صفا کوئٹہ کا صفائی کی مد میں رقم جمع کرنا عوام دشمن اقدام ہے، تاجر برادری
اشاعت کی تاریخ: 15th, October 2025 GMT
اپنے بیان میں کوئٹہ کے تاجروں نے کہا کہ مختلف علاقوں میں صفا کوئٹہ کے اہلکاروں نے دکانداروں سے صفائی کے نام پر رقوم وصول کیں، جو غیر قانونی، غیر اخلاقی اور عوام دشمن اقدام ہے۔ اسلام ٹائمز۔ تاجروں نے صفا کوئٹہ کی جانب سے دکانداروں سے صفائی کی مد میں پیسے وصول کرنے کی مذمت کرتے ہوئے اسے میٹروپولیٹن کوئٹہ کی نااہلی قرار دی ہے۔ اپنے مشترکہ بیان میں مرکزی تنظیم تاجران بلوچستان کے ترجمان کاشف حیدری، رکن صوبائی کونسل عزت اللہ کاظمی و دیگر نے کہا گزشتہ دنوں علمدار روڈ، جناح روڈ، پرنس روڈ، میکانگی روڈ اور منان چوک سمیت شہر کے مختلف علاقوں میں صفا کوئٹہ کے اہلکاروں نے دکانداروں سے صفائی کے نام پر رقوم وصول کیں، جو غیر قانونی، غیر اخلاقی اور عوام دشمن اقدام ہے۔ انہوں نے کہا کہ صفائی کا نظام برقرار رکھنا میٹروپولیٹن کارپوریشن کی بنیادی ذمہ داری ہے، مگر اس کی کارکردگی گزشتہ طویل عرصے سے صفر کے برابر رہی ہے۔
انہوں نے کہا کہ مذہبی اجتماعات، مجالس اور جلسے جلوس کے دوران بھی شہر میں صفائی ستھرائی کا کوئی خاطرخواہ انتظام نظر نہیں آتا، جس کے باعث عوام اور تاجر برادری کو شدید مشکلات کا سامنا کرنا پڑتا ہے۔ اب جب شہر کو صفا کوئٹہ کے حوالے کیا گیا ہے تو صفائی کا نظام مزید درہم برہم ہوچکا ہے۔ جگہ جگہ گندگی، کچرے کے ڈھیر اور تعفن نے شہری زندگی کو متاثر کر دیا ہے، جبکہ دوسری طرف ٹیکسوں اور بلوں سے پہلے ہی پریشان تاجروں سے صفائی کی مد میں پیسے مانگنا ظلم کے مترادف ہے۔ تاجر رہنماؤں نے کہا کہ اگر انتظامیہ نے فوری طور پر ان غیر قانونی وصولیوں کا نوٹس نہ لیا اور تاجروں کو ریلیف فراہم نہ کیا، تو مرکزی تنظیم تاجران بلوچستان احتجاجی تحریک شروع کرنے پر مجبور ہوگی۔ جس کی تمام تر ذمہ داری متعلقہ اداروں پر عائد ہوگی۔ انہوں نے واضح کیا کہ تاجر برادری متحد ہے، کسی ناجائز اقدام کو برداشت نہیں کرے گی اور اگر مسائل حل نہ کیے گئے تو آئندہ کے لائحہ عمل کا اعلان جلد کیا جائے گا۔
ذریعہ
ذریعہ: Islam Times
کلیدی لفظ: صفا کوئٹہ نے کہا کہ کوئٹہ کے سے صفائی
پڑھیں:
10 لاکھ تک بِلا سود قرضہ کیسے حاصل کریں؟ درخواست دینے کا طریقہ جانیے
حکومت نے شہریوں کو اپنے گھروں کی مرمت، بہتری اور توسیع کے لیے مالی معاونت فراہم کرنے کے مقصد سے "اپنی چھت، محفوظ چھت" پروگرام 2026 شروع کر دیا ہے، جس کے تحت اہل افراد کو 5 سے 10 لاکھ روپے تک بلاسود قرضے فراہم کیے جائیں گے۔حکومتی منصوبے کے تحت قرضوں کی فراہمی دو مختلف کیٹیگریز میں کی جائے گی۔ پہلی کیٹیگری میں وہ شہری شامل ہوں گے جو اپنے موجودہ گھروں کی چھتوں کی مرمت یا بنیادی ڈھانچے کو مضبوط بنانا چاہتے ہیں۔ انہیں 5 لاکھ روپے تک بلاسود قرض دیا جائے گا، جس کی واپسی 9 سال کے عرصے میں ماہانہ تقریباً 4 ہزار 700 روپے کی اقساط کی صورت میں کرنا ہوگی۔ دوسری کیٹیگری ان افراد کے لیے ہے جو اپنے گھروں کی توسیع، مثلاً دوسری منزل کی تعمیر، کرنا چاہتے ہیں۔ اس مقصد کے لیے 10 لاکھ روپے تک بلاسود قرض فراہم کیا جائے گا، جس کی واپسی بھی 9 سال میں ماہانہ تقریباً 9 ہزار 300 روپے کی اقساط کے ذریعے کی جائے گی۔ آن لائن درخواست دینے کا طریقہ خواہش مند شہری "اپنی چھت، محفوظ چھت" لون اسکیم کے لیے آن لائن درخواست پنجاب حکومت کے متعلقہ پورٹل acag.punjab.gov.pk کے ذریعے جمع کرا سکتے ہیں۔ درخواست گزاروں کو رجسٹریشن کے لیے اپنی ضروری دستاویزات فراہم کرنا ہوں گی۔ وہ شہری جو آن لائن درخواست دینے کی سہولت استعمال نہیں کر سکتے، وہ اپنی درخواستیں ڈپٹی کمشنر، اسسٹنٹ کمشنر یا پنجاب ہاؤسنگ اینڈ ٹاؤن پلاننگ ایجنسی کے دفاتر میں جمع کرا سکتے ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع