خوبصورتی کیلئے آنکھوں کی سرجری کروانے والی 31 سالہ انفلوئنسر انتقال کرگئی
اشاعت کی تاریخ: 9th, October 2025 GMT
برازیل میں خوبصورتی میں اضافے کیلئے آنکھوں کی سرجری کروانے والی مشہور سوشل میڈیا انفلوئنسر ایڈیئر مینڈیز ڈوٹرا جونیئر انتقال کر گئیں۔
غیر ملکی میڈیا رپورٹس کے مطابق 31 سالہ فیشن انفلوئنسر کو سرجری کے بعد پیچیدگیوں کا سامنا ہوا اور کئی ماہ کے علاج کے بعد وہ چل بسیں۔
رپورٹس کے مطابق ایڈیئر مینڈیز نے مارچ 2025 میں ایک معروف کاسمیٹک سرجن سے آنکھوں کی ’فاکس آئی سرجری‘ کروائی تھی جس سے آنکھیں بلی جیسی اور دلکش ہوجاتی ہیں۔ تاہم سرجری کے بعد ان کے چہرے پر شدید سوجن اور نیلے نشانات نمودار ہوئے، جن کے بارے میں انہوں نے اپنے مداحوں سے سوشل میڈیا ویڈیوز میں کھل کر بات کی۔
بعد ازاں انہوں نے بتایا کہ سرجری کے نتیجے میں انہیں جلد کا انفیکشن ہوگیا ہے اور وہ جلد کے ماہر ڈاکٹر کی زیر نگرانی علاج کروا رہی ہیں۔
یاد رہے کہ انفیکشن بڑھ جانے کے بعد ایڈیئر مینڈیز نے متعلقہ بیوٹی سرجن کے خلاف پولیس میں شکایت درج کرائی تھی، جس میں ڈاکٹر پر سنگین غفلت، دھوکہ دہی اور جسمانی نقصان کے الزامات عائد کیے گئے تھے۔
3 اکتوبر کو ایڈیئر مینڈیز کو سانس لینے میں دشواری کے باعث اسپتال منتقل کیا گیا، جہاں وہ دم توڑ گئیں۔ نوجوان انفلوئنسر کی موت کی ممکنہ وجہ سرجری کے بعد ہونے والا انفیکشن بتایا جارہا ہے۔
.ذریعہ: Express News
کلیدی لفظ: ایڈیئر مینڈیز سرجری کے کے بعد
پڑھیں:
کریسٹیانو رونالڈو کا نیا مشن: صحت، خوداعتمادی اور خوبصورتی کو فروغ دینے کا عزم
فٹبال کے عالمی اسٹار کریسٹیانو رونالڈو کھیل کے میدان سے باہر بھی صحت اور فلاحِ عامہ کے منصوبوں میں سرگرم ہیں۔ وہ ’انسپائر‘ (Inspire) نامی کمپنی کے شریک بانی ہیں، جو خوداعتمادی، خوبصورتی اور بالوں کی دیکھ بھال کے شعبے میں خدمات فراہم کرتی ہے۔
مشرقِ وسطیٰ میں توسیع، ریاض میں کلینکس کا قیام
العربیہ نیوز کے مطابق رونالڈو نے سعودی نشریاتی ادارے ایم بی سی کے پروگرام ’لاؤڈ ایف ایم‘کو دیے گئے انٹرویو میں بتایا کہ انسپائر اپنی سرگرمیوں کو مشرقِ وسطیٰ میں توسیع دے رہی ہے، جس میں ریاض میں نئے کلینکس کا قیام بھی شامل ہے۔
???????????? pic.twitter.com/5SOwwqSFR4
— Cristiano Ronaldo (@Cr7Fran4ever) October 7, 2025
انہوں نے سعودی عرب کے لیے اپنی محبت کا اظہار کرتے ہوئے کہا کہ ’سعودی عرب اب میرا گھر ہے‘۔
مصروف کیریئر کے باوجود فلاحی کاموں میں دلچسپی
رونالڈو نے وضاحت کی کہ وہ اپنے مصروف فٹبال کیریئر کے باوجود اس منصوبے کے لیے وقت کیوں نکالتے ہیں۔
ان کے مطابق میرے نزدیک صحت زندگی کی بنیادی کنجی ہے۔ بہتر صحت کا مطلب بہتر زندگی ہے۔ ہم یہاں لوگوں کی مدد کے لیے ہیں۔
40 سال کی عمر میں بھی فٹنس کی علامت
النصر کلب سے وابستہ پرتگالی اسٹار 40 سال کی عمر میں بھی بہترین فٹنس کے ساتھ میدان میں نئی کامیابیاں سمیٹ رہے ہیں۔ وہ کھیلوں کی دنیا میں صحت اور تندرستی کی علامت سمجھے جاتے ہیں۔
’خوبصورتی اور خوداعتمادی لازم و ملزوم ہیں‘رونالڈو نے زور دیا کہ خوبصورتی اور ظاہری دیکھ بھال براہِ راست خوداعتمادی سے جڑی ہوئی ہے۔ ان کے بقول جب انسان ظاہری طور پر بہتر محسوس کرتا ہے تو اندر سے زیادہ پراعتماد بن جاتا ہے۔
ان کا کہنا ہے کہ اگر آپ مجھے بالوں کے بغیر دیکھیں تو میں وہی شخص نہیں رہوں گا۔ بال ہونا مجھے بہتر اور زیادہ پُراعتماد محسوس کراتا ہے۔
صحت مند زندگی کا پیغامرونالڈو کا کہنا تھا کہ ان کی کوشش ہے کہ ’انسپائر‘ کے پلیٹ فارم کے ذریعے لوگوں کو صحت مند اور مثبت طرزِ زندگی کی طرف راغب کیا جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انسپائر بال رونالڈو صحت فٹبالر
بلاول بھٹو کا مشتاق احمد خان سمیت تمام افراد کی فوری رہائی کا مطالبہ