آئی سی سی کی نئی رینکنگ، ہیری بروک نمبر ون ٹیسٹ بیٹر بن گئے
اشاعت کی تاریخ: 9th, July 2025 GMT
آئی سی سی نے ٹیسٹ اور ون ڈے کی نئی پلیئر رینکنگ جاری کردی جس میں بیٹنگ، بولنگ اور آل راؤنڈر کیٹیگریز میں کئی بڑی تبدیلیاں سامنے آئی ہیں۔
ایجبسٹن ٹیسٹ میں 158 رنز کی شاندار اننگز کھیلنے والے انگلش بیٹر ہیری بروک نے ٹیسٹ کرکٹ میں دنیا کے نمبر ون بیٹر کا اعزاز جو روٹ سے چھین لیا۔
تازہ رینکنگ میں بروک 18 پوائنٹس کے فرق سے سرفہرست آ گئے ہیں جب کہ جو روٹ دوسرے نمبر پر چلے گئے ہیں۔
بھارتی کپتان شبمن گل نے ایجبسٹن ٹیسٹ میں 269 اور 161 رنز کی دو شان دار اننگز کھیل کر کیریئر کی بہترین چھٹی پوزیشن حاصل کر لی، کین ولیمسن (تیسرے)، یشسوی جیسوال (چوتھے) اور اسٹیو اسمتھ (پانچویں) ہیں۔
انگلینڈ کے وکٹ کیپر جیمی اسمتھ نے بھارت کے خلاف ناقابل شکست 184 اور 88 رنز کی اننگز کھیل کر 16 درجے بہتری کے ساتھ ٹاپ 10 میں جگہ بنا لی، وہ اب دسویں نمبر پر آ گئے ہیں۔
جنوبی افریقا کے ویان ملڈر نے زمبابوے کے خلاف ناقابل شکست 367 رنز بنائے اور ٹیم کی اننگز 626/5 پر ڈکلیئر کر دی، حالانکہ ان کے پاس برائن لارا کا عالمی ریکارڈ توڑنے کا موقع تھا۔
ان کی شاندار کارکردگی نے انہیں آل راؤنڈرز کی رینکنگ میں 12 درجے ترقی دے کر تیسری پوزیشن پر پہنچا دیا ہے۔ بھارتی آل راؤنڈر رویندر جڈیجا بدستور ٹیسٹ آل راؤنڈرز رینکنگ میں سرفہرست ہیں۔
بھارتی فاسٹ بولر جسپریت بمراہ نے آرام کے باوجود ٹیسٹ بولرز میں پہلی پوزیشن برقرار رکھی۔
بھارت کے محمد سرِاج نے انگلینڈ کے خلاف عمدہ کارکردگی پر ٹیسٹ بولنگ رینکنگ میں 6 درجے بہتری کے ساتھ 22 ویں پوزیشن حاصل کر لی۔
ون ڈے رینکنگ
سری لنکا کی بنگلادیش کے خلاف 2-1 سیریز فتح کے بعد ون ڈے رینکنگ میں بھی تبدیلیاں ہوئیں۔
کپتان چارِتھ اسالنکا دو درجے بہتری کے ساتھ چھٹے نمبر پر آ گئے ہیں جبکہ کوشال مینڈس نے 10 درجے ترقی کے ساتھ 10ویں پوزیشن حاصل کرلی۔
بولنگ میں وانیندو ہاسارنگا نے تین میچز میں 9 وکٹیں حاصل کر کے 11 درجے بہتری کے ساتھ آٹھویں پوزیشن پر جگہ بنائی ہے۔
ون ڈے بیٹرز میں شبمن گل پہلی، بابراعظم دوسری، روہت شرما تیسری، ویرات کوہلی چوتھی، نیوزی لینڈ کے ڈیرل مچل پانچویں پوزیشن پر برقرار ہیں۔
.
ذریعہ
ذریعہ: Express News
کلیدی لفظ: درجے بہتری کے ساتھ گئے ہیں کے خلاف
پڑھیں:
’مضبوط رہیں‘، ریپر طلحہ انجم کا بھارتی طلبا کے ساتھ اظہارِ یکجہتی
پاکستان کے معروف ریپر اور گلوکار طلحہ انجم نے نئی دہلی میں تعلیمی نظام کے خلاف احتجاج کرنے والے بھارتی طلبا سے اظہارِ یکجہتی کرتے ہوئے ان کے حوصلے اور ثابت قدمی کو سراہا ہے۔ انہوں نے طلبا پر ہونے والی پولیس کارروائی کے بعد ایک پیغام جاری کرتے ہوئے کہا کہ وہ ان کے غصے اور احساسات کو بخوبی سمجھتے ہیں۔
طلحہ انجم نے اپنی انسٹاگرام اسٹوری پر بھارتی طلبا کے احتجاج کی ایک ویڈیو شیئر کی، جس میں مظاہرین پر آنسو گیس اور لاٹھی چارج ہوتے دکھایا گیا۔ ویڈیو کے ساتھ انہوں نے لکھا کہ ’بھارت کے طلبا مظاہرین کے نام، مجھے آپ کی ثابت قدمی کا بے حد احترام ہے، میں آپ کی مایوسی اور غصے کو سمجھ سکتا ہوں، اور یہ بھی جانتا ہوں کہ آپ کے ساتھ کیا کیا جا رہا ہے، مضبوط رہیں۔‘
طلحہ انجم پاکستان کے سب سے زیادہ سنے جانے والے موسیقاروں میں شمار ہوتے ہیں اور اسٹریمنگ پلیٹ فارم اسپاٹیفائی پر ان کی مقبولیت کئی ریکارڈ قائم کر چکی ہے۔ بھارت میں بھی ان کے مداحوں کی بڑی تعداد موجود ہے۔ گزشتہ برس نیپال میں ایک کنسرٹ کے دوران ایک مداح کی جانب سے بھارتی پرچم پیش کیے جانے پر وہ خبروں میں آئے تھے، بعد ازاں انہوں نے پاکستان میں اس معاملے پر وضاحت بھی کی تھی۔
سماجی اور انسانی مسائل پر کھل کر مؤقف اختیار کرنے والے طلحہ انجم اس سے قبل بھی کئی معاملات پر آواز بلند کر چکے ہیں۔ اپریل میں صومالیہ کے ساحل کے قریب قزاقوں کے قبضے میں جانے والے پاکستانی ملاحوں کی رہائی کے لیے انہوں نے حکومت سے مؤثر اقدامات کا مطالبہ کیا تھا اور وزارتِ خارجہ سے متاثرہ خاندانوں کے لیے مستقل ہیلپ لائن قائم کرنے کی اپیل بھی کی تھی۔
دوسری جانب بھارت میں تعلیمی امتحانات کے مبینہ پیپر لیکس کے خلاف احتجاج کا سلسلہ گزشتہ ماہ سے جاری ہے۔ کاکروچ جنتا پارٹی (CJP) کے پلیٹ فارم سے ہونے والے اس دھرنے میں طلبہ وزیرِ تعلیم دھرمیندر پردھان کے استعفے اور تعلیمی نظام میں اصلاحات کا مطالبہ کر رہے ہیں۔ حالیہ دنوں پارلیمنٹ کی جانب مارچ کی کوشش کے دوران پولیس نے مظاہرین کو روکنے کے لیے طاقت کا استعمال کیا، جس کے نتیجے میں متعدد افراد زخمی ہوئے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی