کوئٹہ میں راہزنی کے واقعات میں اضافہ کارکردگی پر سوالیہ نشان ہے، تاجر تنظیمیں
اشاعت کی تاریخ: 10th, July 2025 GMT
اپنے بیان میں انجمن تاجران کے رہنماؤں نے کہا کہ کوئٹہ ڈاکوؤں اور راہزنوں کی آماجگاہ بن چکا ہے۔ آئے روز نہتے شہریوں اور تاجروں کو ڈکیتی کی وارداتوں کے دوران قتل کرکے لوٹ مار جاری ہے۔ اسلام ٹائمز۔ مرکزی انجمن تاجران بلوچستان رجسٹرڈ کے صدر عبدالرحیم کاکڑ، حضرت علی اچکزئی، میر یاسین مینگل و دیگر نے تاجر اتحاد بلوچستان کے صدر سید حیدر آغا اور ساتھی قیوم کاکڑ پر ڈاکوئوں کی فائرنگ سے زخمی ہونے کی مذمت کرتے ہوئے کہا ہے کہ صوبائی دارالحکومت کوئٹہ ڈاکوؤں اور راہزنوں کی آماجگاہ بن چکا ہے۔ آئے روز نہتے شہریوں اور تاجروں کو ڈکیتی کی وارداتوں کے دوران قتل کرکے لوٹ مار جاری ہے۔ پولیس اور قانون نافذ کرنے والے اداروں کی رٹ کہیں نظر نہیں آرہی ہے۔ گزشتہ روز پشتون آباد اور قمبرانی روڈ، سریاب روڈ سمیت ہزارگنجی اور ملحقہ علاقوں میں تواتر کے ساتھ قتل و غارت گری اور ڈکیتی، چوری کی وارداتیں ہو رہی ہیں، جن کے تدارک کے لئے کوئی اقدام نہیں اٹھایا گیا، جس کی ہم مذمت کرتے ہیں۔
اپنے جاری کردہ بیان میں انہوں نے کہا کہ صوبائی دارالحکومت کوئٹہ جوکہ امن کا گہوارہ ہوتا تھا۔ گزشتہ چند سالوں سے کوئٹہ کے امن کو نظر لگ گئی ہے اور شہر سمیت ملحقہ علاقوں قمبرانی روڈ، سریاب روڈ، پشتون آباد اور ہزارگنجی سمیت دیگر علاقوں میں صبح، شام راہزنی، چوری اور ڈکیتی سمیت قتل و غارت گری کی وارداتیں ہورہی ہیں اور ان وارداتوں میں بے گناہ شہریوں کی جانیں ضائع ہو رہی ہیں۔ حکومت اور پولیس کی جانب سے اس کے تدارک اور ان وارداتوں میں ملوث عناصر کو قانون کی گرفت میں لانے کیلئے کوئی اقدام نہیں اٹھایا گیا۔ یہ تمام واقعات پولیس اور انتظامیہ کی موجودگی اور مختلف ناکوں، چیک پوسٹوں کے باوجود ہو رہے ہیں، جو ان کی کارکردگی اور ذمہ داری پر سوالیہ نشان ہے۔
گزشتہ شب تاجر اتحاد بلوچستان کے صدر سید حیدر آغا اور قیوم کاکڑ پر قاتلانہ حملہ کرکے انہیں زخمی کیا گیا۔ جس کی ہم مذمت کرتے ہیں۔ اگر پولیس نے ان ملزمان کو گرفتار کرکے قانون کے کٹہرے میں نہیں لائی تو اس کے خلاف کوئٹہ شہر اور صوبہ بھر میں احتجاج کرنے پر مجبور ہوں گے۔ جس سے حالات کی تمام تر ذمہ داری آئی جی پولیس بلوچستان، ڈی آئی جی پولیس اور انتظامیہ پر عائد ہوگی۔ کیونکہ کوئٹہ میں کوئی دن راہزنی، چوری ڈکیتی کی وارداتوں کے بغیر نہیں گزر رہا۔ شہریوں اور تاجروں میں شدید تشویش پائی جاتی ہے، پولیس اور متعلقہ انتظامیہ اور ادارے اپنی ذمہ داری نبھانے سے قاصر ہیں۔ جس کی وجہ سے عوام عدم تحفظ کا شکار ہے اور انہیں شدید تشویش لاحق ہے۔
ذریعہ: Islam Times
پڑھیں:
پولیس نے راولپنڈی میں کروڑوں کی بینک ڈکیتی ناکام بنادی، ڈاکو گرفتار
راولپنڈی ( اُردو پوائنٹ اخبارتازہ ترین۔ 08 جولائی 2025ء ) پولیس نے راولپنڈی میں کروڑوں کی بینک ڈکیتی ناکام بناتے ہوئے ایک ڈاکو گرفتار کرلیا۔ میڈیا رپورٹس کے مطابق راولپنڈی میں نیو ٹاؤن کے علاقے میں پولیس کی جانب سے بروقت کارروائی کی گئی جس کے نتیجے میں کروڑوں روپے کی بینک ڈکیتی کی بڑی کوشش کو ناکام بنا دیا۔ بتایا گیا ہے کہ 15 پر ڈکیتی کی اطلاع موصول ہوتے ہی پولیس کی نفری فوری طور پر موقع پر پہنچ گئی، جس کے باعث ڈاکو اپنی واردات مکمل کرنے میں ناکام رہے جس کے لیے تین مسلح ڈاکو بینک میں داخل ہوئے جن میں سے ایک کو گرفتار کر لیا گیا ہے اور اس کے دیگر دو ساتھی پولیس کو دیکھ کر فرار ہو گئے، پولیس نے فرار ڈاکوؤں کی تلاش شروع کردی، جس کے لیے شہر کے مختلف علاقوں میں سرچ آپریشن کیا گیا۔(جاری ہے)
دوسری طرف صوبہ پنجاب کے دارالحکومت لاہور میں ڈیفنس بی کے علاقے میں چینی باشندے شی ڈیپو کے گھر سے 01 کروڑ 80 لاکھ روپے چوری کرنے والے ملزمان گرفتار کر لیا گیا ہے، اے ایس پی ڈیفنس شہر بانو نقوی نے اس حوالے سے پریس کانفرنس کرتے ہوئے بتایا کہ ایس ایچ او ڈیفنس بی علی حسن نے پولیس ٹیم کے ہمراہ بڑی کارروائی کی تو پتا چلا کہ گھر کے ملازم ہی چوری کی اس واردات کے ماسٹر مائنڈ تھے۔ انہوں نے کہا کہ ملزمان پولیس کو زیادہ دیر چکمہ نہ دے سکے، ملزمان کا علم ہونے پر 36 گھنٹے کے اندر ہی چوروں کو لوٹی گئی رقم سمیت بہاولپور سے گرفتار کرلیا گیا، ملزمان میں مرکزی ملزم علی عزیز، شبیر اور امتیاز شامل ہیں، ملزمان کی گرفتاری سی سی ٹی وی کیمروں اور جدید ٹیکنالوجی کی مدد سے عمل میں لائی گئی اور دوران انٹیرو گیشن اعتراف جرم بھی کر لیا، ملزمان سے 01 کروڑ 20 لاکھ روپے نقدی برآمد کرلیے، جرائم پیشہ افراد کے خلاف بلا امتیاز کارروائیاں جاری ہیں۔ بتایا جارہا ہے کہ ملزمان کے خلاف مقدمہ درج کرکے مزید تفتیش جاری ہے، ڈی آئی جی آپریشنز لاہور کی طرف سے ایس پی کینٹ کو ملزمان گرفتار کرنے کے لیے سپیشل ٹاسک دیا گیا، ایس پی کینٹ کی ہدایت پر اے ایس پی ڈیفنس شہر بانو نقوی کی سربراہی میں ملزمان کو گرفتار کرنے کے لیے سپیشل ٹیم تشکیل دی گئی، ایس پی کینٹ نے اے ایس پی ڈیفنس شہر بانو نقوی، ایس ایچ او ڈیفنس بی اور پولیس ٹیم کو شاباش دی۔
سرکاری ملازمین کی تنخواہوں میں اضافے کا نوٹیفکیشن جاری کردیا گیا