لارا کا ریکارڈ کیوں نہیں توڑا؟ کرس گیل کی میلڈر کے فیصلے پر کڑی تنقید
اشاعت کی تاریخ: 9th, July 2025 GMT
ویسٹ انڈیز کے سابق مایہ ناز بلے باز کرس گیل نے جنوبی افریقی آل راؤنڈر ویان ملڈر کی جانب سے 367 رنز پر اننگز ڈکلیئر کرنے کے فیصلے پر کڑی تنقید کی ہے۔
ملڈر نے یہ فیصلہ لیجنڈری بلے باز برائن لارا کا 400 رنز کا عالمی ریکارڈ برقرار رکھنے کے لیے کیا تھا۔
27 سالہ ویان ملڈر، جو پہلی بار ٹیسٹ کرکٹ میں جنوبی افریقہ کی قیادت کر رہے تھے، اپنی شاندار اننگز کے دوران کئی ریکارڈز توڑ چکے تھے اور وہ جنوبی افریقہ کی جانب سے ٹیسٹ کرکٹ میں سب سے بڑی انفرادی اننگز کھیلنے والے کھلاڑی بن گئے، انہوں نے ہاشم آملہ کا ریکارڈ بھی پیچھے چھوڑ دیا۔
ملڈر برائن لارا کے 400 رنز کے عالمی ریکارڈ کے قریب پہنچ چکے تھے، تاہم انہوں نے خود ہی اننگز ڈکلیئر کر دی۔ بعد ازاں انہوں نے میڈیا سے گفتگو میں اعتراف کیا کہ انہوں نے جان بوجھ کر برائن لارا کو ان کا ریکارڈ برقرار رکھنے دیا۔
ویان ملڈر نے کہا، “سچ کہوں تو میں نے کبھی خواب میں بھی ڈبل سنچری کا نہیں سوچا تھا، ٹرپل سنچری تو بہت دور کی بات ہے۔ سب سے اہم بات یہ ہے کہ ہم نے ٹیم کو جیت کی پوزیشن میں لا کھڑا کیا۔ برائن لارا ایک لیجنڈ ہیں، اور اُن کا 400 یا 401 رنز کا ریکارڈ ہے۔ میں نے کوچ شکری کونراڈ سے بات کی، اور فیصلہ کیا کہ ایسے ریکارڈز لیجنڈز کے پاس ہی رہنے چاہئیں۔”
نیوزی لینڈ کے فن ایلن نے کرس گیل کے زیادہ چھکے لگانے کا ریکارڈ توڑ دیا
تاہم لارا کے سابق ساتھی کرس گیل اس فیصلے سے ناخوش نظر آئے۔ ان کا کہنا تھا کہ اگر انہیں ایسی کوئی موقع ملتا تو وہ ضرور 400 رنز مکمل کرنے کی کوشش کرتے۔
کرس گیل نے کہا، “اگر مجھے کبھی 400 رنز بنانے کا موقع ملتا تو میں وہ موقع ضائع نہ کرتا۔ یہ مواقع بار بار نہیں آتے۔ آپ کو معلوم نہیں کہ دوبارہ کبھی ٹرپل سنچری بنانے کا موقع ملے گا یا نہیں۔ جب ایسا موقع ملے، تو پوری کوشش کرنی چاہیے۔”
انہوں نے مزید کہا، “آپ 367 پر کھیل رہے ہیں، تو لازمی طور پر آپ کو ریکارڈ پر جانا چاہیے تھا۔ اگر آپ کو لیجنڈ بننا ہے تو ریکارڈز ہی وہ چیز ہوتے ہیں جو آپ کو لیجنڈ بناتے ہیں۔”
اگرچہ گیل نے ملڈر کے جذبے کو سراہا، تاہم انہوں نے اسے ایک بڑی غلطی قرار دیا۔
انہوں نے کہا، “میرے خیال میں یہ اُن کی جانب سے ایک بڑی غلطی تھی کہ انہوں نے کوشش تک نہیں کی۔ ہمیں معلوم نہیں کہ وہ 400 بنا پاتے یا نہیں، لیکن 367 پر ڈکلیئر کرنا اور صرف یہ کہنا کہ آپ نے لیجنڈ کو عزت دی — نہیں، یہ موقع دوبارہ نہیں ملتا۔”
گیل نے مزید کہا، “یہ وہی ٹیسٹ کرکٹ ہے، کبھی آپ زمبابوے جیسی ٹیم کے خلاف بھی ایک رن نہیں بنا پاتے۔ اس لیے کسی بھی ٹیم کے خلاف بننے والا سو، ڈبل یا ٹرپل — یہ سب ٹیسٹ کرکٹ کی کامیابیاں ہیں۔”
“سیدھی سی بات ہے، وہ گھبرا گئے اور اُن سے بڑی بھول ہو گئی۔
ذریعہ: Daily Mumtaz
کلیدی لفظ: برائن لارا کا ریکارڈ ٹیسٹ کرکٹ انہوں نے کرس گیل گیل نے
پڑھیں:
’میں منٹو ہوں‘ میں سجل علی اور آصف رضا میر کو ایک ساتھ کاسٹ کیوں کیا گیا؟
پاکستان کے معروف ہدایت کار ندیم بیگ نے اداکار احد رضا میر اور اداکارہ سجل علی کی طلاق کے بعد ڈراما سیریل ’میں منٹو ہوں‘ میں سجل علی اور آصف رضا میر کو ایک ساتھ کاسٹ کرنے کی وجہ بتا دی۔
حال ہی میں ہدایت کار نے ایک انٹرویو کے دوران مختلف امور پر اپنے خیالات کا کھل کر اظہار کیا۔ اس دوران جب ندیم بیگ سے پوچھا گیا کہ ڈراما سیریل ’میں منٹو نہیں ہوں‘ کے لیے آصف رضا میر اور سجل علی کو ایک ساتھ کاسٹ کرنے میں مشکلات پیش آئی؟
صحافی کے سوال کا جواب دیتے ہوئے انہوں نے بتایا کہ ڈرامے میں جو کردار سجل کا ہے وہ خاص طور پر سجل کے لیے ہی لکھا گیا تھا، یہ کردار ایک طالبہ کا ہے اور جو کردار آصف رضا میر کا ہے وہ ان ہی کو ذہن میں رکھ کر لکھا گیا تھا۔
ندیم بیگ نے بتایا کہ شروع میں ایک وقت ایسا بھی آیا تھا جب ہچکچاہٹ تھی لیکن سجل کے والد کے کردار کے لیے سب سے پہلا نام آصف رضا میر ہی میرے ذہن میں آیا تھا، چنانچہ انہوں نے آصف رضا میر کو فون کیا۔
ہدایت کار نے بتایا کہ جب انہوں نے آصف رضا میر سے کہا کہ ڈرامے میں آپ کو سجل کے والد کا کردار ادا کرنا ہے، تو یہ سننے کے بعد وہ چند لمحوں کے لیے خاموش ہو گئے، پھر جواب دیا کہ میں ایک پروفیشنل اداکار ہوں اور مجھے اس بات سے کوئی فرق نہیں پڑتا، ساتھ ہی یہ بھی کہا کہ سجل سے بھی اس بارے میں پوچھ لیں۔
ان کے مطابق آصف رضا میر سے بات مکمل کرنے کے بعد ندیم بیگ نے سجل علی سے رابطہ کیا، تو وہ بھی آصف رضا میر کے ساتھ کام کرنے پر راضی ہو گئیں۔
انہوں نے بتایا کہ جب سجل علی سے بات ہوئی تو انہوں نے کہا کہ اگر آپ کو لگتا ہے کہ اس کردار کے لیے آصف رضا میر موزوں ہیں تو مجھے کوئی اعتراض نہیں۔
ہدایت کار نے مزید کہا کہ جب دونوں فنکار پہلے دن سیٹ پر ملے تو شاید پہلے دن کچھ ہچکچاہٹ ہو لیکن جب ان دونوں نے بات چیت شروع کی تو سیٹ پر ہر روز مجھے انہیں ڈاٹنا پڑتا تھا کہ باتیں بند کرکے کام پر دھیان دیں۔
انہوں نے یہ بھی بتایا کہ ان دونوں فنکاروں نے ان اداکاروں کے لیے ایک مثال قائم کی ہے جو معمولی باتوں پر ایک ساتھ کام کرنے سے گریز کرتے ہیں۔
ندیم بیگ نے دورانِ انٹرویو اس ڈرامے کی کاسٹ پر بات کرتے ہوئے یہ بھی بتایا کہ اس ڈرامے کی کاسٹ بہت بڑی ہے اور زیادہ تر ایسے اداکار شامل ہیں جو اپنے اپنے وقت کے مشہور نام رہے ہیں۔
واضح رہے کہ سینئر اداکار آصف رضا میر کے بیٹے اور اداکار احد رضا میر اور اداکارہ سجل علی 2020ء میں رشتہ ازدواج میں منسلک ہوئے تھے تاہم کچھ ہی عرصے بعد ان کی علیحدگی سے متعلق خبریں زیر گردش کرنے لگیں۔ پہلی بار 2022ء میں ان کی طلاق کی خبر منظر عام پر آئی تھی۔
Post Views: 6
پائیدار ترقی کو لاحق خطرات سے نمٹنے کے عزائم کے ساتھ سیویل کانفرنس کا اختتام