عالمی مقابلہ جیتنے والے بلوچستان کے سینڈ آرٹسٹ طے شدہ انعامی رقم سے محروم، مڈل مین ہزاروں ڈالر لے اڑا
اشاعت کی تاریخ: 9th, July 2025 GMT
بلوچستان کے ساحلی علاقے گڈانی سے تعلق رکھنے والے باصلاحیت نوجوان سینڈ آرٹسٹ سمیر شوکت عالمی سطح کے ایک آن لائن مقابلے میں پہلا انعام جیتنے کے باوجود انعامی رقم سے محروم ہو گئے۔
یہ بھی پڑھیں: بڑھتے ہوئے سائبر فراڈز میں اے آئی کا استعمال، جعل سازی سے کیسے بچا جائے؟
گڈانی کے نوجوان آرٹسٹ سمیر شوکت اور ان کی ٹیم نے فری لانسر ویب سائٹ کے ایک بین الاقوامی مقابلے میں حصہ لیتے ہوئے ساحل پر ریت میں کمپنی کا لوگو تخلیق کیا اور اس تخلیقی ویڈیو کی بنیاد پر پہلا انعام حاصل کیا۔
مقابلے کی انعامی رقم 10 ہزار ڈالر تھی جو جیتنے پر طے شدہ فارمولے کے مطابق 8 افراد میں برابر تقسیم ہونی تھی۔
سمیر شوکت کے مطابق چند ماہ قبل گوجرانوالہ سے تعلق رکھنے والے محمد شفیق عطاری نے ان سے رابطہ کیا اور مقابلے کی تفصیل فراہم کی۔ چونکہ گڈانی کے نوجوان فری لانسر ویب سائٹ پر اپنا اکاؤنٹ بنانے میں ناکام رہے تھے اس لیے شفیق نے پیشکش کی کہ وہ اپنی پروفائل کے ذریعے مقابلے میں انٹری ڈال دے گا۔ طے پایا کہ انعامی رقم 8 شرکا میں برابر تقسیم کی جائے گی یعنی ہر شخص کو 1،250 ڈالر ملیں گے۔
تاہم انعام جیتنے کے بعد رقم شفیق عطاری کے اکاؤنٹ میں منتقل ہوئی تو اس نے گڈانی کے نوجوانوں کو محض 500 ڈالر بھیجے اور بقیہ 9،500 ڈالر خود رکھ لیے۔ اس کے بعد شفیق نے نہ فون کالز کا جواب دیا اور نہ ہی سوشل میڈیا پر دستیاب رہا بلکہ اپنے اکاؤنٹس بھی ڈی ایکٹیویٹ کر دیے۔
مزید پڑھیے: فراڈ سے بچنے کے لیے ٹریول ایجنٹ کا انتخاب کرتے ہوئے کن چیزوں کو مدنظر رکھا جائے؟
متاثرہ نوجوانوں نے اس واقعے پر شدید غم و غصے کا اظہار کرتے ہوئے 7 جولائی کو نیشنل سائبر کرائم انویسٹیگیشن ایجنسی کراچی میں باضابطہ شکایت درج کرا دی ہے۔ ساتھ ہی انہوں نے پنجاب حکومت، آئی جی پنجاب اور متعلقہ اداروں سے فوری انصاف کی اپیل کی ہے تاکہ ان کی محنت اور حق کی کمائی واپس مل سکے۔
سمیر شوکت کا کہنا ہے کہ ان کا مقصد بلوچستان کے ساحلی علاقوں کے نوجوانوں کی صلاحیتوں کو عالمی سطح پر متعارف کرانا تھا، لیکن اس دھوکہ دہی نے ان کے خوابوں کو شدید دھچکا پہنچایا ہے۔
مزید پڑھیں: کمبوڈیا: پرکشش ملازمتوں کا جھانسہ دیکر پاکستانیوں سے فراڈ کا انکشاف
انہوں نے حکومت اور قانون نافذ کرنے والے اداروں سے اپیل کی ہے کہ وہ اس معاملے میں سخت کارروائی کر کے فنکار برادری کو انصاف دلائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستانی آرٹسٹ کے ساتھ فراڈ سینڈ آرٹسٹ سمیر شوکت عالمی آرٹ مقابلہ.
ذریعہ
ذریعہ: WE News
کلیدی لفظ: پاکستانی ا رٹسٹ کے ساتھ فراڈ سینڈ ا رٹسٹ سمیر شوکت عالمی ا رٹ مقابلہ سمیر شوکت
پڑھیں:
کراچی: کیماڑی میں 6 سالہ بچی کے اغوا اور قتل میں ملوث مرکزی ملزم مبینہ پولیس مقابلے میں ہلاک
کراچی کے ساحلی علاقے کیماڑی میں پولیس نے ایک 6 سالہ بچی کے اغوا اور سفاکانہ قتل میں ملوث مرکزی ملزم کو مبینہ پولیس مقابلے کے دوران ہلاک کرنے کا دعویٰ کیا ہے۔
پولیس ترجمان کے مطابق یہ پیش رفت جیرکسن تھانے کی حدود میں پیش آئی، جہاں مبینہ ملزم کی موجودگی کی اطلاع پر پولیس پارٹی نے مبارک مسجد کے قریب چھاپہ مارا۔ پولیس کو دیکھتے ہی ملزم نے اہلکاروں پر براہِ راست فائرنگ شروع کر دی، جس پر پولیس نے بھی جوابی فائرنگ کی۔ اس تبادلے میں ملزم گولی لگنے سے شدید زخمی ہوا اور بعد میں دم توڑ گیا۔
یہ بھی پڑھیں: کمسن بچی کے قتل کیس میں مجرم کی اپیل مسترد، سزائے موت برقرار
تفتیشی حکام کا کہنا ہے کہ ملزم تک رسائی مختلف علاقوں کی سی سی ٹی وی فوٹیج کی تفصیلی جانچ پڑتال اور دیگر تکنیکی و جغرافیائی شواہد کی مدد سے ممکن ہوئی۔ اس سے قبل، معصوم بچی کی لاش منوہرہ کے قریب جھاڑیوں سے برآمد ہوئی تھی۔
پولیس سرجن ڈاکٹر سمیہ سید نے میڈیکو لیگل کا جائزہ لینے کے بعد تصدیق کی کہ بچی کو بدترین جنسی تشدد اور جسمانی تشدد کا نشانہ بنایا گیا ہے، جبکہ اس کے پورے جسم پر تشدد کے واضح نشانات موجود ہیں۔ بچی کی موت کی حتمی وجہ کا تعین فارنسک لیبارٹری کو بھیجے گئے نمونوں کی رپورٹ آنے کے بعد کیا جائے گا۔
یہ بھی پڑھیں: پشاور: 8 سالہ بچی مبینہ زیادتی کے بعد قتل، لاش ہمسائے کے صندوق سے برآمد
پولیس کے مطابق جیرکسن تھانے میں پہلے ہی بچی کے اغوا اور قتل کے حوالے سے پاکستان پینل کوڈ کی دفعات 364-A اور 302 کے تحت مقدمہ (FIR No. 265/2026) درج تھا۔ اب پولیس مقابلے کا ایک الگ کیس بھی اسی تھانے میں درج کیا جا رہا ہے اور کرائم سین کو سیل کر کے تمام سائنسی و فارنسک ثبوت تحویل میں لے لیے گئے ہیں۔
اس واقعے سے چند ہی دن قبل بھی کراچی میں 6 سالہ بچے کے اغوا، زیادتی اور قتل کے الزام میں ایک 20 سالہ نوجوان کو گرفتار کیا گیا تھا، جس کی لاش بوری میں بند کر کے ویران پلاٹ پر پھینکی گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پولیس مقابلہ زیادتی قتل کراچی کمسن بچی ملزم ہلاک
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار