سفاکیت کی انتہا، کراچی میں شوہر نے بیوی کو تیزاب پلا کر قتل کردیا
اشاعت کی تاریخ: 9th, July 2025 GMT
کراچی ( اُردو پوائنٹ اخبارتازہ ترین۔ 09 جولائی 2025ء ) صوبہ سندھ کے دارالحکومت کراچی میں شوہر نے بیوی کو تیزاب پلا کر قتل کردیا۔ میڈیا رپورٹس کے مطابق یہ واقعہ شہر قائد کے علاقہ کورنگی بلال کالونی میں پیش آیا جہاں ایک خاتون کو مبینہ طور پر شوہر اور دیور نے تیزاب پلا کر قتل کر دیا، نور عائشہ نامی خاتون کو تشویشناک حالت میں جناح ہسپتال منتقل کیا گیا جہاں وہ دورانِ علاج دم توڑ گئی، نور عائشہ کی سات سال قبل ایوب سے شادی ہوئی تھی اور اس کی دو کمسن بیٹیاں بھی ہیں۔
پولیس نے بتایا ہے کہ خاتون کے ورثاء کی جانب سے اس کے شوہر ایوب اور دیور رفیق پر تیزاب پلانے کا الزام عائد کیا گیا ہے جس پر پولیس نے متاثرہ خاتون کے والد علی اکبر کی مدعیت میں قتل کی دفعات کے تحت مقدمہ درج کرنے کے بعد تفتیش کا آغاز کر دیا، بتدائی تفتیش میں خاتون کو تیزاب پلانے کے شواہد ملے ہیں، تاہم مزید تحقیقات جاری ہیں تاکہ واقعے کے تمام پہلوؤں کو سامنے لایا جا سکے۔(جاری ہے)
خاتون کے والد نے الزام عائد کیا ہے کہ داماد کے ناجائز تعلقات پر اکثر جھگڑے ہوتے تھے، نور عائشہ شادی کے بعد کئی بار ناراض ہو کر میکے بھی واپس آئی، اب بھی کسی بات پر جھگڑا ہوا تو اس پر ہماری بیٹی کو ملزمان کی جانب سے تیزاب پلانے کے علاوہ تشدد کا نشانہ بھی بنایا گیا، ہمیں اطلاع ملی کہ بیٹی کی حالت خراب ہے جس کے بعد ہسپتال لے جایا گیا مگر وہ جانبر نہ ہو سکی۔ دوسری طرف کراچی میں ہی پیش آئے ایک اور واقعے میں جوڈیشل مجسٹریٹ جنوبی کی عدالت کے روبرو نئی نویلی دلہن سے غیر فطری عمل کرنے اور تشدد کا نشانہ بنانے کے مقدمے کی سماعت ہوئی، پولیس نے گرفتار ملزم اشوک کو عدالت میں پیش کیا جہاں تفتیشی افسر نے بتایا کہ’ ملزم نے اپنی بیوی کے اندر لوہے کا راڈ ڈال کر تشدد کیا، ملزم نے اپنی بیوی کی گردن پر چھاتی پر بھی زخم کردیئے، متاثرہ خاتون اس وقت ٹراما سینٹر میں کوما میں ہیں، ملزم سے اس حوالے سے مزید تفتیش کرنی ہے، متاثرہ خاتون کا عدالت میں 164 کا بیان بھی کروانا ہے‘، جس پر عدالت نے ملزم کا 3 روزہ جسمانی ریمانڈ منظور کرتے ہوئے پیش رفت رپورٹ طلب کرلی، ملزم کیخلاف تھانہ بغدادی میں مقدمہ درج کیا گیا ہے۔.
ذریعہ
ذریعہ: UrduPoint
کلیدی لفظ: تلاش کیجئے
پڑھیں:
ایلون مسک نے ’اوڈیسی‘ کا اے آئی ورژن اسی سال پیش کرنے کا اعلان کردیا
ارب پتی ٹیکنالوجی کاروباری شخصیت ایلون مسک نے اعلان کیا ہے کہ ان کا مصنوعی ذہانت پر مبنی پلیٹ فارم گروک امیجن (Grok Imagine) رواں سال کے اختتام سے پہلے قدیم یونانی رزمیہ شاہکار اوڈیسی پر مبنی ایک مکمل فلم تیار کرے گا۔ مسک کا کہنا ہے کہ یہ فلم شاعر ہومر کی اصل تخلیق کے مطابق ہوگی اور تاریخی اعتبار سے بھی زیادہ درست انداز میں پیش کی جائے گی۔
ایلون مسک نے سماجی رابطے کی ویب سائٹ ایکس پر اپنی پوسٹ میں دعویٰ کیا کہ اے آئی کے ذریعے بنائی جانے والی یہ فلم ہومر کے اصل فن اور کہانی کی حقیقی روح کی عکاسی کرے گی۔ انہوں نے اس اعلان کے ساتھ تقریباً تین منٹ طویل ایک اے آئی ویڈیو بھی شیئر کی، جس میں اوڈیسیئس اور کلیپسو کے درمیان ایک منظر دکھایا گیا ہے۔
Before this year ends, Grok Imagine will make a full-length movie of The Odyssey that is historically accurate and true to the art of Homer https://t.co/bVHzUmY9WN
— Elon Musk (@elonmusk) July 22, 2026اس سے قبل بھی ایلون مسک نے ایک صارف کی اس تجویز کی حمایت کی تھی کہ ہدایت کار میل گبسن تقریباً 100 ملین ڈالر کی لاگت سے اوڈیسی پر ایسی فلم بنائیں جس میں تاریخی طور پر درست جہاز، ہتھیار، زرہیں، کردار اور ہومر کی اصل نظم کے مکالمے شامل ہوں۔ اس تجویز پر مسک نے مختصر جواب دیتے ہوئے کہا تھا، ’میں تیار ہوں۔‘
دوسری جانب ایلون مسک حالیہ دنوں میں برطانوی نژاد امریکی فلم ساز کرسٹوفر نولن کی فلم اوڈیسی پر بھی سخت تنقید کرتے رہے ہیں۔ ان کا الزام ہے کہ نولن نے ایوارڈز حاصل کرنے کی غرض سے اصل داستان میں تبدیلیاں کیں۔ انہوں نے فلم کی کاسٹنگ پر بھی اعتراض اٹھایا، خاص طور پر اداکارہ لوپیٹا نیونگو کو ہیلن آف ٹرائے کے کردار میں لینے کے فیصلے کو تنقید کا نشانہ بنایا، جبکہ ایک موقع پر نولن کو ’نسل پرستانہ رویہ رکھنے والا‘ فلم ساز بھی قرار دیا۔
تاہم ایلون مسک کی تنقید کے باوجود کرسٹوفر نولن کی اوڈیسی نے باکس آفس پر شاندار آغاز کیا ہے۔ باکس آفس رپورٹس کے مطابق فلم نے ریلیز کے پہلے ہفتے میں دنیا بھر سے 264.06 ملین ڈالر سے زائد کا بزنس کیا، جس کے بعد اسے رواں برس کی نمایاں کامیاب فلموں میں شمار کیا جا رہا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار