الخدمت فاؤنڈیشن نے گزشتہ سال پانی کے 2100 منصوبے مکمل کیے
اشاعت کی تاریخ: 9th, July 2025 GMT
data-id="863a0a8" data-element_type="widget" data-widget_type="theme-post-content.default">
راولپنڈی: الخدمت فاؤنڈیشن پاکستان نے گزشتہ سال ملک بھر میں صاف پانی کی فراہمی کے لیے 2100 منصوبے کامیابی سے مکمل کیے، جن سے ساڑھے پانچ لاکھ سے زائد افراد مستفید ہو ئے۔
رواں سال کے دوران 2320 منصوبے مکمل کرنے کا ارادہ ہے۔ الخدمت واش پروگرام صاف پانی کی فراہمی کو یقینی بنا رہا ہے بلکہ صفائی ستھرائی اور صحت و صفائی سے متعلق آگاہی اور سہولیات کی فراہمی میں بھی نمایاں کردار ادا کر رہا ہے۔
یہ منصوبے وسطی پنجاب، جنوبی پنجاب، شمالی پنجاب، سندھ، خیبرپختونخوا، بلوچستان، آزاد جموں و کشمیر، گلگت بلتستان اور وزیرستان سمیت ملک کے مختلف علاقوں میں مکمل کیے گئے۔ ان 2100 منصوبوں میں 579 چھوٹے نلکے، 923 کمیونٹی ہینڈ پمپ، 206 کنویں، 248 پواٹر سب مرسبل پمپ، 59 سولر سب مرسبل پمپ ، 22 گریوٹی فلو واٹر سکیم ، 27 واٹر فلٹریشن پلانٹس ، 35 ٹھنڈے پانی کے کولر اور مرمت و دیکھ بھال کے منصوبے شامل ہیں۔
الخدمت فاؤنڈیشن پاکستان کے نائب صدر سید احسان اللہ وقاص نے اس موقع پر گفتگو کرتے ہوئے کہا کہ الخدمت فاؤنڈشن مختلف شعبوں میں انسانیت کی خدمت کے مشن پر گامزن ہے اور صاف پانی کی فراہمی کا یہ منصوبہ اسی سلسلے کی ایک اہم کڑی ہے۔
انہوں نے بتایا کہ الخدمت نے اپنے دائرہ کار کو وسعت دیتے ہوئے اب صفائی ستھرائی کے ساتھ حفظانِ صحت کی خدمات بھی شامل کر لی ہیں، تاکہ عوام کو بیماریوں سے بچاؤ اور صحت مند زندگی گزارنے کے بہتر مواقع میسر آ سکیں۔
ان کا مزید کہنا تھا کہ الخدمت فاؤنڈیشن کے اس پروگرام کا مقصد ہر فرد کو صاف پانی اور صفائی کے بنیادی انسانی حقوق تک رسائی مہیا کرنا ہے۔ الخدمت فاؤنڈیشن اس مقصد کے حصول کے لیے ہمیشہ کوشاں رہے گی۔
.
ذریعہ
ذریعہ: Jasarat News
کلیدی لفظ: الخدمت فاؤنڈیشن کی فراہمی صاف پانی
پڑھیں:
ارکان پارلیمنٹ کی رہائش کیلیے فیملی سوٹس؛ بجٹ میں ڈیڑھ ارب روپے مختص کرنے کی تجویز
وفاقی حکومت نے آئندہ مالی سال کے بجٹ میں پارلیمنٹ لاجز کی توسیع اور اراکین پارلیمنٹ کے اہل خانہ کے لیے اضافی رہائش گاہوں کی تعمیر کی غرض سے ڈیڑھ ارب روپے مختص کرنے کا فیصلہ کیا ہے۔
نجی ٹی وی کی رپورٹ میں سرکاری دستاویزات کے حوالے سے بتایا گیا ہے کہ اس ترقیاتی منصوبے کے تحت اسلام آباد کے سیکٹر جی فائیو ٹو میں رہائشی سہولیات فراہم کی جائیں گی۔
اس منصوبے کا مرکزی حصہ اضافی فیملی سوٹس کی تعمیر ہے، جس میں 500 کے قریب سرونٹ کوارٹرز بھی شامل کیے گئے ہیں تاکہ عوامی نمائندوں کی رہائشی ضروریات کو بہتر انداز میں پورا کیا جا سکے۔
منصوبے کی مجموعی لاگت کا تخمینہ 7 ارب 40 کروڑ روپے لگایا گیا ہے۔ حکومتی دستاویز میں واضح کیا گیا ہے کہ 30 جون 2026 تک اس منصوبے پر 2 ارب 29 کروڑ روپے کے اخراجات متوقع ہیں۔ یہ منصوبہ پارلیمنٹ لاجز کی موجودہ گنجائش میں خاطر خواہ اضافے کا باعث بنے گا۔
علاوہ ازیں موجودہ پارلیمنٹ لاجز سے ملحقہ اراکین کے لیے 104 فیملی سوٹس پہلے ہی تعمیر کیے جا رہے ہیں۔ حکام نے بتایا کہ ان سوٹس کی تعمیر کا کام اپنے آخری مراحل میں ہے اور اس وقت وہاں فنشنگ کا کام تیزی سے جاری ہے، جس سے ممبران کو فوری رہائشی سہولت میسر ہوگی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ