عافیہ صدیقی کیس: وزیراعظم اور کابینہ کے خلاف توہین عدالت کی کارروائی کا امکان
اشاعت کی تاریخ: 11th, July 2025 GMT
اسلام آباد ہائی کورٹ میں ڈاکٹر عافیہ صدیقی کی رہائی، صحت اور وطن واپسی سے متعلق کیس کی سماعت کے دوران عدالت نے وفاقی حکومت کی عدم دلچسپی پر سخت برہمی کا اظہار کرتے ہوئے وزیراعظم اور پوری کابینہ کے خلاف توہینِ عدالت کی کارروائی کا عندیہ دے دیا ہے کیس کی سماعت جسٹس سردار اعجاز اسحاق خان نے کی، جہاں ڈاکٹر فوزیہ صدیقی کی جانب سے وکیل عمران شفیق عدالت میں پیش ہوئے جب کہ وفاقی حکومت کی نمائندگی ایڈیشنل اٹارنی جنرل راشد حفیظ اور دیگر حکام نے کی عدالت نے دوران سماعت کہا کہ ڈاکٹر عافیہ کے کیس میں امریکی عدالت میں معاونت سے انکار کی وجوہات پر رپورٹ طلب کی گئی تھی، مگر اب تک رپورٹ جمع نہیں کرائی گئی۔ عدالت نے خبردار کیا کہ اگر وفاقی حکومت نے رپورٹ نہ دی تو پوری کابینہ کو طلب کیا جائے گا اور وزیرِاعظم سمیت تمام وزرا کے خلاف توہین عدالت کی کارروائی کی جائے گی جسٹس اعجاز اسحاق نے واضح انداز میں کہا کہ عدالت نہ صرف وفاقی وزرا بلکہ وزیراعظم کے خلاف بھی کارروائی کا مکمل اختیار رکھتی ہے۔ انہوں نے ایڈیشنل اٹارنی جنرل کو حکم دیا کہ تین دن میں رپورٹ پیش کی جائے، جس پر سرکاری وکیل نے استدعا کی کہ اگلے ہفتے تک مہلت دی جائے۔ عدالت نے اس استدعا کو منظور کرتے ہوئے سماعت 21 جولائی تک ملتوی کر دی سماعت کے دوران ڈاکٹر فوزیہ صدیقی کے وکیل نے وزیراعظم اور کابینہ سے ملاقات کی درخواست پر بھی توجہ دلائی، جس پر عدالت نے استفسار کیا کہ فوزیہ صدیقی وزیراعظم سے مل کر کیا چاہتی ہیں؟ کیا وزیراعظم کو صورت حال کا علم نہیں؟ عدالت کے سخت ریمارکس سے واضح ہوتا ہے کہ اگر وفاقی حکومت آئندہ سماعت تک مطلوبہ رپورٹ پیش کرنے میں ناکام رہی تو ممکنہ طور پر عدالت اعلیٰ ترین سطح پر توہین عدالت کی کارروائی کا آغاز کر سکتی ہے، جو ملک کی اعلیٰ سیاسی قیادت کے لیے سنگین قانونی چیلنج بن سکتا ہے
.
ذریعہ
ذریعہ: Nawaiwaqt
کلیدی لفظ: عدالت کی کارروائی وفاقی حکومت کارروائی کا عدالت نے کے خلاف
پڑھیں:
خیبر پختونخوا میں بلدیاتی انتخابات مرحلہ وار ہونے کا امکان
الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ اسلام ٹائمز۔ الیکشن کمیشن نے کے پی کے میں مرحلہ وار بلدیاتی انتخابات کروانے پر کام شروع کر دیا، صوبے میں بلدیاتی انتخابات 2 مراحل میں ہونے کا امکان ہے۔ الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ ذرائع کے مطابق الیکشن کمیشن رواں ماہ کے آخر میں مرحلہ وار بلدیاتی انتخابات کرانے کا حتمی فیصلہ کرے گا، بلدیاتی اداروں کی مدت مارچ اور جون 2026 میں مکمل ہو چکی ہے۔
الیکشن کمیشن نے 23 اضلاع میں الیکشنز کروانے کے لیے تیار ہے، اناضلاع میں بلدیاتی الیکشنز کی تاریخ سے متعلق سمری تاحال خیبر پختونخوا کابینہ میں زیر التوا ہے۔ کے پی کابینہ کے کل کے اجلاس میں سمری سے متعقل فیصلہ متوقع ہے، چیف سیکرٹری کے پی کے 28 جولائی تک الیکشن کمیشن کو آگاہ کریں گے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار