ملک بھر میں انٹرنیٹ کی رفتار اور کنیکٹیویٹی مکمل طور پر بحال
اشاعت کی تاریخ: 15th, October 2025 GMT
پاکستان ٹیلی کمیونیکیشن کمپنی لمیٹڈ (پی ٹی سی ایل) نے بدھ کے روز اعلان کیا ہے کہ زیرِ سمندر کیبل میں نصب ایک ریپیٹر کی مرمت کا کام کامیابی سے مکمل کر لیا گیا ہے جس کے بعد ملک بھر میں انٹرنیٹ کی رفتار اور کنیکٹیویٹی مکمل طور پر بحال ہو گئی ہے۔
یہ بھی پڑھیں: انٹرنیٹ سروس 18 گھنٹے تک بند رہے گی: پی ٹی سی ایل، نیاٹیل اور یوفون نے صارفین کو آگاہ کردیا
ترجمان پی ٹی سی ایل کے مطابق 14 اکتوبر کی صبح سے مرمتی کارروائی کا آغاز ہوا جو ایک بین الاقوامی کیبل کنسورشیم کی نگرانی میں مکمل کی گئی۔
واضح رہے کہ ملک کو سروس فراہم کرنے والے تمام 6 زیر سمندر کیبل سسٹمز میں پی ٹی سی ایل کے 3، ٹرانس ورلڈ ایسوسی ایٹس (پرائیویٹ) لمیٹڈ کے 2 اور سائبر انٹرنیٹ سروسز کا پیس کیبلز شامل ہیں۔ ان کی مجموعی گنجائش 13 ٹیرا بٹس فی سیکنڈ (Tbps) ہے جبکہ ملک میں موجودہ انٹرنیٹ کا استعمال 7 سے 8 ٹیرا بٹس فی سیکنڈ کے درمیان ہے۔
بیان میں کہا گیا ہے کہ مرمت کے بعد پاکستان میں انٹرنیٹ سروسز کی رفتار اور رسائی میں واضح بہتری آئی ہے۔
ترجمان نے بتایا کہ نیٹ ورک اب بہترین کارکردگی کے ساتھ کام کر رہا ہے جس سے صارفین کو ملک بھر میں بہتر آن لائن سہولت حاصل ہو رہی ہے۔
مزید پڑھیے: پاکستان میں انٹرنیٹ کے مسائل میں ایک بار پھر اضافہ: اب ایسا کیوں ہو رہا ہے؟
اس سے قبل پی ٹی سی ایل نے صارفین کو متنبہ کیا تھا کہ ایک سب میرین کیبل میں مرمتی کام کے باعث انٹرنیٹ سروسز میں عارضی کمی یا جزوی رکاوٹ کا سامنا ہو سکتا ہے۔
کمپنی کے ترجمان نے پیر کے روز بیان میں کہا تھا کہ ایک بین الاقوامی کیبل کنسورشیم سب میرین کیبل سسٹم میں موجود ایک خراب ریپیٹر کی مرمت کرے گا جس کی وجہ سے وقتی مسائل پیش آ سکتے ہیں۔
مسلسل انٹرنیٹ تعطل کا سامنا، 5G متعارف کرانے کی تیاریاں
پاکستان کو ماضی میں بھی سب میرین کیبلز میں خرابی کے باعث متعدد بار انٹرنیٹ کے تعطل کا سامنا رہا ہے۔
حکام نے وعدہ کیا ہے کہ آئندہ مہینوں میں بہتر اور مضبوط کنیکٹیویٹی فراہم کی جائے گی۔
مزید پڑھیں: انٹرنیٹ سروس کو درپیش مسائل کیا 5 جی اسپیکٹرم سے حل ہو جائیں گے؟
حکومت کی جانب سے ملک کے بڑے شہروں میں 5G سروس متعارف کرانے کا منصوبہ بھی زیرِ غور ہے تاکہ ڈیجیٹل انفراسٹرکچر کو جدید تقاضوں سے ہم آہنگ کیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انٹرنیٹ سروس بحال انٹرنیٹ کیبلز کی مرمت پی ٹی سی ایل.ذریعہ: WE News
کلیدی لفظ: انٹرنیٹ سروس بحال انٹرنیٹ کیبلز کی مرمت پی ٹی سی ایل انٹرنیٹ سروس میں انٹرنیٹ پی ٹی سی ایل
پڑھیں:
تاجروں اور صنعتکاروں کا ریلوے پر اعتماد بحال کرینگے،جہاں بابر
data-id="863a0a8" data-element_type="widget" data-widget_type="theme-post-content.default">
حیدرآباد (کامرس رپورٹر)ڈویڑنل کمرشل آفیسر کراچی،پاکستان ریلوے جہاں بابر نے کہا کہ حیدرآباد چیمبر آف اسمال ٹریڈرز اینڈ اسمال انڈسٹری کے ساتھ مل کر تاجروں اور صنعتکاروں کا پاکستان ریلوے پر اعتماد بحال کرینگے۔ انہوں نے کہا کہ اگر چیمبر کی جانب سے پیش کی گئی سفارشات پر مکمل عمل کیا جائے تو نا صرف حیدرآباد ریلوے اسٹیشن کو بین الاقوامی طرز کا بنایا جاسکتا بلکہ پاکستان ریلوے کو بھی بہتر ریونیو جنریٹ کر کے دیا جاسکتا ہے ان خیالات کا اظہار اْنہوں نے حیدرآباد چیمبر آف اسمال ٹریڈرز اینڈ اسمال انڈسٹری کے دورے پر تاجروں سے خطاب کرتے ہوئے کیا انہوں نے مزید کہا کہ بدین لائن کے ساتھ سندھ میں موجود ریلوے کی زمینوں پر انکروچمنٹ ختم کرنے کے لیے آپریشن کیے جارہے ہیں جس سے صنعتکاروں کو لا اینڈ آرڈر کی صورتحال بہتر نظر آئے گی۔ اس کے ساتھ حیدرآباد ریلوے اسٹیشن کے اطراف کی حالت کی بہتری کے لیے بھی ضلعی انتظامیہ سے کئی میٹنگز کی جارہی ہیں تاکہ آنے والے مسافروں کو بہتر سہولیات مل سکیں۔انہوں نے کہا ٹرین کی ٹائمننگ آن لائن بکنگ و دیگر معلومات کے لیے ایک نئی ایپلیکیشن متعارف کروا دی گئی ہے انہوں نے چیمبر کی سفارش پر حیدرآباد میں کارگو گاڑی کے اسٹے کے لیے جلد لائحہ عمل بنانے کا عندیہ دیا۔ اس سے قبل سینئر نائب صدر احمد ادریس چوہان نے بتایا کہ صدر چیمبر سلیم میمن کی جانب سے وزیر اعظم پاکستان اور وفاقی وزیر ریلوے کو حیدرآباد ریلوے اسٹیشن کی ریفارمز پر سفارشات پر مبنی لیٹر لکھا گیا جس کے جواب میں ریلوے منسٹری سے چیمبر کو باقاعدہ حیدرآباد ریلوے اسٹیشن کے لیے بنائی گئی شارٹ ٹرم اینڈ مڈٹرم پالیسیوں سے آگاہ کیا گیا اور ریلوے حکام کا یہ وزٹ بھی اسی سلسلے میں ہے۔انہوں اپنے خطاب میں چیمبر ممبران کے لیے اسپیشل ٹریول ڈسکاؤنٹ، بزنس کمیونٹی کے لیے ریاعتی کارڈ، حیدرآباد سے کراچی و پنجاب اسپیشل روٹس پر ٹرین، اور چیمبر ممبران کے لیے اسپیشل کوٹہ، ایس ایم ایز سیکٹر کے لیے کارگو سروسز میں خصوصی بزنس پیکجز، حیدرآباد ریلوے اسٹیشن کی اپگریڈیشن، ٹریک مینٹیننس اور لوڈنگ پوائنٹس اور اسٹیشن پر مسافروں کی سہولیات پر مبنی سفارشات پیش کیں۔ اس موقع پر نائب صدر شان سہگل نے کہا کہ حیدرآباد کے تاجروں کے لیے کارگو ٹرین کو حیدرآباد میں اسٹے کروانا چاہیے تاکہ حیدرآباد کے تاجر اپنا مال لوڈ اور آف لوڈ اسی اسٹیشن سے کروا سکیں اور ان کا کراچی سے مال منگوانے کا خرچہ بچ سکے۔ اس کے ساتھ ریلوے حکام اور چیمبر کے درمیان بہتر لائزن اور فوکل پرسنز کے زریعے مسائل کی نشاندھی بھی بہت ضروری ہے ٹرین سروسز میں کھانے کی سہولیات کا اسٹینڈرڈ کو بہتر کرنے کی ضرورت ہے انہوں نے کہا کہ اگر پاکستان ریلوے کو دنیا کی طرح اس ادارے کو منافع بخش ادارہ بنانا ہے تو اس کے سسٹمز کو ڈیجیٹلائزڈ کرنا پڑے گا۔ اس موقع پر ممبران ایگزیکٹو کمیٹی، اکرم انصاری، اشفاق صدیق، اقبال موٹلانی، شریف پنجانی اصغر خلجی، صنور قریشی، ممبران سکندر علی راجپوت، عامر شہاب نے ریلوے اسٹیشن کی بہتری سے متعلق سوالات کیے جن کے تسلی بخش جوابات عمران رئیس، ڈویڑنل ایگزیکٹو انجینئر، راؤ عارف، اسٹیشن سپرینٹنڈنٹ حیدرآباد اور ندیم قریشی ریزرویشن سپروائزر حیدرآباد کی جانب سے دیے گئے۔ اس موقع پر تاجروں کی ایک بڑی تعداد اس پروگرام میں موجود تھی۔
پشاور: دہشتگردوں کا فیڈرل کانسٹیبلری ہیڈکوارٹرز پر حملہ