ویڈیو اسٹریمنگ پلیٹ فارم ایچ بی او میکس نے پاکستان میں بھی سروسز کا باضابطہ آغاز کردیا
اشاعت کی تاریخ: 15th, October 2025 GMT
معروف ویڈیو اسٹریمنگ پلیٹ فارم ایچ بی او میکس نے باضابطہ طور پر 15 نئے ممالک میں اپنی سروس کا آغاز کر دیا ہے، جن میں پاکستان، بنگلہ دیش، کمبوڈیا، مکاؤ، سری لنکا اور یوکرین شامل ہیں۔ اس توسیع کے ساتھ وارنر برادرز ڈسکوری نے ایشیا اور یورپ میں اپنی موجودگی مزید مضبوط بنا لی ہے۔
یہ بھی پڑھیں: ایمیزون جنگل سے 18 دن بعد زندہ مل جانے والے بچے: کیا نیٹ فلیکس کو لکھاری کی ضرورت ہے؟
پاکستان میں ایچ بی او میکس کی آمد کا طویل عرصے سے انتظار کیا جا رہا تھا، جہاں اب صارفین ویب سائٹ اور ایپ اسٹورز کے ذریعے اسٹریمنگ سروس سے استفادہ کرسکتے ہیں۔ اس پلیٹ فارم پر ایچ بی او، میکس اوریجنلز، وارنر برادرز، ڈی سی یونیورس، ڈسکوری اور وِزرڈنگ ورلڈ کے مشہور پروگرام ایک ہی جگہ دستیاب ہوں گے۔
دستیاب شوز میں گیم آف تھرونز، ہاؤس آف دی ڈریگن، دی لاسٹ آف اس، دی پینگوئن اور دی پٹ جیسے عالمی مقبول ڈرامے شامل ہیں، جبکہ ہالی ووڈ کی مشہور فلمیں جیسے سپر مین، اے مائن کرافٹ مووی، دی لارڈ آف دی رنگز، دی میٹرکس اور ہیری پوٹر سیریز بھی پلیٹ فارم کا حصہ ہوں گی۔
یہ بھی پڑھیں: بچوں کے جنسی استحصال پر مبنی لاکھوں صارفین والا آن لائن پلیٹ فارم کیسے بند کروایا گیا؟
ڈسکوری کے ریئلٹی شوز ڈیدلیسٹ کیچ اور گولڈ رش بھی صارفین کے لیے دستیاب ہیں، جبکہ بچوں کے لیے ٹام اینڈ جیری، دی ونڈرفلی ویئرڈ ورلڈ آف گمبال اور لونی ٹونز جیسے مشہور کارٹون شامل کیے گئے ہیں۔ کلاسک سِٹ کومز فرینڈز اور دی بگ بینگ تھیوری جنوری 2026 میں پلیٹ فارم پر پیش کی جائیں گی۔
ایچ بی او میکس آئندہ مہینوں میں کئی نئے میکس اوریجنلز ریلیز کرنے جارہا ہے، جن میں 27 اکتوبر کو ریلیز ہونے والا آئی ٹی، ویلکم ٹو ڈیری بھی شامل ہے، جو اسٹیفن کنگ کے معروف ناول آئی ٹی کی پری کوئل سیریز ہے۔ آنے والی فلموں میں ایم3گن 2.
یہ بھی پڑھیں: یوٹیوب کا اپنے صارفین کی بڑی مشکل حل کرنے کا اعلان
پاکستان میں صارفین کے لیے ایچ بی او میکس نے دو پیکجز متعارف کرائے ہیں۔ اسٹینڈرڈ پلان کی ماہانہ فیس 800 روپے اور سالانہ 5 ہزار 600 روپے رکھی گئی ہے، جبکہ پریمیئم پلان 1 ہزار 100 روپے ماہانہ یا 7 ہزار 700 روپے سالانہ میں دستیاب ہوگا۔
صارفین ایک اکاؤنٹ پر پانچ تک ذاتی پروفائل بنا سکیں گے جن میں بچوں کے لیے پیرنٹل کنٹرولز کے ساتھ الگ اکاؤنٹس شامل ہوں گے۔ یہ سروس ایل جی اور سام سنگ سمیت تمام بڑے اسمارٹ ٹی وی برانڈز پر دستیاب ہے اور صارفین ان ممالک میں بھی مواد دیکھ سکیں گے جہاں ایچ بی او میکس کی سروس موجود ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ایچ بی او میکس بنگلہ دیش پاکستان سری لنکا کمبوڈیا مکاؤ ویڈیو اسٹریمنگ پلیٹ فارم یوکرینذریعہ: WE News
کلیدی لفظ: ایچ بی او میکس بنگلہ دیش پاکستان سری لنکا کمبوڈیا مکاؤ ویڈیو اسٹریمنگ پلیٹ فارم یوکرین ایچ بی او میکس پلیٹ فارم کے لیے
پڑھیں:
اسپیکر نے عمران خان سے ملاقات کی یقین دہانی کروائی، ایاز صادق فارم 47 والے نہیں، لطیف کھوسہ کا وی نیوز کو خصوصی انٹرویو
پاکستان تحریک انصاف (پی ٹی آئی ) کے رہنما لطیف کھوسہ نے کہا ہے کہ اسپیکر ایاز صادق نے عمران خان سے ملاقات کی یقین دہانی کروائی ہے، قومی اسمبلی اسپیکر ایاز صادق ن لیگ کے وہ واحد بندے ہیں جو فارم سنتالیس والے نہیں ہیں۔
وی نیوز کو خصوصی انٹرویو دیتے ہوئے سردار لطیف خان کھوسہ نے بتایا کہ ہماری کل اسپیکر ایاز صادق سے ملاقات ہوئی، اس ملاقات میں پیپلزپارٹی کے نوید قمر، ن لیگ سے رانا ثناء اللہ، طارق فضل چوہدری موجود تھے۔ ان کی موجودگی میں میں نے اسپیکر کو کہا کہ آپ فارم سنتالیس والے نہیں ہیں جس کے بعد اسپیکر سے عمران خان سے ملاقات کے حوالے سے بات کی جس پر انہوں نے یقین دہانی کروائی ہے کہ وہ ملاقات کروائیں گے۔
یہ بھی پڑھیں: کیا فارم 47 کی پیداوار حکومت آئینی ترمیم کا اختیار رکھتی ہے؟ لطیف کھوسہ
لطیف کھوسہ نے بتایا کہ اسپیکر ایاز صادق نے رانا ثنا اللہ کو کہا کہ اڈیالہ جیل میں عمران خان سے ملاقات کے حوالے سے کچھ کیا جائے۔ اسپیکر ایاز صادق نے یہ بھی کہا کہ مذاکرات کے عمل شروع ہونا چاہیے، پاکستان تحریک انصاف اور ن لیگ کے لوگوں کی ہر ہفتے میٹنگ ہونی چاہیے، اسی سے راہ نکلے گی، اور انہوں نے یہ بھی کہا کہ آپ اپنا یہ عمران خان سے ملاقاتوں کا مطالبہ سفارش کے طور پر رکھ لیں۔ اس ملاقات میں میں تھا، بَرَسٹر گوہر تھے، کچھ سینٹر علی ظفر بھی موجود تھے۔
انہوں نے کہا کہ مجھے امید ہے کہ کوئی راہ نکلے گی، میرا اسٹبلشمنٹ کے ساتھ کوئی رابطہ نہیں ہے۔
خواجہ سعد رفیق مجھے مبارکباد دینے آئےان کا کہنا تھا کہ جب میں حلقہ این اے 122 سے الیکشن جیتا تو خواجہ سعد رفیق مجھے مبارکباد دینے آئے۔ میں نے انہیں کہا یہ تہذیب اپنے لیڈروں کو بھی بتائیں کہ جب بندہ ہار جائے تو شکست قبول کر لینی چاہیے۔
ہم نواز شریف کے مطالبے کے ساتھ ہیں کہ جنرل باجوہ کا احتساب کریںایک سوال کے جواب میں سردار لطیف خان نے کہا کہ سابق وزیر اعظم نواز شریف نے کہا کہ وہ ان کا احتساب کریں گے جو عمران خان کو لائے، وہ یہ بھی بتائیں کہ انہیں کون کون لایا، وہاں احتساب شروع کریں۔ اب پھر نواز شریف نے احتساب کی بات چھیڑی ہے کہ جنرل باجوہ کا احتساب لایا جائے۔ ہم ان کے اس مطالبے کے ساتھ ہیں۔ حکومت ن لیگ کی ہے، وزیر اعظم شہباز شریف اور وزیر اعلیٰ مریم نواز ہیں، ان کا مطالبہ کس سے ہے؟
یہ بھی پڑھیں: ’بغیر تیاری آجاتا ہے، میں مطمئن نہیں‘ عمران خان نے وکیل لطیف کھوسہ کو پیروی سے ہٹا دیا
انہوں نے کہا کہ یہ کبھی بھی جنرل باجوہ کا احتساب نہیں کریں گے، کیونکہ نواز شریف کو آرمی چیف لانے والا جنرل باجوہ تھا۔ یہ سب لندن پلان کا حصہ تھا۔ جب پی ٹی آئی نے جنرل قمر باجوہ کو ایکسٹینشن دی تو جنرل باجوہ اور نواز شریف کے درمیان ڈیل ہوئی تھی۔
ضمنی الیکشن کوئی ریفرنڈم نہیں تھاوی نیوز کو انٹرویو دیتے ہوئے ان کا کہنا تھا کہ جو ضمنی الیکشن ہوئے وہ کوئی ریفرنڈم نہیں تھے بلکہ ایک فراڈ الیکشن تھے۔ پاکستان تحریک انصاف کو جلسہ کرنے کی اجازت نہیں دی گئی، دفعہ 144کا اطلاق تھا۔ اگر یہ ریفرنڈم تھا تو انہیں جلسہ کرنے کی اجازت دے دی جاتی۔ پتا چل جاتا۔ ہری پور اور لاہور والی سیٹوں پر دھاندلی کر کے جیتا گیا ہے، ڈی جی خان میں دوست کھوسہ کو ہروایا گیا ہے۔
پی ٹی آئی میں قیادت کا کوئی فقدان نہیں ہےلطیف کھوسہ نے کہا کہ ہمارا لیڈر عمران خان ہے، جیسے ن لیگ کا لیڈر نواز شریف ہے ویسے ہی ہمارا لیڈر عمران خان ہے۔ باقی پارٹیوں کے اندر معاملات چلتے رہتے ہیں، عہدے آتے جاتے رہتے ہیں، پی ٹی آئی میں قیادت کا کوئی فقدان نہیں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سب سے زیادہ پاکستانی کس بیرون ملک میں موجود ہیں؟ حیران کن انکشافات