پنجاب حکومت کا مستحق جوڑوں کے لیے انوکھا تحفہ
اشاعت کی تاریخ: 15th, October 2025 GMT
پنجاب حکومت کی جانب سے ’’دھی رانی پروگرام‘‘ کے تیسرے مرحلے کا باقاعدہ آغاز کر دیا گیا ہے، جس کے تحت اجتماعی شادی میں شریک ہر مستحق جوڑے کواے ٹی ایم کارڈ کے ذریعے 2 لاکھ روپے کی مالی سلامی دی گئی۔
لاہور میں منعقدہ ایک باوقار تقریب میں 130 بیٹیوں کی اجتماعی شادیاں انجام دی گئیں، جن میں دلہنوں اور دولہوں کے اہلخانہ کے ساتھ ساتھ سیاسی، سماجی اور سرکاری شخصیات نے بھی شرکت کی۔
حکومتِ پنجاب کی جانب سے یہ مالی امداد نہ صرف شادی کے اخراجات میں سہولت فراہم کرتی ہے، بلکہ اسے بیٹیوں کی خودمختاری اور باعزت زندگی کی جانب ایک مثبت قدم بھی قرار دیا جا رہا ہے۔
تقریب سے خطاب کرتے ہوئے وزیرِ سماجی بہبود **سہیل شوکت بٹ** نے کہا کہ *”دھی رانی پروگرام مستحق گھرانوں کے لیے امید کی نئی کرن ہے۔ انہوں نے کہا کہ حکومت پنجاب ایک فلاحی ریاست کے وژن کے تحت عوامی فلاح کے منصوبوں پر عمل کر رہی ہے اور اجتماعی شادیوں جیسے پروگرام اس کا عملی ثبوت ہیں۔
وزیر نے بتایا کہ اس پروگرام کے پہلے اور دوسرے مرحلے میں اب تک3 ہزار سے زائد بیٹیوں کی شادیاں کرائی جا چکی ہیں، جبکہ رواں سال کے دوران 5 ہزار سے زائد مستحق بیٹیوں کی شادیاں کرانے کا ہدف مقرر کیا گیا ہے۔
حکومتی نمائندوں کا کہنا تھا کہ ’’دھی رانی پروگرام‘‘ نہ صرف مالی معاونت فراہم کرتا ہے، بلکہ خواتین کی عزت نفس، خودداری، اور معاشرتی تحفظ کے فروغ کا بھی ایک مؤثر ذریعہ ہے۔ یہ اقدام اس بات کا عملی اظہار ہے کہ حکومت غریب اور مستحق طبقات کو تنہا نہیں چھوڑ رہی۔
ذریعہ: Daily Mumtaz
کلیدی لفظ: بیٹیوں کی
پڑھیں:
رواں مالی سال کے پہلے 4 ماہ میں ترسیلات زر میں اضافہ ریکارڈ
اسلام آباد:رواں مالی سال 26-2025 کے پہلے 4 ماہ میں ترسیلات زر میں 9.3 فیصد اضافہ ریکارڈ کیا گیا اور جولائی تا اکتوبر ترسیلات زر کا حجم 11 ارب85 کروڑ ڈالر رہا ہے جبکہ 4 ماہ میں برآمدات دو فیصد اضافے سے 10.6 ارب ڈالر ریکارڈ کی گئیں۔
وفاقی وزارت خزانہ کی جانب سے جاری ماہانہ اقتصادی اپ ڈیٹ کے مطابق اس دوران درآمدات 9.6 فیصد اضافے سے 20.7 ارب ڈالر تک پہنچ گئیں، جولائی تا اکتوبر کرنٹ اکاؤنٹ خسارہ 73 کروڑ ڈالر سے تجاوز کر گیا۔
رپورٹ میں بتایا گیا کہ ملک میں براہ راست بیرونی سرمایہ کاری 26 فیصد کمی سے 74 کروڑ 77 لاکھ ڈالر رہی، ڈالر گزشتہ سال کے مقابلے 2 روپے 60 پیسے مہنگا ہوا، 27 نومبر کو ڈالر ریٹ 280 روپے 60 پیسے ریکارڈ کیا گیا جبکہ گزشتہ سال اسی مدت میں ڈالر ریٹ 278 روپے تھا۔
وزارت خزانہ کے مطابق جولائی تا اکتوبر ٹیکس ریونیو 11.4 فیصد اضافے سے 3834 ارب روپے رہا، نان ٹیکس ریونیو 0.4 فیصد کمی سے 3008 ارب روپے رہا اور اس دوران بجٹ 2119 ارب روپے سرپلس رہا اور پرائمری بیلنس بڑھ کر 3497 ارب روپے سے تجاوز کر گیا ہے۔
مزید بتایا گیا کہ رواں مالی سال کے ابتدائی 4 ماہ میں زرعی شعبے کو 845 ارب روپے کے قرضے ملے جبکہ گزشتہ سال کے مقابلے میں زرعی قرضوں میں 18.6 فیصد اضافہ ہوا، اس دوران نجی شعبے کو قرضوں کی فراہمی میں نمایاں کمی آئی۔
وفاقی وزارت خزانہ کے مطابق جولائی تا ستمبر بڑی صنعتوں کی پیداوار میں 4.08 فیصد اضافہ ہوا ہے۔
جنرل ساحر شمشاد مرزا 18ویں اور آخری چیئرمین جوائنٹ چیفس آف سٹاف کمیٹی ہونگے