وزیراعظم یوتھ پروگرام اور "اینیبلرز" کے درمیان مفاہمت کی یادداشت پر دستخط ، نیشنل یوتھ گیمز پر مشاورتی اجلاس
اشاعت کی تاریخ: 9th, July 2025 GMT
اسلام آباد (اُردو پوائنٹ اخبارتازہ ترین - اے پی پی۔ 09 جولائی2025ء) چیئرمین وزیراعظم کے یوتھ پروگرام رانا مشہود احمد خان نے نوجوانوں کو کھیلوں کے ذریعے قومی ترقی میں شامل کرنے کی اہمیت پر زور دیتے ہوئے تیاریوں کو تیز تر کرنے کی ہدایت کی ہے۔ بدھ کو وزیراعظم یوتھ پروگرام سے جاری بیان کے مطابق وزیراعظم یوتھ پروگرام نے نوجوانوں کی ترقی کے عزم کو مزید مضبوط بناتے ہوئے دو اہم سرگرمیوں کا انعقاد کیا۔
ایک جانب وزیراعظم آفس میں وزیراعظم کے یوتھ پروگرام اور "اینیبلرز" کے درمیان مفاہمت کی ایک یادداشت پر دستخط کئے گئے تو دوسری جانب نیشنل یوتھ گیمز سے متعلق دوسرا اعلیٰ سطحی اجلاس وزارت بین الصوبائی رابطہ میں منعقد ہوا۔ دونوں اجلاسوں کی صدارت چیئرمین وزیراعظم کے یوتھ پروگرام رانا مشہود احمد خان نے کی جن کے ہمراہ سرکاری و نجی شعبے کے اہم عہدیداران اور شراکت دار شریک تھے۔(جاری ہے)
وزیراعظم آفس میں وزیراعظم کے یوتھ پروگرام اور اینیبلرز کے مابین سٹرٹیجک شراکت داری کو باضابطہ شکل دی گئی جس کا مقصد 4ایز فریم ورک تعلیم، روزگار، شمولیت اور ماحول کے تحت نوجوانوں کے لئے مواقع میں وسعت پیدا کرنا ہے۔ اس شراکت داری کے تحت اینیبلرز نوجوانوں کی مہارت سازی، انٹرن شپس، ملازمتوں کے مواقع فراہم کرے گا اور وزیراعظم کے ڈیجیٹل یوتھ ہب کے ذریعے ان معلومات کو نوجوانوں تک پہنچانے میں بھرپور کردار ادا کرے گا۔دونوں فریقین نے "ینگ انٹرپرینیور فیسٹ" کے انعقاد پر بھی اتفاق کیا جو نوجوان کاروباری افراد کو اپنے خیالات پیش کرنے اور صنعت کے ماہرین سے سیکھنے کا موقع فراہم کرے گا۔ اس شراکت داری کے تحت خواتین کو بااختیار بنانے کے لئے سکالرشپس، رہنمائی پروگرام اور قائدانہ صلاحیتیں بڑھانے والے اقدامات کئے جائیں گے۔ دونوں ادارے باہمی برانڈنگ، سوشل میڈیا مہم، اور عوامی آگاہی کے ذریعے وزیراعظم کے یوتھ پروگرام کے مختلف اقدامات کو ملک گیر سطح پر اجاگر کریں گے۔اسی دن نیشنل یوتھ گیمز کے حوالے سے دوسرا اعلیٰ سطحی اجلاس وزارت بین الصوبائی رابطہ میں منعقد ہوا جو اس ایونٹ کی تیاریوں کے حوالے سے پہلا اجلاس مکمل ہونے کے بعد ترتیب دیا گیا تھا۔ یہ گیمز وزیراعظم کے یوتھ پروگرام اور پاکستان اولمپک ایسوسی ایشن کے اشتراک سے ستمبر 2025 میں منعقد ہوں گے جن میں 14 سے 17 سال کی عمر کے نوجوان 15 سے زائد کھیلوں میں حصہ لیں گے۔ یہ پاکستان میں 1948 کے بعد پہلی بار قومی سطح کا ایسا یوتھ سپورٹس ایونٹ ہوگا۔اجلاس میں کھلاڑیوں کے انتخاب، علاقائی مقابلوں کی ترتیب، مقامات کی تیاری، بین الادارہ جاتی تعاون اور دیگر اہم انتظامی پہلوؤں کا جائزہ لیا گیا۔ اجلاس میں سیکریٹری بین الصوبائی رابطہ محی الدین وانی، سیکرٹری جنرل پاکستان اولمپک ایسوسی ایشن محمد خالد محمود، تمام صوبوں کے ڈائریکٹر جنرلز، ہائر ایجوکیشن کمیشن ، نیوٹیک اور دیگر متعلقہ اداروں کے نمائندگان نے شرکت کی۔ اجلاس میں شفافیت، میرٹ، اور مساوی مواقع پر خاص زور دیا گیا۔چیئرمین وزیراعظم کے یوتھ پروگرام رانا مشہود احمد خان نے نوجوانوں کو کھیلوں کے ذریعے قومی ترقی میں شامل کرنے کی اہمیت پر زور دیا اور تیاریوں کو تیز تر کرنے کی ہدایت دی۔ تمام شرکاء نے اس حکومتی اقدام کو سراہا اور اس کی کامیابی کے لئے بھرپور تعاون کا یقین دلایا۔یہ دونوں اہم سرگرمیاں نوجوانوں کی شمولیت، ڈیجیٹل سہولیات کی فراہمی، کھیلوں کے فروغ، اور پائیدار ترقی کے لئے نوجوانوں کی شرکت کو یقینی بنانے کے لئے حکومت کے پختہ عزم کی عکاسی کرتی ہیں۔.ذریعہ: UrduPoint
کلیدی لفظ: تلاش کیجئے وزیراعظم کے یوتھ پروگرام یوتھ پروگرام اور نوجوانوں کی کے ذریعے کرنے کی کے لئے
پڑھیں:
تھر میں کوئلہ گیسیفیکیشن پلانٹ کی تنصیب، چینی کمپنی کے ساتھ مفاہمتی یادداشت پر دستخط
صدرِ ملکت آصف علی زرداری نے شنگھائی الیکٹرک کے چیئرمین وُو لی سے ملاقات کی ہے، جس میں توانائی کے شعبے میں تعاون اور پاکستان میں جاری منصوبوں پر تفصیلی بات چیت ہوئی۔ اس موقع پر تھر میں کوئلہ گیسیفیکیشن پلانٹ کے قیام کے کے لیے مفاہمتی یادداشت پر دستخط کیے گئے۔
ملاقات کے دوران صدر مملکت کو شنگھائی الیکٹرک کے پاکستان میں جاری توانائی منصوبوں کے حوالے سے بریفنگ دی گئی۔
یہ بھی پڑھیں: تھر کوئلہ ذخائر ملک کو ایک صدی تک کتنی بجلی دے سکتے ہیں؟
صدر زرداری نے شنگھائی الیکٹرک کی جانب سے پاکستان کی توانائی کی ضروریات پوری کرنے میں ادا کیے جانے والے کردار کو سراہتے ہوئے کہا کہ یہ کمپنی نہ صرف توانائی کے شعبے میں خدمات انجام دے رہی ہے بلکہ روزگار کے مواقع پیدا کرنے اور ملک کی سماجی و معاشی ترقی میں بھی اہم کردار ادا کر رہی ہے۔
آصف زرداری نے شنگھائی الیکٹرک کو پاکستان کے ٹرانسمیشن اور ڈسٹری بیوشن نظام میں سرمایہ کاری کی دعوت دیتے ہوئے یقین دہانی کرائی کہ اگر کوئی زیر التوا مسائل ہوں تو انہیں دوستانہ اور باہمی تعاون کے جذبے کے تحت حل کیا جائے گا۔
انہوں نے مزید کہا کہ حکومت پاکستان چینی کارکنوں کے لیے محفوظ اور سازگار ماحول یقینی بنانے کے لیے حفاظتی اقدامات کو مزید مضبوط کرے گی۔ شنگھائی الیکٹرک کے سی ای او نے اس موقع پر پاکستان میں اپنے ملازمین کے لیے فراہم کردہ سیکیورٹی اقدامات پر حکومت کا شکریہ ادا کیا۔
بریفنگ میں بتایا گیا کہ شنگھائی الیکٹرک 1902 میں قائم ہوئی تھی اور توانائی و صنعتی شعبے میں عالمی سطح پر اپنی ایک منفرد پہچان رکھتی ہے۔ ملاقات کے دوران تھر میں کوئلہ گیسیفیکیشن پلانٹ کے قیام کے حوالے سے بھی پیش رفت سامنے آئی اور اس مقصد کے لیے مفاہمتی یادداشت پر دستخط کیے گئے۔
یہ منصوبہ تھر کوئلے پر مبنی پہلا کوئلہ گیسیفیکیشن اور فرٹیلائزر پلانٹ ہوگا، جو نہ صرف توانائی کی ضروریات پوری کرے گا بلکہ زرعی شعبے کو بھی سہارا فراہم کرے گا۔
مفاہمتی یادداشت پر ایم ایف ٹی سی کول گیسیفیکیشن کے سی ای او شاہد تواوالا اور سینو سندھ ریسورسز، شنگھائی الیکٹرک کے سی ای او مسٹر لِن جیگن نے دستخط کیے۔
یہ بھی پڑھیں: پاک چین دوستی آنے والے وقتوں میں مزید مستحکم ہوگی: صدر مملکت آصف زرداری
اس موقع پر خاتونِ اول آصفہ بھٹو زرداری، چیئرمین پیپلز پارٹی بلاول بھٹو زرداری، سینیٹر سلیم مانڈوی والا، وزیر اطلاعات و ٹرانسپورٹ سندھ شرجیل میمن اور وزیر منصوبہ بندی و توانائی سندھ سید ناصر شاہ بھی صدر مملکت کے ہمراہ موجود تھے، جبکہ چین اور پاکستان کے سفرا نے بھی تقریب میں شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آصف زرداری پلانٹ کی تنصیب چینی کمپنی صدر مملکت کوئلہ گیسیفیکیشن مفاہمتی یادداشت
کرینہ کپور کے دلچسپ جواب پر مداحوں میں چہ میگوئیاں