ڈی آئی جی حیدرآباد کی منشیات فروشوںکیخلاف بلاتفریق کارروائی کی ہدایت
اشاعت کی تاریخ: 9th, July 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد (اسٹاف رپورٹر) ڈپٹی انسپکٹر جنرل آف پولیس طارق رزاق دھاریجو حیدرآباد رینج نے کہا ہے کہ معاشرے سے منشیات کی لعنت کو جڑ سے اکھاڑ پھینکنے کے لیے ہر افسر و اہلکار اپنا کردار ادا کرے، منشیات بشمول آئس، ہیروئن اور چرس کے سوداگروں کیخلاف بلا تفریق سخت ترین کارروائیاں کر کے انہیں قانون کے کٹہرے میں لایا جائے۔ ان خیالات کا اظہار انہوں نے عباس کانفرنس ہال ڈی آئی جی پی آفس حیدرآباد رینج میں پولیس کے اعلیٰ سطحی اجلاس کی صدارت کرتے ہوئے کیا، اجلاس میں ایس ایس پی حیدرآباد عدیل حسین چانڈیو، ایس ایس پی ٹنڈو محمد خان عابد بلوچ، ایس ایس پی جامشورو ظفر صدیق چھانگا، ایس ایس پی ٹنڈو الہیار سید سلیم شاہ اور ایس ایس پی انویسٹی گیشن حیدرآباد عبداللہ میمن نے شرکت کی ۔ ڈی آئی جی پی حیدرباد رینج نے ہدایت کی کہ بحیثیت رینج کمانڈر آپ کو ہدایت دی جاتی ہے کہ منشیات، گٹکا، ماوا، مین پوری اور جرائم بشمول مفرور و روپوش اشتہاری اور قتل سمیت دیگر نوعیت کے کیسز میں ملوث ملزمان کی گرفتاری کے لیے انسپکٹر جنرل آف سندھ پولیس غلام نبی میمن کی ہدایت پر جاری مہم میں بہترین نتائج دیے جائیں ۔انہوں نے ہدایت دی کہ وہ منشیات فروشی کے مکروہ کاروبار میں ملوث منشیات فروشوں کو معزز عدالتوں سے کڑی سے کڑی سزا دلوانے کے لیے ٹھوس شواہد پر مبنی کیسز بناکر عدالت میں پیش کریں اس کے لیے تجربے کار تفتیشی افسران تعینات کیے جائیں۔ انہوں نے کہا کہ منشیات فروش کسی رعایت کے مستحق نہیں ہیں نوجوانوں کی صورت ملک کے مستقبل کو اندھیروں میں دھکیلنے کی کوشش کرنیوالے ناسوروں کو ہر گز معاف نہیں کیا جائیگا۔
.ذریعہ: Jasarat News
کلیدی لفظ: ایس ایس پی کے لیے
پڑھیں:
سکھر اور حیدرآباد میں انڈسٹریل انکلیو بنانے کی منظوری
حب ڈیم کی مرمت کیلئے سندھ حکومت نے واٹر کارپوریشن کی جانب سے شیئر دینے کی بھی منظوری دی گئی ہے، سندھ حکومت واٹر کارپوریشن کی طرف سے ایک ارب روپے فراہم کرے گی۔ اسلام ٹائمز۔ وزیراعلیٰ سندھ سید مراد علی شاہ کی زیرِ صدارت کراچی میں سندھ کابینہ کا اجلاس ہوا، جس میں سکھر اور حیدرآباد میں انڈسٹریل انکلیو بنانے کی منظوری دی گئی، یہ نئے انڈسٹریل انکلیو پبلک پرائیوٹ پارنٹرشپ کے تحت قائم ہوں گے۔ وزیراعلیٰ سندھ کے ترجمان کے مطابق سندھ کابینہ کے اجلاس کے دوران متعدد منصوبوں کی منظوری دی گئی ہے۔ اجلاس کے دوران تھرکول سے چھور تک 105 کلو میٹر ریلوے لائن بچھانے کیلئے فنڈز کی منظوری بھی دی گئی، ریلوے لائن بچھانے کا منصوبہ 42 ارب روپے مالیت کا ہے۔ وفاقی حکومت نے 7 ارب روپے مختص کیے ہیں تو سندھ حکومت نے بھی 7 ارب روپے کی منظوری دی ہے۔ وزیراعلیٰ سندھ کے ترجمان کے مطابق حب ڈیم کی مرمت کیلئے سندھ حکومت نے واٹر کارپوریشن کی جانب سے شیئر دینے کی بھی منظوری دی گئی ہے، سندھ حکومت واٹر کارپوریشن کی طرف سے ایک ارب روپے فراہم کرے گی۔
مظفرآباد، توہیں عدالت پر ڈسٹرکٹ اینڈ سیشن جج کمرہ عدالت سے گرفتار