کراچی: لیاری میں 107 مخدوش عمارتیں، 22 انتہائی حساس قرار، ڈپٹی کمشنر ساؤتھ
اشاعت کی تاریخ: 5th, July 2025 GMT
کراچی کے علاقے لیاری میں مخدوش عمارتوں کی تعداد خطرناک حد تک بڑھ گئی ہے۔ ڈپٹی کمشنر ساؤتھ نے تصدیق کی ہے کہ لیاری میں 107 مخدوش عمارتیں موجود ہیں جن میں سے 22 کو انتہائی حساس (ہائی رسک) قرار دیا گیا ہے۔
ڈپٹی کمشنر ساؤتھ نے میڈیا کو بتایا کہ ضلعی انتظامیہ سندھ بلڈنگ کنٹرول اتھارٹی (SBCA) اور دیگر متعلقہ اداروں کے ساتھ مل کر ان عمارتوں کو فوری طور پر خالی کرانے کے لیے اقدامات کر رہی ہے۔ انتہائی حساس عمارتوں کے مکینوں کو ترجیحی بنیاد پر منتقل کیا جا رہا ہے۔
ان کا کہنا تھا کہ شہریوں کی جان و مال کا تحفظ اولین ترجیح ہے اور کسی بھی سانحے سے بچنے کے لیے ایمرجنسی بنیادوں پر نوٹس جاری کیے گئے ہیں، جبکہ کئی عمارتوں کو سیل بھی کیا جا چکا ہے۔
مزید پڑھیں: کراچی: خستہ حال عمارت گرنے سے جاں بحق افراد کی تعداد 14 ہوگئی، امدادی کارروائیاں جاری
ڈپٹی کمشنر نے کہا کہ جن عمارتوں کی حالت فوری طور پر خطرناک ہے، انہیں خالی کرا کے مکینوں کو متبادل رہائش فراہم کرنے کے اقدامات کیے جا رہے ہیں۔ انتظامیہ کے پاس محدود وسائل ہیں لیکن خطرات سے نمٹنے کے لیے تمام ممکنہ کوششیں کی جا رہی ہیں۔
انہوں نے شہریوں سے اپیل کی کہ وہ مخدوش عمارتوں کے حوالے سے معلومات فوری ضلعی انتظامیہ یا بلڈنگ کنٹرول اتھارٹی تک پہنچائیں اور اپنے تحفظ کو یقینی بنائیں۔
واضح رہے کہ کراچی میں متعدد پرانی اور خستہ حال عمارتیں زمین بوس ہوچکی ہیں، جن میں قیمتی انسانی جانوں کا نقصان ہوا ہے۔ ان واقعات کے بعد شہر میں مخدوش عمارتوں کے خلاف کارروائی کا دائرہ وسیع کیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ڈپٹی کمشنر ساؤتھ کراچی لیاری مخدوش عمارتیں.
ذریعہ
ذریعہ: WE News
کلیدی لفظ: ڈپٹی کمشنر ساؤتھ کراچی لیاری مخدوش عمارتیں کے لیے
پڑھیں:
کراچی میں کئی ماہ سے جاری پانی کا شدید بحران ختم نہ ہو سکا
کراچی میں کئی ماہ سے جاری پانی کا شدید بحران ختم نہ ہو سکا۔
اتوار کو دھابیجی پمپنگ اسٹیشن پر کے الیکٹرک کے جبری شٹ ڈاؤن سے کراچی کو پانی کی فراہمی معطل ہوئی جبکہ پیر کو کے الیکٹرک کی مین کیبل میں فالٹ کے باعث حب پمپنگ اسٹیشن کی بجلی معطل ہونے سے پانی کی فراہمی مزید کم ہوگئی۔
موجودہ صورتحال میں بوند بوند کو ترستے شہری ٹینکرز مافیا کے ہاتھوں مہنگا پانی خریدنے پر مجبور ہیں۔
کراچی واٹر کارپوریشن کے ترجمان کا کہنا ہے کہ حب سے کراچی کو یومیہ 85 ملین گیلن پانی کی فراہمی متاثر ہے۔
دوسری جانب کے الیکٹرک کے ترجمان مطابق حب پمپنگ اسٹیشن پر بجلی کی فراہمی متبادل ذرائع سے جاری ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ