data-id="863a0a8" data-element_type="widget" data-widget_type="theme-post-content.default">

کراچی: گوئٹے انسٹی ٹیوٹ پاکستان اور ٹی ڈی ایف کے میگنیفائی سائنس سینٹر کے اشتراک سے سائنس فلم فیسٹیول 2025 کی افتتاحی تقریب منعقد ہوئی، جس میں طلبہ، اساتذہ اور سائنس کے شوقین افراد نے بڑی تعداد میں شرکت کی،  تقریب میں شرکاء کو فلم کے ذریعے سائنس اور تخلیقی سوچ کو سمجھنے کا موقع فراہم کیا گیا۔

تفصیلات کےمطابق اس سال کے فیسٹیول کا موضوع گرین جابز رکھا گیا ہے، جس کا مقصد ماحول دوست ٹیکنالوجی، پائیدار ترقی اور سبز معیشت سے وابستہ ماہرین کے خیالات اور تجربات کو اجاگر کرنا ہے۔

افتتاحی تقریب میں فواد سومرو، چیف ایگزیکٹو آفیسر داؤد فاؤنڈیشن، ماہا جعفری (گوئٹے انسٹی ٹیوٹ پاکستان) اور جرمن قونصلیٹ کی نمائندہ آنیا کلوس نے شرکت کی اور اپنے خیالات کا اظہار کیا۔

 مقررین نے کہا کہ اس فیسٹیول کے ذریعے نوجوانوں میں سائنسی سوچ، اختراع اور ماحول دوست ترقی کے رجحان کو فروغ دیا جا رہا ہے۔

فیسٹیول میں 150 سے زائد طلبہ نے شرکت کی، جن میں کم مراعات یافتہ طبقات سے تعلق رکھنے والے بچے بھی شامل تھے۔ طلبہ نے اپنے سائنسی منصوبے پیش کیے جو فیسٹیول کے موضوع “گرین جابز” سے ہم آہنگ تھے۔

گوئٹے انسٹی ٹیوٹ کے زیرِ اہتمام سائنس فلم فیسٹیول 2005 سے دنیا بھر میں منعقد ہو رہا ہے اور اب یہ دنیا کا سب سے بڑا سائنسی ابلاغ کا پروگرام بن چکا ہے۔ 2025 کے ایڈیشن میں 37 ممالک سے 123 فلمیں شامل کی گئی ہیں، جن میں سے 29 فلمیں پاکستان میں دکھائی جائیں گی۔

منتظمین کے مطابق یہ فیسٹیول سائنس کو دلچسپ، قابلِ فہم اور سب کے لیے قابلِ رسائی بنانے کی ایک مؤثر اور تعلیمی کاوش ہے، جس سے نوجوان نسل میں تجسس، تحقیق اور ماحولیاتی شعور کو فروغ ملے گا۔

ویب ڈیسک وہاج فاروقی.

ذریعہ: Jasarat News

پڑھیں:

تربت گرلز کالج میں ایک روزہ اسپورٹس فیسٹیول کا انعقاد

تربت کے گورنمنٹ گرلز ڈگری کالج میں فلاحی ادارے ’ہیلپنگ ہینڈ‘ کے تعاون سے ایک روزہ اسپورٹس فیسٹیول منعقد ہوا، جس میں کالج کی طالبات، اساتذہ اور معروف اسپورٹس شخصیات نے بھرپور شرکت کی۔
فیسٹیول میں فٹبال، کرکٹ، رسہ کشی، میوزیکل چیئر اور دیگر کھیلوں کے مقابلے منعقد کیے گئے، جہاں طالبات نے شاندار کارکردگی کا مظاہرہ کیا اور گراؤنڈ میں جوش و ولولے کا ماحول پیدا کیا۔
اساتذہ نے اس روزہ اسپورٹس ایونٹ کو خوش آئند قرار دیتے ہوئے کہا کہ ایسے مواقع طالبات کی صلاحیتوں کو نکھارنے میں مددگار ہیں۔ طالبات نے بھی کہا کہ ہر اسکول اور کالج میں اس قسم کے ایونٹس کرانے چاہئیں تاکہ ان کی صلاحیتیں سامنے آئیں۔
مہمان خصوصی اور اسپورٹس شخصیات نے کہا کہ کھیل نوجوانوں میں ٹیم ورک، خود اعتمادی اور مثبت رویے کو فروغ دیتے ہیں، اور خواتین میں اسپورٹس کی ترقی کے لیے ہر ممکن تعاون جاری رکھا جائے گا۔
تقریب کے اختتام پر ’ہیلپنگ ہینڈ‘ نے بہترین کارکردگی دکھانے والی طالبات کو ٹرافیز اور اعزازی شیلڈز سے نوازا۔

 

متعلقہ مضامین

  • شراب و اسلحہ برآمدگی کیس میں علی امین گنڈا پور کیخلاف اشتہاری قرار دینے کی کارروائی کا آغاز ہو گیا
  • آئی سی سی بی ایس جامعہ کراچی کا جز ہے حیثیت تبدیل نہ کیجائے، اکیڈمی آف سائنس کا وزیراعلیٰ کو خط
  • انسان اور مشین کا اشتراک: مصنوعی ذہانت تخلیقی شراکت دار بھی بن گئی
  • آئی سی سی بی ایس جامعہ کراچی کا جز ہے حیثیت تبدیل نہ کی جائے، اکیڈمی آف سائنس کا وزیراعلی کو خط
  • موضوع: الحاد اور اس کی اقسام
  • تربت گرلز کالج میں ایک روزہ اسپورٹس فیسٹیول کا انعقاد
  • الشریف فاؤنڈیشن پاکستان کے نو منتخب عہدیداران کی تقریب حلف برداری کے موقع پر کوآرڈینیٹر کراچی شعبان علی بھٹی،فوڈ سیکریٹری ڈسٹرکٹ ساؤتھ محمد اصغر ،صدر ڈسٹرکٹ ساؤتھ محمد اکبر اور دیگر کا لیا گیا گروپ فوٹو
  • کھپرو میں صوبائی محتسب اعلیٰ کی کھلی کچہری کا انعقاد، شہریوں کی شرکت
  • حلال تجارت کی ترقی اور اقتصادی تعاون کا وسیع تر فروغ ہماری ترجیح ہے، افغانستان
  • پاکستان کسٹمز کی کارروائی،15کروڑ سے زائدمالیت کاسامان اسمگل کرنے کی کوشش ناکام