بھارتی کرکٹر کیخلاف خاتون کے جنسی استحصال کی ایف آئی آر درج
اشاعت کی تاریخ: 8th, July 2025 GMT
بھارتی کرکٹ ٹیم کے ابھرتے ہوئے فاسٹ بولر یاس دیال قانونی مشکلات میں پھنس گئے ہیں۔
غازی آباد سے تعلق رکھنے والی ایک خاتون کی جانب سے شادی کا جھانسہ دے کر جنسی، جذباتی اور جسمانی استحصال کے الزامات کے بعد یاس دیال کے خلاف بھارتی نیا سنہیتا (BNS) کی دفعہ 69 کے تحت ایف آئی آر درج کرلی گئی۔
27 سالہ لیفٹ آرم پیسر پر الزام لگانے والی خاتون نے دعویٰ کیا ہے کہ وہ گزشتہ پانچ سال سے یاس دیال کے ساتھ تعلق میں تھیں اور اس دوران کرکٹر نے شادی کے جھوٹے وعدے کے تحت ان کا استحصال کیا۔
خاتون نے 21 جون کو آن لائن پورٹل کے ذریعے براہ راست وزیر اعلیٰ اترپردیش یوگی آدتیہ ناتھ کو درخواست دی تھی جس کے بعد ابتدائی تحقیقات کے بعد رسمی ایف آئی آر درج کی گئی۔
شکایت میں خاتون نے یہ بھی الزام عائد کیا کہ یاس دیال ایک ہی وقت میں متعدد خواتین سے تعلقات رکھے ہوئے تھے اور انہوں نے نہ صرف بارہا جسمانی تعلق قائم کیا بلکہ اپنی فیملی سے بھی ملوایا، جنہوں نے خاتون کو یقین دلایا کہ وہ جلد ہی ان کی "بہو" بنے گی۔
غازی آباد پولیس کے مطابق خاتون نے کچھ الیکٹرانک شواہد بھی جمع کروائے ہیں، جن کا فرانزک تجزیہ جاری ہے، تاہم ابھی ان کا دفعہ 164 کے تحت مجسٹریٹ کے سامنے باضابطہ بیان ریکارڈ ہونا باقی ہے۔
ذرائع کا کہنا ہے کہ جب تک متاثرہ خاتون کا بیان ریکارڈ نہیں ہوتا یاس دیال کے خلاف فوری گرفتاری یا سخت قانونی اقدام کا امکان نہیں ہے۔
یاد رہے کہ یاس دیال نے انڈین پریمیئر لیگ (IPL) میں اپنی رفتار اور کارکردگی سے نمایاں توجہ حاصل کی تھی اور وہ بھارتی ٹیم کے ممکنہ کھلاڑیوں میں شمار ہوتے ہیں۔
.ذریعہ: Express News
پڑھیں:
پشاور: پولیس گیٹ اپ میں ڈکیتی کرنیوالے 4 ڈاکو ہلاک، تین کا تعلق افغانستان سے
data-id="863a0a8" data-element_type="widget" data-widget_type="theme-post-content.default">
پشاور: میراکچھوڑی مہرگل کلے میں پولیس مقابلے کے دوران چار ڈاکو ہلاک ہوگئے۔
اطلاع ملنے پر پولیس کی ایک ٹیم موقع پر پہنچی تو ملزمان نے فائرنگ شروع کردی جس کے جواب میں پولیس نے کارروائی کرتے ہوئے گینگ کے چاروں اراکین کو مار گرایا۔ واقعے کے بعد علاقے میں سکیورٹی سخت کردی گئی اور مقامی لوگوں میں سناٹے اور تشویش کا ماحول رہا۔
پولیس نے بتایا ہے کہ ہلاک ملزمان طویل عرصے سے وارداتوں میں ملوث تھے اور 2003 سے پولیس کی وردی پہن کر مفرورانہ وارداتیں کرتے رہے۔ تفتیش کاروں کے مطابق یہ گروہ حالیہ دنوں میں متعدد بڑی وارداتوں میں ملوث رہا اور ڈاکٹر کے گھر سے کروڑوں روپے و زیورات لوٹنے کی واردات بھی اسی نیٹ ورک سے منسوب کی گئی ہے۔
ایس ایس پی آپریشنز پشاور مسعود احمد بنگش نے کہا کہ چاروں ہلاک شدگان کی شناخت ہو چکی ہے اور تین ملزمان کا تعلق افغانستان سے ہے۔ پولیس نے کارروائی کے دوران ملزمان کے قبضے سے کلاشنکوف، رائفل، دو پستول اور متعدد موٹر سائیکلیں برآمد کر لی ہیں اور ملزمان کے ساتھیوں اور ممکنہ سہولت کاروں کے خلاف مزید چھاپے اور تحقیقات جاری ہیں۔
پولیس کے مطابق ہلاک ملزمان پشاور، راولپنڈی، نوشہرہ اور دیگر اضلاع میں مطلوب تھے اور واقعے کی تفتیش میں سی سی ٹی وی فوٹیج، فرار کے راستے اور اسلحے کے حصول کے ذرائع کو بطور سنگ بنیاد جانچا جا رہا ہے تاکہ باقی مطلوب افراد تک پہنچا جا سکے اور مستقبل میں ایسے واقعات کی روک تھام ممکن بنائی جا سکے۔
آئی بی ایم طلبا کے احتجاج پر بےدخل طالبہ بحال، یونیورسٹی تاحال بند