میرپورخاص،چینی مافیا بے لگام ،مارکیٹ والوں کو مصنوعی قلت کا سامنا
اشاعت کی تاریخ: 9th, July 2025 GMT
data-id="863a0a8" data-element_type="widget" data-widget_type="theme-post-content.default">
میرپورخاص(نمائندہ جسارت) میرپور خاص میں چینی مافیا بے لگام ہے، مارکیٹ میں مصنوعی قلت پیدا کر کے چینی کی قیمت میں اضافہ کیا جا رہا ہے، ایک ہفتہ قبل 8400 میں فروخت ہونے والے پچاس کلو تھیلے کی قیمت میں 500 سو روپے اضافہ کر کے 8900 کر دیا گیا ہے جبکہ ہول سیل میں فی کلو چینی 178 جبکہ دکانوں پر 185 سے 190 روپے فی کلو میں فروخت ہونے لگی، ضلعی انتظامیہ کی پراسرار مجرمانہ خاموشی سوالیہ نشان بن چکی ہے۔ دوکانداروں کا کہنا ہے کہ اگر ایف آئی اے شوگر مافیا کے خلاف کارروائی کرے تو چینی کی قیمتوں میں نمایاں کمی آ سکتی ہے ۔تفصیلات کے مطابق میرپورخاص میں چینی مافیا بے لگام ہے چینی کے ذخیرہ اندوزوں نے اپنے جہاز نما گودام بھر کر چینی کی مصنوعی قلت پیدا کر دی ہے جس کی وجہ سے ایک ہفتہ قبل 50 کلو چینی کا تھیلا 8400 روپے میں فروخت ہونے والے تھیلے کی قیمت میں 500 روپے اضافہ کر کے 8900 میں فروخت کیا جا رہا ہے اور ہول سیل میں چینی فی کلو 178 روپے کلو ہے جبکہ ریٹیل میں دوکانوں پر شکر اب 185 سے 190 روپے میں فروخت ہو رہی ہے۔ دوسری جانب ضلعی انتظامیہ نے پراسرار مجرمانہ خاموشی اختیار کر رکھی ہے جو کہ ایک سوالیہ نشان ہے۔ اس حوالے سے دکانداروں کا کہنا ہے کہ اگر چینی کی مصنوعی قلت پیدا کرنے والے افراد کے خلاف کارروائی نہ کی گئی تو چینی کی قیمت میں مزید اضافے کا اندیشہ ہے ۔دکانداروں کا یہ بھی کہنا ہے کہ اگر ایف آئی اے شوگر مافیا کے خلاف کارروائی کرے تو چینی کی قیمتوں میں نمایاں کمی آ سکتی ہے۔ شہریوں نے وفاقی حکومت وزیراعلیٰ، کمشنر اور ڈپٹی کمشنر سے مطالبہ کیا ہے کہ وہ چینی مافیا کے خلاف کارروائی کر کے لوگوں کو ریلیف فراہم کیا جائے۔
.ذریعہ: Jasarat News
کلیدی لفظ: کے خلاف کارروائی چینی کی قیمت کی قیمت میں چینی مافیا مصنوعی قلت
پڑھیں:
وفاقی وزیر داخلہ کا حوالہ ہنڈی میں ملوث بڑے بڑے لوگوں پر ہاتھ ڈالنے کا حکم
اسلام آباد (نیوز ڈیسک)وفاقی وزیر داخلہ محسن نقوی نے حوالہ ہنڈی، ایجنٹ اور بھکاری مافیا کے خلاف کارروائی کا حکم دے دیا۔
نجی چینل کے مطابق محسن نقوی نے ایف آئی اے کراچی زون میں اجلاس کی صدارت کی اور حوالہ ہنڈی مافیا کے خلاف مؤثر کریک ڈاؤن کا حکم دیا۔
محسن نقوی نے کہا کہ حوالہ ہنڈی میں ملوث بڑے بڑے لوگوں پر ہاتھ ڈالا جائے، کسی کا دباؤ قبول کیے بغیر مافیا کے خلاف بلا امتیاز کارروائی کی جائے۔
وفاقی وزیرداخلہ نے بھکاریوں کو بیرون ملک بھجوانے والے ایجنٹ مافیا کی سرکوبی کا حکم دیتے ہوئے کہا کہ بھکاری مافیا پاکستان کا امیج خراب کررہاہے، ایجنٹس پربلا امتیاز ایکشن نظر آنا چاہیے۔
محسن نقوی کا کہنا تھا کہ مفرور ایجنٹس کو دیگر صوبوں کے تعاون سے گرفتار کیا جائے، بیرون ملک سے ڈی پورٹ ہوکر آنے والے بھکاریوں کی گرفتاری یقینی بنائی جائے۔
وزیر داخلہ نے مزید کہا کہ جعلی ادویات کا کاروبار کسی صورت برداشت نہیں، جعلی ادویات کے مکروہ دھندےمیں ملوث لوگوں سے آہنی ہاتھوں سے نمٹا جائے، جعلی ادویات کے کاروبار میں ملوث لوگوں کی اصل جگہ جیل ہے۔
محسن نقوی نے نان کسٹم مصنوعات کے خلاف بھرپور کارروائی اور 5 ہزار سے زائد ڈالر بیرون ملک لے جانے والے مسافروں کے خلاف بھی سخت کارروائی کا حکم دیتے ہوئے کہا کہ ایسے مسافروں کےخلاف قانون کےمطابق بھرپور کارروائی کی جائے۔
سویڈن نے پاکستان کیلئے ویزا سروسز دوبارہ شروع کر دی
کیا پی ٹی آئی حکومت گرائی جا رہی ہے؟ خیبر پختونخوا سیاسی محاذ کا نیا مرکز بن گیا