پنجاب میں مریم نواز دھی رانی پروگرام کے فیز تھری کا باقاعدہ افتتاح
اشاعت کی تاریخ: 15th, October 2025 GMT
لاہور (اُردو پوائنٹ اخبارتازہ ترین - این این آئی۔ 15 اکتوبر2025ء) پنجاب حکومت کے فلاحی منصوبے دھی رانی پروگرام کے تحت لاہور میں ایک عظیم الشان اجتماعی شادیوں کی تقریب منعقد ہوئی، جس میں 103 بیٹیاں باعزت طریقے سے اپنے نئے گھروں کو رخصت ہوئیں۔ ان میں 18 اقلیتی بیٹیاں اور ایک خصوصی بیٹی بھی شامل تھیں۔تقریب میں صوبائی وزیر سوشل ویلفیئر و بیت المال سہیل شوکت بٹ اور صوبائی وزیر کھیل فیصل ایوب کھوکھر نے بطورِ مہمانِ خصوصی شرکت کی۔
تقریب سے خطاب کرتے ہوئے صوبائی وزیر سہیل شوکت بٹ نے کہا کہ میں بطور وزیر اپنی بہنوں اور بیٹیوں کو دھی رانی پروگرام میں شادی کی مبارک باد پیش کرتا ہوں۔ یہ وزیر اعلیٰ پنجاب مریم نواز شریف کا تاریخ ساز اقدام ہے، جس نے ان بیٹیوں کی ترجمانی کی ہے جو برسوں سے آنکھوں میں خواب سجائے اپنے گھروں میں بیٹھی تھیں۔(جاری ہے)
انہوں نے کہا کہ دھی رانی پروگرام کے ذریعے وزیرِ اعلی مریم نواز شریف نے ان والدین کا بوجھ بانٹا ہے جو اپنی شرعی ذمہ داری پوری کرنے کے لیے پریشان رہتے تھے۔
یہ پروگرام کبھی نہ ختم ہونے والی دعاں کی بنیاد رکھ رہا ہے۔انہوں نے مزید کہا کہ ماضی میں بھی وزرائے اعلی آئے، مگر اس سطح کا عوامی اور فلاحی منصوبہ کسی نے نہیں دیا۔ وزیرِ اعلی مریم نواز شریف کا ویژن ہے کہ کام باتوں سے نہیں بلکہ عمل سے ہوتے ہیں۔ شیطان نے بھی عبادت کا دعوی کیا مگر سجدے سے انکار کیا، مگر مریم نواز شریف نے وعدہ نہیں، عمل کر دکھایا ہے۔سہیل شوکت بٹ نے کہا کہ ریاست کے وسائل عوام کی امانت ہیں، اور آج پنجاب حکومت نے یہ ثابت کر دیا ہے کہ عوام کا پیسہ عوام کے خوابوں کی تکمیل کے لیے استعمال ہو سکتا ہے۔ دھی رانی پروگرام خوابوں کی تعبیر اور بیٹیوں کی عزت کا نشان بن چکا ہے۔انہوں نے واضح کیا کہ اس سال پانچ ہزار اجتماعی شادیاں منعقد کی جائیں گی، اور اگر دس یا پندرہ ہزار درخواستیں بھی موصول ہوئیں تو وزیرِ اعلی پنجاب مریم نواز شریف کا فرمان ہے کہ ہر بیٹی کی شادی کرائی جائے گی۔ مسلم بیٹیاں ہوں یا اقلیتی برادری کی، سب کو برابر کا پروٹوکول دیا جائے گا۔ دھی رانی پروگرام سادگی، شفافیت اور عزت کی اعلی مثال ہے۔صوبائی وزیر کھیل فیصل ایوب کھوکھر نے اپنے خطاب میں کہا کہ آج پنجاب کی عوام دیکھ رہی ہے کہ وزیرِ اعلی مریم نواز شریف نے وہ کر دکھایا ہے جس کا خواب دیہاتوں کی ماں اور بیٹیوں نے دیکھا تھا عزت کی حفاظت اور باعزت زندگی کا آغاز۔انہوں نے کہا کہ یہ صرف وسائل نہیں بلکہ محبت، احساس اور خلوص کا نتیجہ ہے۔ ایک بیٹی نے وزیرِ اعلی بن کر بیٹیوں کی طرح سوچا ہے۔ یہ کسی پر احسان نہیں بلکہ عوام کا حق ہے، کیونکہ یہ پیسہ عوام ہی کا ہے جو انہی پر خرچ ہو رہا ہے۔فیصل ایوب کھوکھر نے مزید کہا کہ وزیرِ اعلی مریم نواز شریف کے سینکڑوں عوامی منصوبے جاری ہیں، مگر دو ایسے ہیں جن کا اجر صرف اللہ دے سکتا ہے دھی رانی پروگرام اور خواتین کے تحفظ کا نظام۔ اب کسی کو خواتین کی طرف میلی آنکھ سے دیکھنے کی جرات نہیں۔ پہلی بار پنجاب میں ایسی قیادت آئی ہے جو خواتین کے وقار کی محافظ ہے۔انہوں نے سابقہ حکومتوں پر تنقید کرتے ہوئے کہا کہ ماضی میں شادیوں کے نام پر ہونے والے پروگرام کرپشن کے گڑھ بن چکے تھے، لیکن آج کا یہ شفاف پروگرام خدمت اور خلوص کی مثال ہے۔آخر میں انہوں نے کہا کہ میں آج بطور باراتی اس تقریب میں شامل ہوں اور ان خوش نصیب جوڑوں کو خوشیوں بھری زندگی کی دعا دیتا ہوں۔.ذریعہ: UrduPoint
کلیدی لفظ: تلاش کیجئے اعلی مریم نواز شریف دھی رانی پروگرام نے کہا کہ انہوں نے
پڑھیں:
برسوں عدالتی چکر کاٹنےوالے ایک ہزار سے زائد خاندانوں کو 48 گھنٹے میں ان کی زمین کی ملکیت واپس مل گئی
پنجاب میں زمین ہتھیانے والے غاصبوں کا اندھا راج ختم ہوگیا جب کہ پنجاب حکومت نے دو دن میں 1005 زمینوں کے کیس نمٹا کر حیران کن ریکارڈ بنا دیا۔
برسوں سے عدالتی چکر کاٹنے والے ایک ہزار پانچ خاندانوں کو 48 گھنٹوں میں اُن کی زمین، اُن کی ملکیت، اُن کا حق واپس مل گیا۔
وزیر اعلی مریم نواز شریف کی سربراہی میں پراپرٹی آرڈیننس کے موثر نفاذ پر اہم اجلاس ہوا جس میں بریفنگ دی گئی، صرف دو دن میں 1005 کیسز نمٹانے کے پنجاب حکومت کے نئے ریکاڑد کی تفصیلی رپورٹ پیش کی گئی۔
وزیر اعلی مریم نواز شریف نے نئے پراپرٹی آرڈیننس کے موثر نفاذ کا باریک بینی سے جائزہ لیا، پنجاب میں خواتین کے زمین کے کیسز اولین ترجیح پر حل کئے جائیں گے
وزیر اعلی مریم نواز شریف نے حکم دیا کہ زمین کے کیس کا جیسے فیصلہ ہوگا، فوری قبضہ بھی ہوگا کوئی تاخیر ، کوئی سفارش، کوئی کوتاہی نہیں ہوگئی۔
مریم نواز شریف نے کہا کہ زمین کا اصل مالک جب تک قبضہ نہ لے فیصلہ ادھورا ہے،کاغذ پر نہیں، قبضہ زمین پر نظر آنا چاہیے، پنجاب کے ہر مرلے، ہر کنال، ہر ایکڑ پر صرف اور صرف اصل مالک کا ہی قبضہ ہوگا -
مریم نواز نے کہا کہ زمین یا پراپرٹی پر کسی نے ناجائز قبضہ کر رکھا ہے تو اپنے متعلقہ ڈپٹی کمشنر آفس میں درخواست دیں،دِنوں میں فیصلہ ہوگا۔
مریم نواز کا ضمنی الیکشن میں (ن) لیگ کی شاندار کامیابی پر اظہار تشکر