کے پی کا نیا وزیر اعلی پرچی نہیں فرشی ہے جو سلام کر کر کے وزیر اعلیٰ بنا ہے‘ عظمیٰ بخاری
اشاعت کی تاریخ: 13th, October 2025 GMT
لاہور (اُردو پوائنٹ اخبارتازہ ترین - این این آئی۔ 13 اکتوبر2025ء) وزیر اطلاعات و ثقافت پنجاب عظمیٰ بخاری نے کہا ہے کہ گنڈا پور کی وزارتِ اعلی دو گھریلو خواتین کی لڑائی کی نذر ہوگئی، جبکہ خیبرپختونخوا کا نیا وزیر اعلی پرچی نہیں بلکہ فرشی ہے جو سلام کر کر کے وزیر اعلی بنا ہے،عثمان بزدار کو بیگم کے کہنے پر لگایا گیا جبکہ گنڈا پور کو باجی کے کہنے پر ہٹایا گیا، جو اس جماعت کی سیاسی حقیقت کو بے نقاب کرتا ہے،کے پی میں آج جعلی الیکشن ہوا، ایک وزیراعلی کا استعفیٰ منظور نہیں ہوا اور دوسرا منتخب کرلیا گیا، سہیل آفریدی نے صرف بڑھکیں ماریں، صوبے کی ترقی پر کوئی بات نہیں کی،عظمیٰ بخاری نے واضح کیا کہ پنجاب کے ہر ترقیاتی منصوبے میں جنوبی پنجاب کو برابر کا حصہ دیا جاتا ہے اور مریم نواز کے نزدیک نہ کوئی وسطی ہے نہ جنوبی پنجاب، بلکہ صرف ایک پنجاب ہے۔
(جاری ہے)
ان خیالات کا اظہار انہوں نے پنجاب اسمبلی کے باہر میڈیا سے گفتگو کرتے ہوئے کیا۔انہوں نے کہا کہ پنجاب حکومت نے سیلاب سے متاثرہ علاقوں کا سروے تقریبا مکمل کر لیا ہے اور بہت جلد متاثرہ خاندانوں کو مالی امداد کی فراہمی کا عمل شروع کیا جا رہا ہے۔ انہوں نے بتایا کہ جنوبی پنجاب میں بحالی کے کام تیزی سے جاری ہیں جبکہ صوبے میں ستھرا پنجاب" فلیگ شپ پروگرام بھرپور انداز میں چل رہا ہے۔ بچوں کی صحت میں بہتری کے لیے جنوبی پنجاب میں میل پروگرام بھی مثر انداز میں جاری ہے۔ انہوں نے بتایا کہ جنوبی پنجاب میں اب تک 4014افراد کے CNICاور 78,769جانور رجسٹر ہو چکے ہیں جبکہ 787.698ملین روپے کے قرضے منظور کیے گئے۔ رحیم یار خان 4500رجسٹریشن اور 121.5ملین کے قرضوں کے ساتھ سرفہرست رہا۔ بہاولپور و بہاولنگر نے 10,443جانور رجسٹر کر کے 281.961ملین روپے کے قرضے حاصل کیے۔ ویہاری میں 313 CNICاور 29,174جانوروں کی رجسٹریشن کے تحت 63.666ملین روپے کے قرضے دیے گئے۔ چولستان میں 1295رجسٹریشنز اور 12.852ملین کے قرضے فراہم کیے گئے جبکہ دیگر اضلاع میں بھی یہ عمل بھرپور انداز میں جاری ہے۔وزیر اطلاعات نے کہا کہ وزیراعلی پنجاب گرین ٹریکٹر پروگرام (فیز ون) 2024-25کے تحت صوبے بھر میں اب تک 9,464ٹریکٹرز فراہم کیے جا چکے ہیں، جن میں سے 3,849ٹریکٹرز جنوبی پنجاب کے کاشتکاروں کو ملے۔ آئندہ مرحلے (2025-26)میں 9,500ہائی پاور ٹریکٹرز تقسیم کیے جائیں گے، جن میں 3,865کا حصہ جنوبی پنجاب کو دیا جائے گا۔ اسی طرح کسان کارڈ پروگرام کے تحت پنجاب میں 660,552کارڈز فعال کیے جا چکے ہیں، جن میں سے 292,809کارڈز جنوبی پنجاب کے کسانوں کو جاری کیے گئے ہیں۔ عظمیٰ بخاری نے کہا کہ اپنی چھت اپنا گھر پروگرام کے تحت جنوبی پنجاب میں مجموعی طور پر 87,425گھروں کے لیے قرضے فراہم کیے گئے ہیں۔ ان میں سے 60,054گھر زیر تعمیر ہیں جبکہ 20,564گھر مکمل ہو چکے ہیں، جو جنوبی پنجاب میں عوام کو اپنا گھر فراہم کرنے کے حکومتی عزم کی عکاسی کرتا ہے۔انہوں نے واضح کیا کہ اس وقت جب بارڈر پر حالات کشیدہ ہیں اور افغانستان سے دراندازی کی کوششیں ہو رہی ہیں، کسی بھی صوبے پر سیاسی چڑھائیاں انتہائی غیر ذمے دارانہ عمل ہے۔ پاکستان کے اندر کوئی حالات خراب کرنے یا دہشت گردی کے لیے دوسرے ملک کی سرزمین استعمال کرے، یہ کسی صورت برداشت نہیں کیا جائے گاآخر میں انہوں نے کہا کہ پنجاب حکومت بلدیاتی انتخابات کے انعقاد کے لیے مکمل طور پر تیار ہے۔ لوگوں کی جان و مال کا تحفظ حکومت کی بنیادی ذمہ داری ہے، سڑکیں بند کرنا اور عوام کو تکلیف دینا ناقابل قبول ہے۔
ذریعہ: UrduPoint
کلیدی لفظ: تلاش کیجئے وزیر اعلی نے کہا کہ انہوں نے چکے ہیں کے قرضے کیے گئے کے لیے کے تحت
پڑھیں:
وزیرِ اعلیٰ پنجاب کا بےسہارا بیواؤں کے قبضہ کیسز ترجیحاً اور فوری حل کرنے کا حکم
---فائل فوٹووزیرِاعلیٰ پنجاب مریم نواز شریف نے بےسہارا بیواؤں کے قبضہ کیسز ترجیحاً اور فوری طور پر حل کرنے کا حکم دیا ہے۔
وزیر اعلیٰ پنجاب مریم نواز شریف نے کہا کہ ناجائز قبضہ کیسز کے جَلد حل سے عوام کو فوری ریلیف دینا چاہتے ہیں، تمام ڈپٹی کمشنر ناجائز قبضہ کیسز پر روزانہ اجلاس کریں، خود مانیٹر کروں گی۔
پنجاب حکومت کی جانب سے جاری کیے گئے اعلامیے کے مطابق وزیرِ اعلیٰ پنجاب مریم نواز نے آرڈیننس 2025ء کے مکمل نفاذ کی ہدایت کی، قبضے کے خلاف فوری حکومتی اقدامات کی اطلاع عوام تک پہنچانے کے لیے مساجد میں اعلانات کیے جائیں گے۔
اعلامیے میں کہا گیا کہ وزیرِاعلیٰ نے ہر تحصیل میں اسسٹنٹ کمشنر آفس میں بھی قبضے کی درخواستیں وصول کرنے کی ہدایت کی ہے۔
اعلامیے کے مطابق مریم نواز کا گجرات، لیہ، حافظ آباد و دیگر اضلاع میں قبضے کے جَلد فیصلے نہ ہونے پر اظہارِ ناپسندیدگی کیا گیا ہے۔
اعلامیے کے مطابق 3 ہفتے میں پنجاب بھر میں ناجائز قبضے کے خلاف 2919 درخواستیں موصول ہوئیں ہیں، ڈسٹرکٹ ڈسپیوٹ ریزولیشن کمیٹیوں نے 499 کیسز حل کردیے ہیں۔
سابق گورنر پنجاب کے روپ میں فراڈ کرنے والے ملزمان گرفتار