کراچی میں ورلڈ کلچرل فیسٹیول آرٹس کونسل میں ہوگا ،141ممالک شرکت کرینگے
اشاعت کی تاریخ: 15th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر) آرٹس کونسل آف پاکستان کراچی کی جانب سے ”ورلڈ کلچر فیسٹیول2025ء“ کے حوالے سے پریس کانفرنس کا انعقاد حسینہ معین ہال میں کیاگیا جس میں صوبائی وزیر ثقافت و سیاحت سید ذوالفقار علی شاہ اور صدر آرٹس کونسل محمد احمد شاہ نے بریفنگ دی۔
پریس کانفرنس میں صدر آرٹس کونسل محمد احمد شاہ نے کہاکہ ورلڈ کلچر فیسٹیول 2025ءکا آغا ز30 اکتوبر سے ہوگا ، 39روزہ فیسٹیول 7دسمبر تک آرٹس کونسل میں جاری رہے گا، فیسٹیول میں 141 ممالک شرکت کررہے ہیںجس میں افریقہ سے 37 ، ایشیاءسے 41، یورپ سے 36، ساؤتھ امریکا سے 11، نارتھ امریکا سے 13، Oceania سے 3شہروں کے فنکار آرٹس کونسل میں پرفارم کریں گے، ورلڈ کلچر فیسٹیول میں 45 تھیٹر ، 60 میوزک ، 25 ڈانس پرفارمنس ہوں گی جبکہ 6 ایگزیبیشن میں 25 بین الاقوامی اور 30 قومی سطح کے مصور حصہ لے ہیں، 25تربیتی نشست اور 15 ٹاکس رکھی گئی ہیں۔فیسٹیول میں 1000سے زائد فنکار پرفارم کریں گے جس میں پاکستانی فنکار بھی شامل ہیں۔
انہوں نے کہاکہ ورلڈ کلچر فیسٹیول میں دنیا کے لوگوں کو دکھانا چاہتا ہوں کہ ہم امن پسند قوم ہیں، میں میڈیا کا شکر گزار ہوں جو ہمارے صوبے اور پاکستان کا مثبت چہرہ پوری دنیا میں دکھاتا ہے ،آرٹس کونسل آپ کا گھر ہے آپ نے پوری دنیا میں اسے دکھانا ہے، دوسرے ورلڈ کلچر فیسٹیول پر ہم نے پچھلے سال ہی کام شروع کردیا تھا، یہ دنیا کا سب سے بڑا فیسٹیول ہوگا۔
واضح رہے کہ 30اکتوبر سے شروع ہونے والا ”ورلڈ کلچر فیسٹیول 2025“ 7دسمبر تک آرٹس کونسل میں جاری رہے گا جس میں زیادہ تر عوام کو مفت تفریح فراہم کی جائے گی۔
ذریعہ: Jasarat News
کلیدی لفظ: ا رٹس کونسل میں فیسٹیول میں
پڑھیں:
کھپرو میں صوبائی محتسب اعلیٰ کی کھلی کچہری کا انعقاد، شہریوں کی شرکت
data-id="863a0a8" data-element_type="widget" data-widget_type="theme-post-content.default">
کھپرو (نمائندہ جسارت)کھپرو میں صوبائی محتسب اعلیٰ سندھ کی کھلی کچہری—شہریوں کی شکایات کے فوری حل کی یقین دھانی کروائی ۔ تفصیلات کے مطابق۔صوبائی محتسب اعلیٰ سندھ کے ریجنل ڈائریکٹر غلام شبیر میمن کی جانب سے مقامی ایک نجی ہال میں کھلی کچہری کا انعقاد کیا گیا، جس میں بڑی تعداد میں شہری، سماجی رہنما اور مختلف سرکاری محکموں کے نمائندے شریک ہوئے۔ کھلی کچہری کا بنیادی مقصد عوام کے مسائل سننا، سرکاری اداروں کی کارکردگی کا جائزہ لینا اور شہریوں کو درپیش پریشانیوں کا فوری حل فراہم کرنا تھا۔ غلام شبیر میمن نے شرکاء سے خطاب کرتے ہوئے کہا کہ صوبائی محتسب کا ادارہ عوامی خدمت کے لیے قائم ہے، جہاں ہر شہری بغیر کسی سفارش اور فیس کے اپنی شکایت درج کرا سکتا ہے۔ انہوں نے کہا کہ سرکاری افسران کی نااہلی، سستی یا قواعد کی خلاف ورزی برداشت نہیں کی جائے گی، اور عوامی شکایات کے حل میں کسی بھی قسم کی کوتاہی قابلِ قبول نہیں۔ کھلی کچہری کے دوران شہریوں نے مختلف سرکاری محکموں—خصوصاً بلدیہ، واٹر سپلائی، تعلیم، صحت، بجلی اور محکمہ مال کے خلاف شکایات پیش کیں۔ بیشتر شہریوں نے بجلی کے غیر ضروری بل، اسکولوں میں اساتذہ کی غیر حاضری، صفائی کی ناقص صورتحال، صحت کے اداروں میں سہولیات کی کمی اور واٹر سپلائی کی خرابی جیسے مسائل کی نشاندہی کی۔
ملک میں عدلیہ کی آزادی، شہری حقوق اور عوام کی سلامتی خطرے میں ہے، ہیومن رائٹس کمیشن پاکستان