کراچی میں دنیا کی ثقافتیں ایک چھت تلے، آرٹس کونسل میں ورلڈ کلچر فیسٹیول کا اعلان
اشاعت کی تاریخ: 15th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی: آرٹس کونسل آف پاکستان کراچی کی جانب سے ورلڈ کلچر فیسٹیول 2025ء کے حوالے سے حسینہ معین ہال میں ایک شاندار پریس کانفرنس کا انعقاد کیا گیا، جس میں صوبائی وزیر ثقافت و سیاحت سید ذوالفقار علی شاہ اور صدر آرٹس کونسل محمد احمد شاہ نے تفصیلات سے آگاہ کیا۔
پریس کانفرنس سے خطاب کرتے ہوئے صدر آرٹس کونسل محمد احمد شاہ نے بتایا کہ ورلڈ کلچر فیسٹیول 30 اکتوبر سے آرٹس کونسل کراچی میں شروع ہوگا جو 7 دسمبر تک جاری رہے گا، یہ 39 روزہ عالمی ثقافتی میلہ دنیا بھر کے 141 ممالک کے فنکاروں کو ایک پلیٹ فارم پر جمع کرے گا۔
انہوں نے بتایا کہ فیسٹیول میں افریقہ سے 37، ایشیا سے 41، یورپ سے 36، ساؤتھ امریکا سے 11، نارتھ امریکا سے 13 اور اوشیانا کے 3 ممالک کے فنکار شرکت کریں گے۔ فیسٹیول میں 45 تھیٹر پرفارمنسز، 60 میوزک کنسرٹس، 25 ڈانس شوز اور 6 آرٹ ایگزیبیشنز ہوں گی جن میں 25 بین الاقوامی اور 30 قومی مصور اپنے فن کا مظاہرہ کریں گے۔ اس کے علاوہ 25 تربیتی نشستیں اور 15 فکری نشستیں بھی رکھی گئی ہیں۔
محمد احمد شاہ نے کہا کہ ہم دنیا کو دکھانا چاہتے ہیں کہ پاکستان ایک امن پسند اور ثقافتی طور پر مضبوط قوم ہے۔ یہ فیسٹیول دنیا کے سب سے بڑے ثقافتی میلوں میں شامل ہوگا اور کراچی ثقافتی دنیا کا مرکز بن جائے گا۔
انہوں نے مزید کہا کہ 2800 سے زائد فلمیں فیسٹیول کے لیے موصول ہو چکی ہیں، جن میں اسرائیل اور بھارت کے فلم سازوں کی فلمیں بھی شامل ہیں۔
انہوں نے کہا کہ جہاں ظلم اور نسل کشی جاری ہو وہاں فنکار قصور وار نہیں، فنکار ہمیشہ امن اور انسانیت کا پیغام دیتے ہیں، غزہ میں حالیہ امن معاہدہ اس بات کا اشارہ ہے کہ دنیا اب امن کی طرف بڑھ رہی ہے اور ایسے وقت میں یہ فیسٹیول بہت اہم کردار ادا کرے گا۔
صدر آرٹس کونسل نے بتایا کہ عالمی شہرت یافتہ گلوکار راحت فتح علی خان، اکبر خمیسو خان، مائی ڈھائی، صنم ماروی، اور اختر چنال جیسے نامور فنکار فیسٹیول میں پرفارم کریں گے۔ اس کے علاوہ ماحولیاتی تبدیلی سے متعلق آگاہی ورکشاپس، فلم نمائشیں اور روزانہ شام چار بجے شارٹ فلموں کی اسکریننگ بھی کی جائے گی۔
صوبائی وزیر ثقافت سید ذوالفقار علی شاہ نے کہا کہ یہ ورلڈ کلچر فیسٹیول کا دوسرا ایڈیشن ہے، گزشتہ سال 42 ممالک شریک ہوئے تھے جبکہ اس مرتبہ 141 ممالک اپنی ثقافت، موسیقی اور فن کا مظاہرہ کریں گے، ایسے فیسٹیولز پاکستان کا مثبت چہرہ دنیا کے سامنے پیش کرتے ہیں اور ثابت کرتے ہیں کہ کراچی کی ثقافتی سرگرمیاں کبھی نہیں رکتیں۔
انہوں نے مزید کہا کہ سندھ حکومت آرٹس کونسل کے ساتھ مکمل تعاون کر رہی ہے اور آنے والے دنوں میں سندھ کے ثقافتی ورثے کو بین الاقوامی سطح پر مزید اجاگر کیا جائے گا تاکہ دنیا دیکھے کہ پاکستان دہشت گرد نہیں بلکہ محبت، امن اور فن کا علمبردار ملک ہے۔
واضح رہے کہ ورلڈ کلچر فیسٹیول 2025 میں دنیا بھر کے 1000 سے زائد فنکار پرفارم کریں گے جبکہ زیادہ تر پروگرام عوام کے لیے مفت ہوں گے تاکہ شہری دنیا بھر کی ثقافتوں سے براہِ راست لطف اندوز ہو سکیں۔
ذریعہ
ذریعہ: Jasarat News
کلیدی لفظ: آرٹس کونسل انہوں نے کریں گے کہا کہ شاہ نے
پڑھیں:
اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں،خداکا خوف کریں،جسٹس اشتیاق ابراہیم اے این ایف پر برہم
اسلام آباد(ڈیلی پاکستان آن لائن)سپریم کورٹ میں منشیات برآمدگی کیس میں جسٹس اشتیاق ابراہیم نے اے این ایف پر اظہار برہمی کرتے ہوئے کہاکہ اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں،خداکا خوف کریں، کمرہ عدالت میں جھوٹ نہ بولیں،اے این ایف کیا کررہا ہے ، ملزمان تحویل میں ہوتے ہوئے مار دیئے جاتے ہیں،ایک کیس میں ملزم کی ہتھکڑیوں کیساتھ تصویر تھی جو اگلے روز مار دیا گیا۔
نجی ٹی وی چینل دنیا نیوز کے مطابق سپریم کورٹ میں منشیات برآمدگی کیس میں ملزمہ کی درخواست ضمانت پرسماعت ہوئی،جسٹس ہاشم کاکڑ کی سربراہی میں 3رکنی بنچ نے سماعت کی،ملزمہ کے وکیل نے عدالت کے رو برو اے این ایف ریڈکی سی سی ٹی وی فوٹیج چلائی،عدالت نے سی سی ٹی وی فوٹیج کا فرانزک کروانے کا حکم دیدیا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
وکیل نے کہاکہ واضح دیکھا جا سکتا ہے اے این ایف اہلکار منشیات لے کر گھر آیا، خودمنشیات گھر میں رکھ کر جھوٹا کیس بنایاگیا، سی سی ٹی وی فوٹیج میں نظر آنے والا اہلکار کمرہ عدالت میں موجود ہے۔
اے این ایف اہلکار نے فوٹیج میں موجودگی کی تردید کردی،جسٹس اشتیاق ابراہیم نے کہاکہ اے این ایف کے اسلحہ بردار اہلکار تشدد کرتے نظر آ رہے ہیں،وکیل اے این ایف نے کہاکہ یہ فوٹیج کسی اور گھر میں کئے گئے ریڈ کی ہے۔
جسٹس ہاشم کاکڑ نے کہاکہ اے این ایف کے 10اہلکار تھے مگر 2لڑکیاں پھر بھی بھاگ گئیں؟ہٹے کٹے اہلکار لڑکیوں کو نہیں پکڑ سکے مگر گاڑی پکڑ لی،وکیل احسن بھون نے کہاکہ گارڑی کی ریکوری کا ریکارڈ بھی تبدیل کیاگیا ہے،
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
جسٹس اشتیاق ابراہیم نے اے این ایف پر اظہار برہمی کرتے ہوئے کہاکہ اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں ،خداکا خوف کریں، کمرہ عدالت میں جھوٹ نہ بولیں،اے این ایف کیا کررہا ہے ، ملزمان تحویل میں ہوتے ہوئے مار دیئے جاتے ہیں،ایک کیس میں ملزم کی ہتھکڑیوں کیساتھ تصویر تھی جو اگلے روز مار دیا گیا۔
جسٹس ہاشم کاکڑ نے اے این ایف اہلکار سے مکالمہ کرتے ہوئے کہاکہ جوانی ہمیشہ نہیں رہتی، کچھ خیال کیا کریں۔سپریم کورٹ نے 5لاکھ روپے مچلکوں کے عوض ملزمہ کی ضمانت منظورکرلی۔
لاہور ائیرپورٹ اغواء کیس کا ڈراپ سین، غیرملکی خاتون دوست کے ساتھ رضامندی سے گئی
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ