بھارتی کرکٹر کیخلاف خاتون کے جنسی استحصال کی ایف آئی آر درج
اشاعت کی تاریخ: 8th, July 2025 GMT
بھارتی کرکٹ ٹیم کے ابھرتے ہوئے فاسٹ بولر یاس دیال قانونی مشکلات میں پھنس گئے ہیں۔
غازی آباد سے تعلق رکھنے والی ایک خاتون کی جانب سے شادی کا جھانسہ دے کر جنسی، جذباتی اور جسمانی استحصال کے الزامات کے بعد یاس دیال کے خلاف بھارتی نیا سنہیتا (BNS) کی دفعہ 69 کے تحت ایف آئی آر درج کرلی گئی۔
27 سالہ لیفٹ آرم پیسر پر الزام لگانے والی خاتون نے دعویٰ کیا ہے کہ وہ گزشتہ پانچ سال سے یاس دیال کے ساتھ تعلق میں تھیں اور اس دوران کرکٹر نے شادی کے جھوٹے وعدے کے تحت ان کا استحصال کیا۔
خاتون نے 21 جون کو آن لائن پورٹل کے ذریعے براہ راست وزیر اعلیٰ اترپردیش یوگی آدتیہ ناتھ کو درخواست دی تھی جس کے بعد ابتدائی تحقیقات کے بعد رسمی ایف آئی آر درج کی گئی۔
شکایت میں خاتون نے یہ بھی الزام عائد کیا کہ یاس دیال ایک ہی وقت میں متعدد خواتین سے تعلقات رکھے ہوئے تھے اور انہوں نے نہ صرف بارہا جسمانی تعلق قائم کیا بلکہ اپنی فیملی سے بھی ملوایا، جنہوں نے خاتون کو یقین دلایا کہ وہ جلد ہی ان کی "بہو" بنے گی۔
غازی آباد پولیس کے مطابق خاتون نے کچھ الیکٹرانک شواہد بھی جمع کروائے ہیں، جن کا فرانزک تجزیہ جاری ہے، تاہم ابھی ان کا دفعہ 164 کے تحت مجسٹریٹ کے سامنے باضابطہ بیان ریکارڈ ہونا باقی ہے۔
ذرائع کا کہنا ہے کہ جب تک متاثرہ خاتون کا بیان ریکارڈ نہیں ہوتا یاس دیال کے خلاف فوری گرفتاری یا سخت قانونی اقدام کا امکان نہیں ہے۔
یاد رہے کہ یاس دیال نے انڈین پریمیئر لیگ (IPL) میں اپنی رفتار اور کارکردگی سے نمایاں توجہ حاصل کی تھی اور وہ بھارتی ٹیم کے ممکنہ کھلاڑیوں میں شمار ہوتے ہیں۔
.ذریعہ: Express News
پڑھیں:
اپردیر میں سیاحوں کی گاڑی کھائی میں جاگری
سٹی 42: اپردیر میں سیاحوں کی گاڑی کھائی میں جاگری، ایک جاں بحق6زخمی ہوگئے
حادثہ بریکوٹ گلوم کے مقام پر سیاحوں کی گاڑی کو پیش آیا۔ حادثے میں ایک نوجوان جاں بحق جبکہ 6 شدید زخمی ہوۓ۔ گاڑی میں 4 افراد کا تعلق پشاور جبکہ دو کا تعلق اپردیرگوالدئی سندرئی سے بتایا جا رہا ہے۔
زخمیوں کو علاج کیلئے پاتراک ہسپتال لائے گئے۔
سمندر کنارے لنچ، احد رضا میر اور دنانیر مبین کی ڈیٹنگ کی افواہیں زور پکڑ گئیں