آئی سی سی ٹیسٹ رینکنگ جاری، ہیری بروک پہلی پوزیشن پر آگئے
اشاعت کی تاریخ: 9th, July 2025 GMT
آئی سی سی کی مردوں کی ٹیسٹ پلیئر رینکنگ میں ایک بڑی تبدیلی دیکھنے میں آئی ہے، جہاں انگلینڈ کے ہیری بروک نے شاندار کارکردگی کے بعد جو روٹ کو پیچھے چھوڑتے ہوئے ایک مرتبہ پھر ٹیسٹ بیٹنگ میں پہلی پوزیشن حاصل کر لی ہے۔
برمنگھم میں بھارت کے خلاف دوسرے ٹیسٹ میچ میں بروک نے پہلی اننگز میں شاندار 158 رنز بنائے، جس کے باعث وہ رینکنگ میں سرفہرست آ گئے، جبکہ جو روٹ 18 ریٹنگ پوائنٹس کے فرق کے ساتھ دوسرے نمبر پر چلے گئے۔
یہ بھی پڑھیں:
ایجبسٹن ٹیسٹ میں بھارت کے شبمن گل نے بھی رینکنگ میں زبردست بہتری حاصل کی، بھارتی کپتان نے دوسرے ٹیسٹ میں 269 اور 161 رنز کی شاندار اننگز کھیل کر نہ صرف اپنی ٹیم کو بطور کپتان پہلی فتح سے ہمکنار کیا بلکہ رینکنگ میں 15 درجے ترقی پاکر اپنے کیریئر کی بلند ترین چھٹی پوزیشن پر پہنچ گئے۔
https://Twitter.
شبمن گل اب صرف 79 ریٹنگ پوائنٹس کے فرق سے ہیری بروک سے پیچھے ہیں، جبکہ ان سے آگے صرف جو روٹ، کین ولیمسن، یشسوی جیسوال اور اسٹیو اسمتھ ہیں۔
انگلینڈ کے جیمی اسمتھ نے بھی زبردست کارکردگی دکھاتے ہوئے 16 درجے ترقی کی اور ٹاپ 10 میں شامل ہوگئے۔ انہوں نے ناقابل شکست 184 اور 88 رنز کی اننگز کھیل کر 10ویں پوزیشن حاصل کی۔
بولنگ کے شعبے میں بھارت کے جسپریت بمرا اگرچہ برمنگھم ٹیسٹ میں آرام کی غرض سے شامل نہیں ہوئے، پھر بھی وہ ٹیسٹ بولرز کی رینکنگ میں سرفہرست ہیں، ان کے ہم وطن محمد سراج نے بھی شاندار کارکردگی دکھاتے ہوئے 6 درجے ترقی حاصل کی اور اب وہ 22 ویں نمبر پر ہیں۔
مزید پڑھیں:
ویسٹ انڈیز کے شمر جوزف اور الزاری جوزف نے بھی 6 درجے ترقی کی، اور بالترتیب 29 ویں اور 31 ویں پوزیشن پر پہنچ گئے۔
پاکستان کے نعمان علی ٹیسٹ بولرز کی ٹاپ 10 رینکنگ میں شامل واحد پاکستانی کھلاڑی ہیں۔
ادھر ون ڈے رینکنگ میں بھی تبدیلیاں دیکھنے میں آئیں۔ سری لنکا کے چریتھ اسالنکا نے بنگلادیش کے خلاف 2-1 سے سیریز جیتنے میں اہم کردار ادا کیا، جس کے بعد وہ 2 درجے بہتری کے ساتھ چھٹی پوزیشن پر آ گئے ہیں اور اب صرف شبمن گل سے پیچھے ہیں، جو اس وقت نمبر 1 ون ڈے بیٹر ہیں۔
مزید پڑھیں:
سری لنکا کے ایک اور بیٹر، کوسل مینڈس نے بھی نمایاں کارکردگی کے باعث 10 درجے ترقی کی اور اب وہ 10ویں پوزیشن پر ہیں، انہوں نے بنگلہ دیش کے خلاف پلیئر آف دی سیریز کا اعزاز حاصل کیا تھا۔
پاکستان کے بابر اعظم بدستور ون ڈے بیٹرز کی رینکنگ میں دوسرے نمبر پر موجود ہیں۔
یہ تازہ ترین تبدیلیاں ظاہر کرتی ہیں کہ ٹیسٹ اور ون ڈے رینکنگ میں نئی ابھرتی ہوئے کھلاڑیوں کا عروج جاری ہے، جبکہ پرانے نام بھی اپنی برتری برقرار رکھنے کی کوشش میں مصروف ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی بابر اعظم ٹیسٹ جو روٹ رینکنگ شبمن گل کرکٹ نعمان علی ہیری بروک ون ڈےذریعہ: WE News
کلیدی لفظ: ٹیسٹ جو روٹ شبمن گل کرکٹ نعمان علی ہیری بروک ون ڈے پوزیشن پر ہیری بروک حاصل کی شبمن گل نے بھی جو روٹ
پڑھیں:
سینئر بیوروکریٹس کی کارپوریٹ آمدنی پر عائد پابندی ختم، لا محدود مالی فوائد کا راستہ کھل گیا
اسلام آباد(نیوز ڈیسک) حکومت نے پیر کے روز سینئر بیوروکریٹس کے لیے مالی فوائد حاصل کرنے کا تقریباً لامحدود راستہ کھول دیا، جب کہ بیک وقت انہی اداروں پر کفایت شعاری کے اقدامات نافذ کر دیے۔
ڈان اخبار کی رپورٹ کے مطابق وزارتِ خزانہ نے ایک اعلامیے میں کہا ہے کہ 10 جولائی 2014 کو جاری ہونے والا وہ حکم نامہ جس میں کارپوریٹ اداروں کے بورڈ اجلاسوں سے حاصل ہونے والی آمدنی کو سالانہ 10 لاکھ روپے تک محدود کیا گیا تھا، ابتدائی طور پر واپس لے لیا گیا ہے، یعنی یوں سمجھا جائے کہ وہ نوٹی فکیشن کبھی جاری ہی نہیں ہوا۔
12 جون 2024 کو جاری ہونے والے نئے حکم نامے میں (جو وفاقی کابینہ کی منظوری سے جاری کیا گیا تھا) کہا گیا تھا کہ جو سرکاری ملازمین کمپنیوں/تنظیموں کے بورڈ میں تعینات ہوتے ہیں اور فیس کے حق دار بنتے ہیں، وہ مالی سال میں زیادہ سے زیادہ 10 لاکھ روپے تک معاوضہ لینے کے مجاز ہوں گے۔
اس سے زائد رقم حاصل ہونے کی صورت میں افسر کو وہ رقم سرکاری خزانے میں جمع کرانی ہوتی تھی۔
بورڈ میٹنگ فیس پر حد مقرر کرنے کا فیصلہ سب سے پہلے تقریباً ایک دہائی قبل اُس وقت کے وزیر خزانہ اسحٰق ڈار نے کیا تھا۔
یہ حکم چند سال تک نافذ رہا اور پھر نظر انداز کر دیا گیا، اسے گزشتہ سال واضح طور پر دہرایا گیا تھا، لیکن اب اسے ’ابتدائی طور پر واپس‘ لے لیا گیا ہے، یعنی مالی سال 25-2024 کے دوران حاصل کی گئی رقوم کو ان افسران کی قانونی آمدنی تصور کیا جائے گا۔
وزارتِ خزانہ نے ایک اور اعلامیہ جاری کیا جس میں کفایت شعاری کے اقدامات کو جاری رکھنے کا حکم دیا گیا، جنہیں اب وفاقی حکومت کے ماتحت اداروں، سرکاری کاروباری اداروں (ایس او ایز) اور قانونی و ریگولیٹری اداروں تک بھی توسیع دے دی گئی ہے۔
سرکاری کاروباری اداروں کے بارے میں اعلامیے میں کہا گیا ہے کہ یہ کفایت شعاری کے اقدامات وفاقی حکومت کی طرف سے ایس او ایز (گورننس و آپریشنز) ایکٹ 2023 کی دفعہ 35 کے تحت ہدایت سمجھے جائیں گے اور قانونی اداروں کے لیے اُن کے اپنے قوانین کے متعلقہ سیکشنز کے تحت لاگو ہوں گے۔
ان پابندیوں میں ہر قسم کی گاڑیوں کی خریداری پر مکمل پابندی شامل ہے، اس کے علاوہ نئے عہدوں کی تخلیق، بیرون ملک علاج اور سرکاری خرچ پر غیر ضروری غیر ملکی دوروں پر بھی پابندی عائد کی گئی ہے۔
علاوہ ازیں، وزارت نے تمام سول پنشنرز (جن میں دفاعی بجٹ سے تنخواہ پانے والے سویلین، ریٹائرڈ مسلح افواج کے اہلکار اور سول آرمڈ فورسز کے ریٹائرڈ اہلکار شامل ہیں) کی خالص پنشن میں 7 فیصد اضافے کا بھی اعلان کیا ہے۔
Post Views: 2
چنگ چی رکشوں پر پابندی کے خلاف درخواست پر سندھ حکومت و کمشنر کراچی کو نوٹسز