سندھ کے امیر کاشف سعید شیخ نے کہا ہے کہ عوام کو سبزباغ اور سنہرے خواب دکھانے والے حکمرانوں نے لوگوں کو مہنگائی، بیروزگاری، دہشتگردی اور بے امنی کے تحفوں کے سوا کچھ بھی نہیں دیا ہے جوکہ حکومتی نااہلی اورحکمرانوں کے دعوؤں کی سراسر نفی ہے، فارم 47 کی پیداوار حکمران عوام سے کیا گیا ایک وعدہ بھی پورا نہ کرسکے، کراچی سے کشمور پورا صوبہ لاوارثی اور محرومیوں کی عملی تصویر بنا ہوا ہے، عوام کا کوئی پرسان حال نہیں ہے، غریب اور امیر کے لئے الگ الگ قانون ہونے کی وجہ سے ان محرمیوں میں مزید اضافہ کیا ہے، تمام مسائل کی جڑ کرپشن کمیشن کا گٹھ جوڑ ہے، کرپشن سے پاک پاکستان ہی ملک و قوم کی تقدیر بدل سکتا ہے، جماعت اسلامی پاکستان کا ”بدلو نظام اجتماع عام“ موجودھ گھٹن اور سیاسی و معاشی بے یقینی کی صورتحال میں تبدیلی کی نوید ثابت ہوگا۔ ان خیالات کا اظہار انہوں نے ضلع دادو اور قنبر شہداد کوٹ کے ہر سطح کے ذمہ داران کے اجلاس سے خطاب کرتے ہوئے کیا۔
کاشف سعید شیخ نے مزید کہا کہ عوام صحت، تعلیم، روزگار اور صاف پانی جیسی بنیادی سہولیات سے بھی محروم ہیں لیکن حکمرانوں کے محلات اور بینک بیلنس میں دن بدن اضافہ ہورہا ہے، کراچی تا کشمور وکلاء کے حالیہ انتخابات میں پیپلز پارٹی کے گروپ کی سندھ پر سترہ سالوں سے قابض ٹولے کیلئے نوشہ دیوار ہے، وکلاء مبارکباد کے مستحق ہیں جنہوں نے صوبائی وزیر داخلہ کی دھونس، دھاندلی اور ہر قسم کی لالچ کو ٹھکرا کر سندھ دھرتی سے وفادار وکلاء کی جیت میں کردار ادا کیا ہے، عوام کو بنیادی سہولیات کی فراہمی، پرامن، مستحکم اور خوشحال پاکستان کیلئے کرپشن و دہشتگردی کے شیطانی کٹھ جوڑ کا خاتمہ انتہائی ضروری ہے۔ صوبائی امیر نے ضلعی رہنماؤں پر زور دیا کہ وہ مینار پاکستان اجتماع عام میں زیادہ سے زیادہ نوجوانوں کی شرکت کو یقینی بنائیں کیونکہ یوتھ امید پاکستان ہیں۔
پاکستان اور افغانستان کے مذاکرات ناکام ہوگئے، طالبان حکومت افغان عوام کو غیر ضروری جنگ میں دھکیلنا چاہتی ہے، عطاء تارڑ