ایمریٹس نے عالمی فضائی انڈسٹری میں سب سے زیادہ تجویز کردہ عالمی برانڈ کا اعزاز جیت لیا
اشاعت کی تاریخ: 11th, July 2025 GMT
DUBAI:
دنیا کی بڑی ایئرلائن ایمریٹس کو یو گوو کی جانب سے 2025 کا سب سے زیادہ تجویز کردہ عالمی برانڈ قرار دیا گیا ہے، اس درجہ بندی میں ایمریٹس نے 88.4 فیصد اسکور کے ساتھ پہلی پوزیشن حاصل کی اور وہ واحد ایئرلائن ہے جو سرفہرست 10 عالمی برانڈز کی فہرست میں شامل ہوئی ہے۔
ترجمان ایمرٹس کے مطابق یو گوو (YouGov) کی جانب سے جاری کردہ اس رپورٹ میں صارفین سے یہ پوچھا گیا کہ وہ کس حد تک کسی برانڈ کو اپنے دوست یا ساتھی کو تجویز کریں گے، یو گوو برانڈ انڈیکس میں ایمریٹس نے دوسرے نمبر پر موجود برانڈ کے مقابلے میں نمایاں برتری حاصل کی، یہ درجہ بندی 28 عالمی مارکیٹس میں کیے گئے 10 لاکھ سے زائد صارفین کے سروے کی بنیاد پر تیار کی گئی ہے، جن کا یومیہ جائزہ جون 2024 سے مئی 2025 تک لیا گیا۔
اس ضمن میں ہر ٹاپ 10 عالمی برانڈ کے لیے مثبت تجویزی اسکور کو جمع کیا جاتا ہے اور مارکیٹ میں اس برانڈ کے موجودہ کسٹمر بیس کے سائز سے جائزہ لیا جاتا ہے۔
ایمریٹس ایئرلائن کے صدر سر ٹِم کلارک نے اس کامیابی پر اظہار کرتے ہوئے کہا کہ یہ اعزاز ہمارے صارفین کے ساتھ مضبوط تعلق اور اعتماد کا اعتراف ہے، ہم انہیں محض منزل مقصود تک پہنچانے کا ذریعہ ہی نہیں بلکہ ایک قابل اعتماد اور معیاری سفری تجربہ فراہم کرتے ہیں، ہم پہلے سے اپنی شان دار سفری خدمات کو مزید بہتر بناتے رہیں گے اور سفر کے نئے معیار قائم کریں گے تاکہ ایمریٹس ہمیشہ ایسے برانڈ کے طور پر قائم رہے جسے ہمارے مسافر فخر سے دوسروں کو تجویز کریں۔
انہوں نے کہا کہ ایئرلائن مسلسل اعلیٰ معیار کی سہولیات اور جدید ترین سروسز میں سرمایہ کاری کر رہی ہے تاکہ عالمی معیار کی خدمات مزید بہتر انداز سے پیش کی جاسکیں۔
ان کا کہنا تھا کہ 2025 کے پہلے 6 ماہ کے دوران ایمریٹس نے تین نئے مقامات کے لیے پروازیں شروع کیں، جبکہ ہانگژو کو جلد شامل کیا جائے گا، اس کے علاوہ ایشیا، افریقہ اور یورپ میں 9 عدد جدید سفری ریٹیل اسٹورز کھولے گئے۔
ایمریٹس کے صدر نے بتایا کہ ایئرلائن نے اپنے نئے A350 طیاروں کو 10 مقامات پر سفر کے لیے تعینات کیا، اور اسے دنیا کی پہلی Autism Certified Airline™ کا درجہ بھی حاصل ہوا۔
مستقبل کے حوالے سے انہوں نے کہا کہ دسمبر 2025 تک ایمریٹس اپنے بیڑے میں جدید انٹیرئیرز کے حامل بوئنگ 777، A380 اور A350 طیاروں کے ذریعے 70 سے زائد شہروں میں خدمات فراہم کرے گی جو اس کے نیٹ ورک کا تقریباً 50 فیصد ہے۔
انہوں نے بتایا کہ یہ پہلا موقع نہیں کہ ایمریٹس کو یو گوو نے سراہا ہو بلکہ 2024 کی رپورٹ میں ایمریٹس کو متحدہ عرب امارات کا سب سے زیادہ تجویز کردہ برانڈ قرار دیا گیا تھا، جہاں اسے 92.
خیال رہے کہ یوگوو ایک عالمی آن لائن ریسرچ ڈیٹا اور اینالٹکس کا ادارہ ہے جو غیر جانب دار مارکیٹ ریسرچ اور صارفین کے رویوں پر مبنی سروے کے لیے جانا جاتا ہے اور اپنے معروف ٹریکنگ ٹول یوگوو برانڈ انڈیکس کے ذریعے ڈیٹا اکٹھا کرتا ہے۔
ذریعہ
ذریعہ: Express News
کلیدی لفظ: عالمی برانڈ میں ایمریٹس سب سے زیادہ ایمریٹس کو ایمریٹس نے برانڈ کے کے لیے
پڑھیں:
معاشی سرگرمیوں میں تیزی، کے الیکٹرک صنعتی صارفین کا بجلی استعمال ریکارڈ سطح پر پہنچ گیا
کراچی: ملک میں معاشی سرگرمیوں میں بہتری کے ساتھ کے الیکٹرک صنعتی صارفین کی جانب سے بجلی کے استعمال نے نئی بلند ترین سطح حاصل کر لی۔ مالی سال 2026 کے دوران کے الیکٹرک کے صنعتی فیڈرز پر بجلی کی مجموعی کھپت 6 ارب 8 کروڑ یونٹس (6.08 ارب یونٹس) ریکارڈ کی گئی، جو ادارے کی تاریخ میں کسی بھی مالی سال کے دوران سب سے زیادہ ہے۔
کے الیکٹرک کے جاری کردہ اعلامیے کے مطابق صنعتی بجلی کی طلب میں یہ نمایاں اضافہ ایسے وقت میں سامنے آیا جب پاکستان کی مجموعی قومی پیداوار (جی ڈی پی) کی شرح نمو 3.7 فیصد رہی۔ کمپنی کا کہنا ہے کہ کراچی کی صنعتوں کو مسلسل، قابل اعتماد اور بلا تعطل بجلی کی فراہمی نے صنعتی پیداوار اور معاشی سرگرمیوں کو فروغ دینے میں اہم کردار ادا کیا۔
کے الیکٹرک کے چیف ایگزیکٹو آفیسر سید محمد طہٰ نے کہا کہ صنعتی بجلی کے استعمال میں ریکارڈ اضافہ حکومت پاکستان، اسپیشل انویسٹمنٹ فسیلیٹیشن کونسل (SIFC) اور کراچی کی صنعتی برادری کی مشترکہ کوششوں کا نتیجہ ہے۔ ان کے مطابق سرمایہ کاری کے بہتر ماحول، صنعتی سرگرمیوں میں تیزی اور کاروباری اعتماد میں اضافے نے اس کامیابی کو ممکن بنایا۔
انہوں نے کہا کہ کراچی ملک کی معاشی شہ رگ ہے اور کے الیکٹرک 2013 سے صنعتی فیڈرز کو لوڈشیڈنگ سے مستثنیٰ رکھے ہوئے ہے تاکہ صنعتوں کی پیداوار اور برآمدات متاثر نہ ہوں۔
بی تھری کیٹیگری میں سب سے زیادہ بجلی استعمال
اعلامیے کے مطابق سب سے زیادہ بجلی کا استعمال بی تھری (B3) کیٹیگری میں ریکارڈ کیا گیا، جس میں 501 سے 5 ہزار کلوواٹ تک بجلی استعمال کرنے والی صنعتیں شامل ہیں۔ اس زمرے میں سیمنٹ، اسٹیل، ٹیکسٹائل، کیمیکل اور دیگر بڑے صنعتی شعبے شامل ہیں۔
ماہانہ بنیاد پر جون 2026 میں صنعتی بجلی کی کھپت سب سے زیادہ رہی، جبکہ اپریل 2026 دوسرے نمبر پر رہا۔
گزشتہ سال کے مقابلے میں 20 فیصد سے زائد اضافہ
اعداد و شمار کے مطابق مالی سال 2025 میں صنعتی صارفین نے 5.04 ارب یونٹس بجلی استعمال کی تھی، جبکہ مالی سال 2026 میں یہ مقدار بڑھ کر 6.08 ارب یونٹس تک پہنچ گئی، جو 20 فیصد سے زائد سالانہ اضافہ ظاہر کرتی ہے۔
اس سے قبل مالی سال 2022 میں صنعتی بجلی کی کھپت 5.84 ارب یونٹس ریکارڈ کی گئی تھی، تاہم رواں مالی سال میں یہ ریکارڈ بھی ٹوٹ گیا۔
349 نئے صنعتی کنکشنز فراہم
کے الیکٹرک کے مطابق مالی سال 2026 کے دوران 349 نئے صنعتی کنکشنز جاری کیے گئے، جبکہ 273 صنعتی صارفین نے اپنے بجلی کے لوڈ میں اضافہ کیا، جس سے مجموعی طور پر 168 میگاواٹ اضافی طلب قومی گرڈ میں شامل ہوئی۔
اعلامیے میں کہا گیا کہ حکومت کی جانب سے صنعتوں کو کیپٹو پاور پلانٹس سے قومی گرڈ پر منتقل کرنے کی پالیسی، معاشی بحالی اور صنعتی پیداوار میں اضافے نے بھی بجلی کی طلب بڑھانے میں اہم کردار ادا کیا۔
کمپنی کا مزید کہنا ہے کہ صنعتی فیڈرز کی ریکوری کی شرح تمام صارفین کے مختلف زمروں میں سب سے بہتر رہی، جو بروقت بلوں کی ادائیگی اور لوڈشیڈنگ سے استثنیٰ کے درمیان مضبوط تعلق کو ظاہر کرتی ہے۔
کے الیکٹرک نے اس عزم کا اعادہ کیا کہ کراچی کی صنعتوں اور کاروباری سرگرمیوں کو قابل اعتماد اور بلا تعطل بجلی کی فراہمی آئندہ بھی اس کی اولین ترجیح رہے گی تاکہ ملکی معیشت کی ترقی میں اپنا کردار جاری رکھا جا سکے۔
بھارت سے جنگ اور افغانستان میں کارروائی خارج ازامکان نہیں، وزیردفاع