نوجوانوں کو کچلنے والا سماجی رہنما ظفر عباس کا ڈرائیور گرفتار، گاڑی برآمد
اشاعت کی تاریخ: 8th, July 2025 GMT
کراچی کے علاقے انچولی میں پیش آنے والے ٹریفک حادثے میں ملوث جے ڈی سی کے سربراہ ظفر عباس کے ڈرائیور عرب رضا کو پولیس نے گرفتار کرکے گاڑی برآمد کر لی ہے۔ حادثے میں 2 موٹر سائیکل سوار نوجوان زخمی ہوئے تھے، جبکہ واقعے کی سی سی ٹی وی فوٹیج اور ویڈیوز نے ظفر عباس کے ابتدائی دعوؤں کی نفی کردی ہے۔
پولیس کے مطابق، گرفتار ڈرائیور سے ابتدائی بیان لیا جا رہا ہے، جبکہ سی سی ٹی وی فوٹیج میں واضح طور پر ڈبل کیبن گاڑی کو رانگ وے سے دوسری سڑک پر جاتے ہوئے دیکھا جا سکتا ہے۔ پولیس کا کہنا ہے کہ ڈرائیور نے غلط سمت سے آتے ہوئے سڑک پار کرنے کی کوشش کی، جس کے دوران موٹر سائیکل سوار نوجوانوں کو ٹکر مار دی۔
پولیس حکام کا مزید کہنا ہے کہ حادثے کے بعد ڈرائیور گاڑی سمیت جائے وقوعہ سے فرار ہو گیا، جبکہ گاڑی میں 2 گارڈز بھی موجود تھے۔ واقعے کے فوراً بعد شہری بڑی تعداد میں جائے حادثہ پر جمع ہو گئے۔
مزید پڑھیں: کم عمر ڈرائیور نے 3 موٹر سائیکلوں کو کچل دیا، ’کیا پیسے والوں کو سب گناہ معاف ہیں؟‘
ویڈیو فوٹیج میں دیکھا جا سکتا ہے کہ موٹر سائیکل سوار نوجوان صحیح سمت میں آ رہے تھے، جنہیں گاڑی نے سامنے سے ٹکر ماری۔ ٹکر کی شدت سے نوجوان موٹر سائیکل سے اچھل کر فٹ پاتھ پر گر پڑے۔
ظفر عباس نے گزشتہ روز دعویٰ کیا تھا کہ حادثے کا سبب موٹر سائیکل کی ہیڈ لائٹ بند ہونا تھا، تاہم سی سی ٹی وی نے اس دعوے کو غلط ثابت کردیا۔
پولیس کا کہنا ہے کہ زخمی نوجوانوں کے اہلخانہ فی الحال مقدمہ درج نہیں کرا رہے، وہ بچوں کے علاج میں مصروف ہیں، اور قانونی کارروائی سے متعلق فیصلہ بعد میں کریں گے۔ تاہم، اہلخانہ مسلسل سمن آباد پولیس اسٹیشن سے رابطے میں ہیں۔
یاد رہے کہ یہ گاڑی ظفر عباس کے نام پر رجسٹرڈ ہے، اور حادثے میں زخمی ہونے والے دونوں نوجوان شدید زخموں کے باعث اسپتال میں زیر علاج ہیں۔ واقعے پر سوشل میڈیا پر بھی شدید ردعمل دیکھنے میں آ رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جے ڈی سی کے سربراہ ظفر عباس کراچی.ذریعہ: WE News
کلیدی لفظ: جے ڈی سی کے سربراہ کراچی موٹر سائیکل
پڑھیں:
کراچی، دو الگ پولیس مقابلے، دو ڈاکو زخمی حالت میں گرفتار، اسلحہ و مسروقہ سامان برآمد
کراچی:کراچی میں پولیس اور ملزمان کے درمیان دو مختلف مقامات پر مبینہ مقابلوں کے نتیجے میں دو ڈاکو زخمی حالت میں گرفتار کر لیے گئے۔
پولیس کے مطابق دونوں زخمی ملزمان کو فوری طبی امداد کے لیے جناح اسپتال منتقل کیا گیا۔
پہلا مقابلہ ملیر کھوکھرا پار ڈگری کالج کے قریب پیش آیا جہاں پولیس اور ڈاکوؤں کے درمیان فائرنگ کا تبادلہ ہوا۔
مقابلے میں ایک ڈاکو زخمی حالت میں پکڑا گیا جس کی شناخت 40 سالہ عبدالعزیز کے نام سے ہوئی۔
پولیس کے مطابق گرفتار ملزم کے قبضے سے ایک پستول، مسروقہ موبائل فون اور نقد رقم برآمد کی گئی ہے۔
دوسرا مبینہ پولیس مقابلہ کورنگی کوسٹار چورنگی کے قریب زمان ٹاؤن کے علاقے میں ہوا، جس میں ایک اور ڈاکو زخمی حالت میں گرفتار کیا گیا۔
زخمی ملزم کی شناخت سید عمران کے نام سے ہوئی، جسے طبی امداد کے لیے جناح اسپتال منتقل کیا گیا۔
پولیس کے مطابق کارروائی کے دوران ملزم کے قبضے سے اسلحہ برآمد ہوا ہے۔