پاکستانی نوجوانوں کیلیے خوشخبری: میٹا کا اردو میں اے آئی سسٹمز تیار کرنے میں اظہار دلچسپی
اشاعت کی تاریخ: 10th, July 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد :عالمی ٹیکنالوجی کمپنی میٹا نے پاکستان میں مصنوعی ذہانت (Artificial Intelligence) کے شعبے میں نہ صرف اردو زبان میں جدید ماڈلز کی تیاری بلکہ ڈیجیٹل مہارتوں کی فراہمی میں بھی بھرپور تعاون کی پیشکش کی ہے۔
یہ پیشکش اسلام آباد میں وفاقی وزیر برائے انفارمیشن ٹیکنالوجی شزا فاطمہ خواجہ سے ایک اعلیٰ سطح کی ملاقات کے دوران سامنے آئی۔
میٹا کے نمائندہ وفد کی قیادت صارم عزیر کر رہے تھے، جو جنوبی اور وسطی ایشیا کے لیے میٹا کے پبلک پالیسی ڈائریکٹر کی حیثیت سے خدمات انجام دے رہے ہیں۔ ملاقات کا مرکز پاکستان میں ڈیجیٹل ترقی، اے آئی کے عملی استعمال، نوجوانوں کی تربیت اور اردو زبان میں AI ماڈلز کی تشکیل تھا جو کہ ٹیکنالوجی کے میدان میں پاکستان کے لیے ایک اہم سنگِ میل کی حیثیت رکھتا ہے۔
شزا فاطمہ خواجہ نے گفتگو کے دوران واضح کیا کہ ڈیجیٹل پاکستان کا ویژن وزیراعظم شہباز شریف کی قیادت میں روز افزوں ترقی کر رہا ہے۔ انہوں نے بتایا کہ وزیراعظم ہفتہ وار سطح پر کیش لیس معیشت کے فروغ اور ڈیجیٹل خدمات میں بہتری سے متعلق اجلاسوں کی صدارت کرتے ہیں، جس سے اندازہ ہوتا ہے کہ حکومت ٹیکنالوجی کو معاشی ترقی کا بنیادی ستون تسلیم کرتی ہے۔
وفاقی وزیر نے اس بات پر زور دیا کہ پاکستان کے نوجوانوں کو عالمی معیار کی ڈیجیٹل اسکلز سے لیس کرنا حکومت کی اولین ترجیحات میں شامل ہے اور مصنوعی ذہانت کے مؤثر استعمال کو ملکی مستقبل کی ترقی سے جوڑا جا رہا ہے۔
انہوں نے میٹا کی جانب سے اردو زبان میں اے آئی ماڈلز کی تیاری کی پیشکش کو ایک مثبت اور بروقت قدم قرار دیا، جس سے نہ صرف مقامی زبان میں ٹیکنالوجی تک رسائی ممکن ہو گی بلکہ روزگار کے نئے مواقع بھی پیدا ہوں گے۔
میٹا وفد نے پاکستان میں اپنے جدید LLaMA ماڈلز اور Generative AI ٹیکنالوجیز سے متعلق بریفنگ دی اور واضح کیا کہ کمپنی پاکستان میں صرف تربیت تک محدود نہیں رہنا چاہتی بلکہ مقامی استعداد کار میں اضافے اور ٹیکنالوجی کی منتقلی کے لیے بھی تیار ہے۔
صارم عزیر نے کہا کہ میٹا کی دلچسپی صرف ایک کاروباری شراکت داری تک محدود نہیں بلکہ وہ پاکستان کو خطے میں ایک ڈیجیٹل انوویشن ہب کے طور پر دیکھنا چاہتا ہے۔
اس موقع پر شزا فاطمہ نے کہا کہ پبلک اور پرائیویٹ شراکت داری پاکستان کے ٹیکنالوجی شعبے کو ایک نئی بلندی تک پہنچا سکتی ہے۔ انہوں نے میٹا کی دلچسپی کا خیرمقدم کرتے ہوئے کہا کہ ہم ہر اُس کوشش کا ساتھ دیں گے جو نوجوانوں کی صلاحیتوں میں اضافے اور عوامی خدمات میں بہتری لانے کا باعث بنے۔
ملاقات میں اس بات پر بھی اتفاق ہوا کہ دونوں فریق جلد عملی اقدامات، تربیتی پروگرامز اور اردو زبان میں اے آئی ماڈلز کے پائلٹ پروجیکٹس کے آغاز پر باقاعدہ تبادلہ خیال کریں گے۔
ٹیکنالوجی سے وابستہ ماہرین کا کہنا ہے کہ اگر یہ تعاون عملی شکل اختیار کرتا ہے تو پاکستان نہ صرف AI کی دنیا میں اپنا مقام بنا سکتا ہے بلکہ اردو زبان کو بھی جدید ترین ٹیکنالوجی سے جوڑ کر لاکھوں لوگوں کی زندگیوں میں آسانی پیدا کر سکتا ہے۔
.ذریعہ: Jasarat News
کلیدی لفظ: پاکستان میں اے آئی
پڑھیں:
چینی فضائیہ کا ملٹی ڈومین آپریشنز میں پاک فضائیہ کے تجربے سے سیکھنے میں دلچسپی کا اظہار
چینی فضائیہ کے چیف آف اسٹاف لیفٹیننٹ جنرل وانگ گانگ نے پیپلز لبریشن آرمی ایئر فورس کی ملٹی ڈومین آپریشنز میں پاک فضائیہ کے تجربے سے سیکھنے میں دلچسپی کا اظہار کیا ہے۔
پاک فوج کے شعبہ تعلقات عامہ آئی ایس پی آر کے مطابق منگل کے روز چینی فضائیہ کے چیف آف اسٹاف جنرل وانگ گینگ نے وفد کے ہمراہ ایئر ہیڈ کوارٹرز اسلام آباد کا دورہ کیا،جہاں انہوں نے ایئرچیف مارشل ظہیر احمد بابر سدھو سے ملاقات کی، اس موقع پر جنرل وانگ گینگ نے پاک فضائیہ کی آپریشنل تیاریوں اور جدید ترین صلاحیتوں کو سراہا۔
یہ بھی پڑھیں: پاکستانی ایئرفورس کی بھارتی فضائیہ پر برتری، چینی ایئرکرافٹ کمپنی کے شیئرز کی قیمت بڑھ گئی
ایئر ہیڈکوارٹر آمد پر ایئرچیف نے معزز مہمانوں کا شاندار استقبال کرتے ہوئے اس بات کا اعادہ کیا کہ پاکستان اور چین کے درمیان تاریخی تعلقات ہیں جن کی جڑیں باہمی اعتماد، تزویراتی ہم آہنگی اور علاقائی امن و استحکام کے لیے مشترکہ خواہشات پر مبنی ہیں۔
آئی ایس پی آر کے مطابق اس موقع پر جنرل وانگ گینگ نے پاک فضائیہ کی آپریشنل تیاریوں اور جدید ترین صلاحیتوں کو سراہا، چینی ایئرچیف پاک فضائیہ کے ملٹی ڈومین آپریشنز سے خاص طور پر متاثر ہوئے اور اسے جدید فضائی جنگ کی پہچان قرار دیا۔
یہ بھی پڑھیں: آرمی چیف سے چینی نائب وزیراعظم کی ملاقات، دفاعی تعاون پر تبادلہ خیال
انہوں نے پیپلز لبریشن آرمی ایئر فورس کی ملٹی ڈومین آپریشنز میں پاک فضائیہ کے تجربے سے سیکھنے میں گہری دلچسپی کا اظہار کیا، معزز مہمان نے بھارت کے ساتھ حالیہ تنازع کے دوران پاک فضائیہ کی مثالی کارکردگی کو زبردست خراج تحسین پیش کیا۔
انہوں نے ایئر چیف کی پُرعزم قیادت میں پی اے ایف کے پائلٹس کی جانب سے بھارتی جارحیت پر پاکستان کی جانب سے دیے گئے فیصلہ کن جواب کی تعریف کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ایئرچیف ظہیر احمد بابر سدھو پاک فضائیہ پاکستان چین
ایران کی پاکستان کی سفارتی حمایت کی ستائش، تعلقات مزید مضبوط بنانے پر اتفاق