لیاری حادثہ: کراچی میں مخدوش قرار دی گئی عمارتیں گرانے کا فیصلہ، سربراہ ایس بی سی اے معطل
اشاعت کی تاریخ: 7th, July 2025 GMT
کراچی:
سندھ حکومت نے کراچی میں مخدوش قرار دی گئی عمارتوں کو گرانے کا فیصلہ ہے، سانحہ لیاری پر ایس بی سی اے کے سربراہ کو معطل کردیا گیا جبکہ جاں بحق افراد کو فی کس 10 لاکھ روپے دیے جائیں گے۔
یہ وزیر اطلاعات شرجیل انعام میمن، وزیر بلدیات سعید غنی اور وزیر داخلہ ضیاءالنجار نے پریس کانفرنس کرتے ہوئے کہی۔
شرجیل میمن نے کہا کہ لیاری میں عمارت گرنے سے 27 معصوم جانوں کا نقصان ہوا، ہم سب غمزدہ ہیں، وزیر اعلی ہاؤس میں آج اہم اجلاس ہوا جس میں وزیراعلی سندھ نے بہت سخت نوٹس لیا اور ہدایت دی ہے کہ جن کی کوتاہی ہے ان کے خلاف سخت کارروائی کی جائے۔
وزیر اطلاعات نے بتایا کہ بلڈنگ کنٹرول اتھارٹی کے عملے کو وزیر بلدیات نے پہلے ہی معطل کردیا تھا، آج ڈی جی ایس بی سی اے کو معطل کیا گیا ہے، آج کمیٹی کا دائرہ بڑھا کر کمشنر کو شامل کیا گیا ہے، کنٹونمنٹ بورڈز کے اپنے قوانین موجود ہیں، سندھ حکومت کے اپنے قوانین ہیں، سندھ بلڈنگ کنٹرول اتھارٹی کسی میئر کے انڈر نہیں آسکتی۔
انہوں نے کہا کہ اس بلڈنگ کو نجی لوگوں نے تعمیر کروایا، کچی آبادیوں کو دیکھ رہے ہیں،
سندھ میں 744 عمارات ہیں جن میں تھوڑا بہت کام کرنے کی ضرورت ہے، لوگوں کو منتقل کرنے میں کوئی مسئلہ نہیں ہے، ہم نے کورونا اور سیلاب متاثرین کے لیے بھی بندوبست کیا تھا۔
وزیر بلدیات سعید غنی نے کہا کہ میں نے ان افسران کو معطل کیا تھا جو اس علاقے میں تعینات تھے، 2022ء سے لے کر اب تک جتنے بھی افسران رہے ہیں ان افسران کو انکوائری کا حصہ بنایا جائے گا، مقدمہ درج کروانے کا بھی فیصلہ کیا ہے جس افسر کی بھی لاپروائی ظاہر ہوئی اسے مقدمے میں ڈالیں گے، آج کمشنر کراچی کی سربراہی میں ایک اور کمیٹی بنائی ہے، کراچی میں مزید کتنی عمارتیں مخدوش ہیں کمشنر کو ذمہ داری دی ہے کہ چیک کریں۔
سعید غنی کا کہنا تھا کہ ان عمارتوں میں کتنے لوگ مقیم ہیں، ان کو ری ہیبلیٹیشین کیسے کی جائے۔ ان کا کہنا تھا کہ لیاری میں عمارت گرنے سے جاں بحق افراد کو دس لاکھ روپے فراہم کیے جائیں گے، اگر ڈی جی ایس بی سی اے کی بھی کوئی لاپروائی سامنے آئے تو ان کا نام بھی ایف آئی آر میں شامل کیا جائے گا، دوہزار بائیس میں بھی یہی ڈی جی تھے۔
سعید غنی نے کہا کہ کراچی میں اس وقت 586 مخدوش عمارتیں ہیں، لوگوں کو مخدوش عمارتوں سے نکالنا بھی ضروری ہوتا ہے، غیرقانونی تعمیرات کے خلاف سخت قانون لا رہے ہیں، جو لوگ غیرقانونی عمارتیں بناتے ہیں ان کے خلاف قانونی کارروائی کیسے ہو؟ اس پر غور کر رہے ہیں، ایس بی سی اے کے قانون میں ترامیم کے لیے دو ہفتے کا وقت دیا گیا ہے، آگے چل کر اگر کمیٹی کسی قانونی کارروائی کی سفارش کرتی ہے تو ہم اس پر بھی عمل کریں گے۔
ان کا کہنا تھا کہ ہم نے کمشنر کو ذمہ داری دی ہے کہ چیک کریں مالک مکان، کرائے دار اور پگڑی والے سسٹم پر کون کون رہ رہا ہے، میں اتفاق کرتا ہوں کہ کراچی میں غیرقانونی تعمیرات ہورہی ہیں، ایس بی سی اے کی ذمہ داری ہے کہ وہ غیرقانونی تعمیرات کو روکے
مگر ایس بی سی اے کے فنانشل اسٹیک ہیں اس لیے نہیں روکتی، ہم قانون پر کام کر رہے ہیں کہ عمارتوں کو توڑنے کا عمل ایس بی سی اے کو دیں یا کسی نجی ادارے کو۔
وزیر داخلہ سندھ ضیاءالنجار نے کہا کہ ہم دیکھیں کہ کون افسران ملوث ہیں ان کے خلاف سخت کارروائی ہوگی، حکومت اس معاملے پر بہت سنجیدہ ہے، قیمتی جانوں کا ضیاع ہوا ہے، مجرمانہ غفلت کرنے والوں کو بہت جلد گرفتار کریں گے۔
.ذریعہ: Express News
کلیدی لفظ: ایس بی سی اے کراچی میں نے کہا کہ کے خلاف رہے ہیں
پڑھیں:
کراچی: لیاری میں 107 مخدوش عمارتیں، 22 انتہائی حساس قرار، ڈپٹی کمشنر ساؤتھ
کراچی کے علاقے لیاری میں مخدوش عمارتوں کی تعداد خطرناک حد تک بڑھ گئی ہے۔ ڈپٹی کمشنر ساؤتھ نے تصدیق کی ہے کہ لیاری میں 107 مخدوش عمارتیں موجود ہیں جن میں سے 22 کو انتہائی حساس (ہائی رسک) قرار دیا گیا ہے۔
ڈپٹی کمشنر ساؤتھ نے میڈیا کو بتایا کہ ضلعی انتظامیہ سندھ بلڈنگ کنٹرول اتھارٹی (SBCA) اور دیگر متعلقہ اداروں کے ساتھ مل کر ان عمارتوں کو فوری طور پر خالی کرانے کے لیے اقدامات کر رہی ہے۔ انتہائی حساس عمارتوں کے مکینوں کو ترجیحی بنیاد پر منتقل کیا جا رہا ہے۔
ان کا کہنا تھا کہ شہریوں کی جان و مال کا تحفظ اولین ترجیح ہے اور کسی بھی سانحے سے بچنے کے لیے ایمرجنسی بنیادوں پر نوٹس جاری کیے گئے ہیں، جبکہ کئی عمارتوں کو سیل بھی کیا جا چکا ہے۔
مزید پڑھیں: کراچی: خستہ حال عمارت گرنے سے جاں بحق افراد کی تعداد 14 ہوگئی، امدادی کارروائیاں جاری
ڈپٹی کمشنر نے کہا کہ جن عمارتوں کی حالت فوری طور پر خطرناک ہے، انہیں خالی کرا کے مکینوں کو متبادل رہائش فراہم کرنے کے اقدامات کیے جا رہے ہیں۔ انتظامیہ کے پاس محدود وسائل ہیں لیکن خطرات سے نمٹنے کے لیے تمام ممکنہ کوششیں کی جا رہی ہیں۔
انہوں نے شہریوں سے اپیل کی کہ وہ مخدوش عمارتوں کے حوالے سے معلومات فوری ضلعی انتظامیہ یا بلڈنگ کنٹرول اتھارٹی تک پہنچائیں اور اپنے تحفظ کو یقینی بنائیں۔
واضح رہے کہ کراچی میں متعدد پرانی اور خستہ حال عمارتیں زمین بوس ہوچکی ہیں، جن میں قیمتی انسانی جانوں کا نقصان ہوا ہے۔ ان واقعات کے بعد شہر میں مخدوش عمارتوں کے خلاف کارروائی کا دائرہ وسیع کیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ڈپٹی کمشنر ساؤتھ کراچی لیاری مخدوش عمارتیں
لیبوبو، خوفناک گڑیا کا ٹرینڈ کس کی سازش ہے؟ مشی خان کا انکشاف