شہداد پور،خاکروبوں کا تنخواہوں کی عدم ادائیگی پر احتجاج
اشاعت کی تاریخ: 9th, July 2025 GMT
data-id="863a0a8" data-element_type="widget" data-widget_type="theme-post-content.default">
شہدادپور(نمائندہ جسارت) جٹیا ٹاؤن کمیٹی میں صفائی نہ ہونے اور تنخواہیں نہ ملنے پر احتجاج، اوور ہیڈ برج بلاک۔تفصیلات کے مطابق شہدادپور کے جٹیا ٹاؤن کمیٹی میں کئی دنوں سے صفائی ستھرائی نہ ہونے اور خاکروبوں کو تنخواہیں نہ ملنے کے خلاف علاقہ مکینوں اور خاکروبوں نے مشترکہ احتجاجی مظاہرہ کیا۔ مظاہرین نے ریلوے اوور ہیڈ برج کو بلاک کر دیا، جس کے باعث اندرون و بیرون شہر جانے والی ٹریفک شدید جام ہو گئی۔خاکروبوں کی فاقہ کشی کا رونااحتجاج میں شامل خاکروبوں، جن میں مختار مسیح بھی شامل تھے نے بتایا کہ انہیں کئی ماہ سے تنخواہیں نہیں ملی ہیں، جس کی وجہ سے ان کے گھروں میں فاقے پڑ گئے ہیں۔ انہوں نے افسوس کا اظہار کرتے ہوئے کہا کہ راشن نہ ہونے کے سبب انہیں اپنے بچوں کو اسکول سے نکالنا پڑا ہے۔ہم اس فاقہ کشی سے تنگ آ چکے ہیں۔انہوں نے مطالبہ کیا کہ ان کی بقایا تنخواہیں فوری طور پر ادا کی جائیں۔علاقہ کچرا کنڈی کا منظر پیش کرنے لگا۔علاقہ مکینوں، جن میں عرفان اور دیگر نوجوان شامل تھے نے شکایت کی کہ کئی روز سے صفائی نہ ہونے کے باعث ان کے علاقے کچرا کنڈی کا منظر پیش کر رہے ہیں۔ انہوں نے کہا کہ نمازیوں اور عام علاقہ مکینوں کا گلیوں سے گزرنا تک محال ہو چکا ہے۔ انہوں نے مطالبہ کیا کہ فوری طور پر صفائی ستھرائی کا عمل شروع کیا جائے تاکہ عوام سکھ کا سانس لے سکیں۔مظاہرین نے حکام سے اپیل کی ہے کہ وہ ان کے مطالبات پر فوری توجہ دیں اور مسئلہ حل کریں۔
.ذریعہ: Jasarat News
پڑھیں:
وزیر اعلیٰ مریم نواز نے محرم میں امن و امان، صفائی، خدمت کا نیا ریکارڈ بنایا ہے، ترجمان پنجاب حکومت
وزیرِ اعلیٰ پنجاب مریم نواز—فائل فوٹوترجمان پنجاب حکومت کا کہنا ہے کہ وزیرِ اعلیٰ پنجاب مریم نواز نے محرم میں امن و امان، صفائی اور خدمت کا نیا ریکارڈ بنایا ہے۔
جاری کیے گئے بیان میں انہوں نے کہا ہے کہ پنجاب کی تاریخ میں محرم الحرام کے سب سے بڑے انتظامات کیے گئے، عزاداروں کو خوراک اور پانی فراہم کیا گیا، فیلڈ اسپتال اور کلینکس آن ویلز سمیت پورا طبی عملہ موجود رہا۔
ترجمان پنجاب حکومت کے مطابق صوبے میں 1 لاکھ 8 ہزار سے زائد پولیس اہلکار جلوسوں اور مجالس کی سیکیورٹی پر مامور ہیں، رینجرز بھی پولیس کی معاونت کے لیے تعینات ہے، انتظامیہ، پولیس، ریسکیو، صحت و صفائی سمیت تمام اداروں نے ایک ٹیم بن کر کام کیا۔
وزیر اعلیٰ پنجاب نے کہا کہ شاندار تاریخی ورثے، رنگا رنگ ثقافت اور بے پناہ صلاحیتوں کے ساتھ لاہور دنیا کے استقبال کے لیے تیار ہے۔
انہوں نے بتایا کہ انتظامیہ، پولیس، ریسکیو اور دیگر اداروں کا بے مثال اشتراک جاری ہے، فیک نیوز کی روک تھام کے لیے پہلی بار سائبر پیٹرولنگ بھی جاری ہے، کنٹرول روم قائم ہیں جو 24 گھنٹے مانیٹرنگ کر رہے ہیں۔
ترجمان کے مطابق جلوسوں اور مجالس کے داخلی اور خارجی راستو ں پر سیکیورٹی گیٹ نصب ہیں، شربت اور لیموں پانی کی سبیلیں بھی لگائی گئی ہیں۔
ترجمان پنجاب حکومت کا کہنا ہے کہ پہلی بار جلوسوں کے راستے کو گرمی کی شدت کے باعث پانی کے چھڑکاؤ سے ٹھنڈا کیا گیا۔
لاہور میں خصوصی افراد میں مصنوعی اعضا، آلات اور وہیل چیئرز تقسیم کرنے کی تقریب ہوئی جس میں وزیراعلیٰ پنجاب مریم نواز نے بطور مہمان خصوصی شرکت کی۔
انہوں نے بتایا کہ پنجاب بھر میں امن و امان، صفائی، عوام اور عزاداروں کی مثالی خدمت کی گئی۔
پنجاب حکومت کے ترجمان کے مطابق جلوسوں اور مجالس کے لیے ستھرا پنجاب کے تحت صفائی کا خصوصی اہتمام کیا گیا، بجلی کے بکھرے تاروں سمیت جلوسوں کے راستے سے ہر طرح کی رکاوٹیں ہٹائی گئیں۔
لاہور قلندرز، اے این ایف کے درمیان منشیات کیخلاف آگاہی کیلیے مفاہمت کی یادداشت پر دستخط