افغانستان سے علاقائی و عالمی سلامتی کو سنگین خطرات لاحق، اقوام متحدہ کا انتباہ
اشاعت کی تاریخ: 15th, October 2025 GMT
اقوامِ متحدہ کی سلامتی کونسل کو پیش کی گئی ایک تازہ رپورٹ کے مطابق افغانستان اب بھی مختلف دہشت گرد گروہوں کے لیے ایک محفوظ پناہ گاہ بنا ہوا ہے، جو عالمی امن و سلامتی کے لیے سنگین خطرہ بنے ہوئے ہیں۔
دستاویز کے مطابق تحریکِ طالبان پاکستان کے تقریباً 6,000 جنگجو اب بھی افغان سرزمین پر موجود ہیں، جنہیں مبینہ طور پر افغان حکام کی حمایت حاصل ہے۔
مذکورہ رپورٹ اقوامِ متحدہ کی تحلیلی معاونت و پابندیوں کی مانیٹرنگ ٹیم نے سلامتی کونسل کی کمیٹی برائے داعش، القاعدہ و متعلقہ گروہ کو پیش کی ہے، جس میں دنیا کے مختلف خطوں میں ان تنظیموں کی تازہ سرگرمیوں، مالیاتی ذرائع اور ممکنہ خطرات کا تفصیلی جائزہ شامل ہے۔
یہ بھی پڑھیں: پاکستان کی جانب سے افغانستان پر فضائی حملہ اقوام متحدہ کی قراردادوں کے عین مطابق ہے، سفارتی ماہرین
رپورٹ کے مطابق داعش خراسان کو 2,000 کے قریب جنگجوؤں کے ساتھ علاقائی وعالمی سطح پر سب سے خطرناک گروہ قرار دیا گیا ہے۔
https://Twitter.
رپورٹ میں بتایا گیا کہ داعش خراسان شیعہ برادری، طالبان حکام اور غیر ملکی اہداف کو نشانہ بنانے کی حکمتِ عملی پر عمل پیرا ہے۔
رپورٹ میں مزید بتایا گیا ہے کہ دہشت گرد تنظیمیں القاعدہ اور داعش یعنی اسلامک اسٹیٹ اب بھی عالمی امن و سلامتی کے لیے سنگین خطرہ بنی ہوئی ہیں۔
رپورٹ کے مطابق، اگرچہ دونوں گروہوں کی مرکزی قیادت کمزور پڑ چکی ہے، تاہم ان کے علاقائی نیٹ ورک، خصوصاً افریقہ، مشرقِ وسطیٰ اور جنوبی ایشیا میں، تیزی سے فعال اور خودمختار ہو رہے ہیں۔
افغانستان میں دہشت گردوں کے لیے سازگار ماحولرپورٹ میں کہا گیا ہے کہ افغانستان اب بھی مختلف دہشت گرد گروہوں کے لیے ایک محفوظ پناہ گاہ بنا ہوا ہے۔
داعش خراسان کو 2 ہزار کے قریب جنگجوؤں کے ساتھ علاقائی وعالمی سطح پر سب سے خطرناک گروہ قرار دیا گیا ہے۔
دستاویز کے مطابق تحریکِ طالبان پاکستان کے تقریباً 6,000 جنگجو اب بھی افغان سرزمین پر موجود ہیں، جنہیں مبینہ طور پر افغان حکام کی حمایت حاصل ہے۔
رپورٹ میں بتایا گیا کہ داعش خراسان شیعہ برادری، طالبان حکام اور غیر ملکی اہداف کو نشانہ بنانے کی حکمتِ عملی پر عمل پیرا ہے۔
القاعدہ کمزور مگر پھیلاؤ جاریرپورٹ کے مطابق، القاعدہ کی مرکزی قیادت کمزور ضرور ہے، لیکن اس کے ذیلی گروہ اپنی مقامی سطح پر طاقت اور اثر و رسوخ بڑھا رہے ہیں۔
تنظیم کا سربراہ سیف العدل بدستور پس منظر میں رہ کر رہنمائی فراہم کر رہا ہے، تاہم کئی گروہوں میں اس کی قیادت پر اختلافات پائے جاتے ہیں۔
القاعدہ کے زیرِ اثر گروہ جماعت نصرت الاسلام والمسلمین اور الشباب نے مغربی اور مشرقی افریقہ میں اپنی کارروائیوں میں نمایاں اضافہ کیا ہے۔
مزید پڑھیں: اقوام متحدہ جنرل اسمبلی کی افغانستان کے خلاف قرارداد کیا روس کے ردعمل میں منظور کی گئی؟
یہ گروہ نہ صرف ریاستی سیکیورٹی فورسز بلکہ شہری آبادی کو بھی نشانہ بنا رہے ہیں، اور متعدد علاقوں میں اپنی انتظامی و عدالتی نظام نافذ کرنے کی کوششوں میں مصروف ہیں۔
رپورٹ میں انکشاف کیا گیا ہے کہ القاعدہ نے غزہ اور اسرائیل کے تنازعے کو اپنے بیانیے کے طور پر استعمال کیا، اور دنیا بھر میں اکیلے حملہ آوروں کو حملوں پر اکسانے کی مہم چلائی۔
اس دوران القاعدہ جزیرہ نما عرب نے اس مسئلے پر جذباتی تقاریر اور کراؤڈ فنڈنگ مہمات کے ذریعے مالی وسائل بڑھانے کی کوشش کی۔
داعش کی سرگرمیاں افریقہ منتقلرپورٹ میں بتایا گیا ہے کہ داعش نے مشرقِ وسطیٰ میں شدید دباؤ کے بعد اپنی سرگرمیوں کا مرکز افریقہ کو بنا لیا ہے۔
تنظیم کے نائب سربراہ ابو خدیجہ کی ہلاکت کے باوجود، داعش کے جنگجو نائیجیریا، مالی، نائجر اور چاڈ سمیت متعدد ممالک میں سرگرم ہیں۔
اسلامک اسٹیٹ ویسٹ افریقہ پروونس اور اسلامک اسٹیٹ اِن دی گریٹر سہارا جیسے گروہ مقامی بھرتی، تاوان، غیر قانونی ٹیکس اور اسمگلنگ کے ذریعے اپنے مالی وسائل بڑھا رہے ہیں۔
رپورٹ کے مطابق داعش کے جنگجوؤں نے حالیہ مہینوں میں ڈرون حملوں اور جدید ہتھیاروں کا استعمال بڑھا دیا ہے، جب کہ تربیت یافتہ ماہرین مشرقِ وسطیٰ سے افریقہ منتقل کیے گئے ہیں۔
نئی فنڈنگ اور ٹیکنالوجی کے طریقےاقوامِ متحدہ کی ٹیم کے مطابق، القاعدہ اور داعش دونوں تنظیمیں اپنی مالی ضروریات پوری کرنے کے لیے کرپٹو کرنسی، کلاؤڈ حوالہ، موبائل منی ایپس اور مصنوعی ذہانت کے ذریعے جعلی دستاویزات جیسے جدید حربے استعمال کر رہی ہیں۔
داعش کے بعض گروہوں نے مونیرواور ٹیلی گرام والیٹ جیسی ایپس کے ذریعے چندہ جمع کرنے کا نیا طریقہ اپنایا ہے۔
غیر ملکی جنگجوؤں کی واپسی تشویشناکرپورٹ میں خبردار کیا گیا ہے کہ 5 ہزار سے زائد غیر ملکی جنگجو شام اور عراق سے واپس اپنے ممالک یا دیگر خطوں میں منتقل ہونے کی کوشش کر رہے ہیں، جن میں وسطی ایشیائی ممالک اور یورپ سب سے زیادہ متاثر ہو سکتے ہیں۔
اقوامِ متحدہ کی اس رپورٹ کے مطابق، اگرچہ القاعدہ اور داعش کے بڑے نیٹ ورک کو کئی ممالک میں سخت دھچکے لگے ہیں، مگر ان کی علاقائی شاخیں پہلے سے زیادہ منظم، خودمختار اور جدید ٹیکنالوجی سے لیس ہو چکی ہیں۔
رپورٹ کے اختتام پر رکن ممالک کو متنبہ کیا گیا ہے کہ وہ دہشت گردوں کی مالی معاونت، کرپٹو لین دین اور جنگجوؤں کی نقل و حرکت پر سخت نگرانی رکھیں، کیونکہ یہ خطرہ ابھی ختم نہیں ہوا بلکہ نئے انداز میں ابھر رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقوام متحدہ کرپٹو کرنسی کلاؤڈ حوالہ مصنوعی ذہانت موبائل منی ایپس وسطی ایشیا
ذریعہ
ذریعہ: WE News
کلیدی لفظ: اقوام متحدہ کرپٹو کرنسی کلاؤڈ حوالہ مصنوعی ذہانت موبائل منی ایپس وسطی ایشیا رپورٹ کے مطابق اقوام متحدہ بتایا گیا رپورٹ میں گیا ہے کہ متحدہ کی غیر ملکی کے ذریعے داعش کے رہے ہیں کے لیے اب بھی
پڑھیں:
ایران-امریکا مجوزہ معاہدہ، عالمی مارکیٹ میں تیل کی قیمت میں کمی
ایران کی جانب سے امریکا کے ساتھ مجوزہ معاہدے پر نظرثانی کی رپورٹس کے بعد عالمی مارکیٹ میں تیل کی قیمت گر گئی ہے۔
غیرملکی خبرایجنسی نے بتایا کہ ایران کی جانب سے امریکی مجوزہ معاہدے کا جائزہ لینے کی ایرانی میڈیا کی رپورٹس کے بعد عالمی مارکیٹ میں تیل کی قیمتیں کم ہوگئی ہیں جو پہلے سیشن میں بلند ہوگئی تھیں۔
عالمی مارکیٹ میں برینٹ خام تیل کی قیمت 0.69 ڈالر یا 0.7 فیصد کمی کے ساتھ 94.29 ڈالر فی بیرل اور ویسٹ ٹیکساس کی قیمت 0.82 ڈالر یا 0.9 فیصد کمی کے بعد 91.34 ڈالر فی بیرل کی سطح پر آگئی ہے۔
گزشتہ کے اواخر میں امریکا اور ایران کے درمیان امن معاہدے کی امیدوں کی توقعات پر تیل کی قیمت 16 فیصد سے زیادہ کمی آئی تھی لیکن گزشتہ روز برینٹ اور ویسٹ ٹیکساس کی قیمتوں میں بالترتیب 3 اور 5 فیصد اضافہ ہوگیا تھا۔
امریکی صدر ڈونلڈ ٹرمپ نے بیان میں کہا تھا کہ ایران کے ساتھ مذاکرات جاری ہیں اور اگلے ہفتے کے بعد جنگ بندی میں توسیع اور آبنائے ہرمز کی بحالی کے لیے معاہدہ ہوسکتا ہے۔
ایرانی میڈیا نے رپورٹ کیا کہ عارضی امریکا تجاویز پر تاحال ایران کی جانب سے کوئی جواب نہیں دیا گیا ہے تاہم جائزہ لیا جا رہا ہے۔
امریکا اور ایران کے درمیان مذاکرات میں پیش رفت کی رپورٹس کے باوجود آبنائے ہرمز سے تیل کی سپلائی بدستور محدود ہے اور ماہرین نے تیل کے سرمایہ کاروں کے لیے یہ خطرناک قرار دیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ