سیلاب کے خطرے کے پیش نظر وزیراعظم کی این ڈی ایم اے اور اداروں کو الرٹ رہنے کی ہدایت
اشاعت کی تاریخ: 7th, July 2025 GMT
وزیراعظم محمد شہباز شریف نے حالیہ بارشوں اور ممکنہ سیلابی صورتحال کے پیش نظر نیشنل ڈزاسٹر مینجمنٹ اتھارٹی (این ڈی ایم اے)، ریسکیو اداروں اور متعلقہ سول انتظامیہ کو ہائی الرٹ پر رہنے کی ہدایت کر دی ہے۔
ایکسپریس نیوز کے مطابق وزیراعظم شہباز شریف نے حالیہ بارشوں اور دریائے سندھ اور ملحقہ علاقوں میں سیلابی خطرے کی صورت حال کے پیش نظر خبردار کیا ہے کہ تربیلا ڈیم کے سپل وے کھلنے کے بعد دریائے سندھ کے زیریں اضلاع میں طغیانی کا خدشہ بڑھ گیا ہے۔
انہوں نے کہا کہ متعلقہ ادارے فوری اور مؤثر حفاظتی اقدامات یقینی بنائیں اور این ڈی ایم اے اور پی ڈی ایم اے ہنگامی رابطے کرے۔
وزیراعظم نے این ڈی ایم اے کو ہدایت دی کہ وہ خود کو صوبائی ڈیزاسٹر مینجمنٹ اتھارٹیز صوبائی حکومتوں اور دیگر اداروں سے قریبی اور ہم آہنگ رکھے۔
اس کے علاوہ وزیراعظم نے پاکستان ٹیلی کمیونیکیشن اتھارٹی کو ہدایت کی کہ عوام کو ریئل ٹائم انفارمیشن فراہم کی جائے تاکہ وہ ممکنہ خطرات سے بروقت آگاہ ہوں۔
وزیراعظم نے نیشنل ایمرجنسی آپریشن سینٹر کو میڈیا پر ایسے تمام علاقوں کی تفصیل جاری کرنے کی ہدایت کی ہے جہاں اونچے، درمیانے اور کم درجے کے سیلاب کا خطرہ ہے، تاکہ متاثرہ علاقوں کے مکین محفوظ مقامات پر منتقل ہو سکیں۔
وزیراعظم نے زور دیا کہ تمام صوبوں کی انتظامیہ عوامی آگاہی مہم بھرپور انداز میں جاری رکھے اور اپنی تیاری مکمل رکھے تاکہ کسی بھی ہنگامی صورتحال کا مؤثر اور بروقت جواب دیا جا سکے۔
ذریعہ: Express News
کلیدی لفظ: ڈی ایم اے
پڑھیں:
دریائے چناب، جہلم، راوی اور ملحقہ ندی نالوں میں سیلاب کی وارننگ جاری
دریائے چناب، جہلم، راوی اور ملحقہ ندی نالوں میں سیلاب کی وارننگ جاری WhatsAppFacebookTwitter 0 7 July, 2025 سب نیوز
لاہور (سب نیوز)نو جولائی تک دریاوں میں پانی کے بہا میں غیرمعمولی اضافے کے خدشے کے پیشِ نظرپی ڈی ایم اے پنجاب نے دریائے چناب، جہلم، راوی اور ملحقہ ندی نالوں میں سیلاب کی وارننگ جاری کردی۔
پنجاب کے مختلف دریاں اور ندی نالوں میں پانی کے بہاو میں غیرمعمولی اضافے کا خدشہ ظاہر کیا گیا ہے۔ صوبائی ڈیزاسٹر مینجمنٹ اتھارٹی (پی ڈی ایم اے)نے نو جولائی تک ممکنہ سیلاب کے پیش نظر وارننگ جاری کرتے ہوئے متعلقہ اداروں اور انتظامیہ کو الرٹ رہنے کی ہدایت کی ہے۔پی ڈی ایم اے کے مطابق، دریائے چناب، جہلم اور راوی میں پانی کی سطح بلند ہو رہی ہے، جبکہ ان دریاوں سے منسلک ندی نالے، نالہ بہیں، بسنتر، ڈیگ، پلکھو، بھمبر، ہلسی، ایک اور ڈورا میں بھی سیلابی صورتحال پیدا ہونے کا خدشہ ہے۔
دریائے چناب میں مرالہ کے مقام پر اونچے درجے کے سیلاب کی وارننگ جاری کر دی گئی ہے، جب کہ دیگر نالوں میں درمیانے سے اونچے درجے کے سیلاب کا امکان ظاہر کیا گیا ہے۔ڈیرہ غازی خان کے پہاڑی علاقوں میں بہنے والے رود کوہیوں میں بھی فلیش فلڈنگ کی وارننگ جاری کی گئی ہے۔ اس کے علاوہ لاہور، گوجرانوالہ، سیالکوٹ اور راولپنڈی ڈویژن میں شہری علاقوں میں اربن فلڈنگ کا بھی خطرہ ہے۔
ڈی جی پی ڈی ایم اے عرفان علی کاٹھیا نے ضلعی انتظامیہ کو ہدایت کی ہے کہ وزیراعلی پنجاب کی ہدایت کے مطابق پیشگی انتظامات مکمل کیے جائیں۔ انہوں نے کہا کہ ایمرجنسی کنٹرول رومز میں عملے کو ہمہ وقت الرٹ رکھا جائے اور ریسکیو 1122 کی ڈیزاسٹر رسپانس ٹیموں کو بھی مکمل تیار رہنے کی ہدایت کی گئی ہے۔ڈی جی کا مزید کہنا تھا کہ دریاوں کے کنارے موجود رہائشی علاقوں، مکانوں اور مویشیوں کو فوری طور پر محفوظ مقامات پر منتقل کیا جائے۔ فلڈ ریلیف کیمپس میں خوراک، پانی اور دیگر بنیادی سہولیات کی دستیابی کو یقینی بنایا جائے تاکہ کسی بھی ہنگامی صورتحال سے موثر انداز میں نمٹا جا سکے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبربھارت کی جانب سے چین کے مذہبی معاملے میں مداخلت، چینی سفیر کا سخت ردِعمل آگیا بھارت کی جانب سے چین کے مذہبی معاملے میں مداخلت، چینی سفیر کا سخت ردِعمل آگیا خیبرپختونخوا حکومت گرانے کی بازگشت، امیر مقام کا بڑا بیان سامنے آگیا خیبرپختونخوا اسمبلی میں مخصوص نشستوں پر حلف برداری کا معاملہ سنگین، اپوزیشن نے قانونی مشاورت شروع کردی بھارت آپریشن سندور کے دوران اپنے مقرر کردہ فوجی اہداف حاصل کرنےمیں ناکام رہا، فیلڈ مارشل مخصوص نشستوں پر بحال ارکان کو معطلی کے دورانیہ کی تنخواہیں دینے کا فیصلہ اسمبلی میں کرسیاں مارنا اور مائیک اکھاڑنا احتجاج نہیں، قانون کو راستہ بنانا چاہیے، اعظم نذیر تارڑCopyright © 2025, All Rights Reserved
رابطہ کریں ہمارے بارے ہماری ٹیم
کراچی میں پارکنگ کہاں کہاں مفت کردی گئی؟ 32 سائٹس کی تفصیلات سامنے آگئیں