کوئٹہ، راہزنی کی وارداتوں میں اضافہ، شہری غیر محفوظ
اشاعت کی تاریخ: 11th, July 2025 GMT
شہر کے مختلف علاقوں میں ڈاکو اور راہزن عوام الناس اور تاجروں کو لوٹنے میں مصروف ہیں، جبکہ پولیس عوام کے تحفظ میں ناکام نظر آ رہی ہے۔ اسلام ٹائمز۔ بلوچستان کے صوبائی دارالحکومت کوئٹہ میں راہزنی کی وارداتوں میں اضافہ ہو گیا ہے۔ شہر کے مختلف علاقوں میں ڈاکو اور راہزن عوام الناس اور تاجروں کو لوٹنے میں مصروف ہیں، جبکہ پولیس عوام کے تحفظ میں ناکام نظر آ رہی ہیں۔ چند روز قبل کوئٹہ کے علاقے پشتون آباد میں مزاحمت کرنے پر ایک راہزن نے نوجوان کو فائرنگ کرکے بھی قتل کیا، جبکہ گزشتہ دنوں ایک تاجر کو بھی فائرنگ کرکے زخمی کیا گیا۔ علاوہ ازیں رئیسانی روڈ، سریاب روڈ، قمبرانی روڈ، ڈبل روڈ، الگیلانی اسٹریٹ، پشتون آباد، سیٹلایٹ ٹاؤن، نواں کلی اور ہزارگنجی میں بھی راہزنی کی وارداتیں پیش آئی ہیں۔ عوام الناس نے پولیس کے اعلیٰ حکام سے مطالبہ کیا ہے کہ راہزنی کی وارداتوں کا نوٹس لیتے ہوئے چوروں اور ڈاکوؤں کے خلاف موثر کارروائی کی جائے۔ انہوں نے کہا کہ بعض علاقے راہزنوں کی آماجگاہ بن چکے ہیں۔ عوام الناس اپنے آپ کو محفوظ تصور نہیں کرتے ہیں۔
.ذریعہ: Islam Times
کلیدی لفظ: عوام الناس راہزنی کی
پڑھیں:
تیندوا شہری آبادی میں داخل، مظفرآباد میں خوف و ہراس
آزاد کشمیر کے دارالحکومت مظفرآباد اور گردونواح میں تیندوؤں کی آبادی میں اضافہ شہریوں کے لیے خطرے کی گھنٹی بجانے لگا ہے۔
پیر کے روز ایک تیندوے کا بچہ اچانک شہری آبادی میں گھس آیا جس کے باعث علاقے میں شدید خوف و ہراس پھیل گیا۔
یہ بھی پڑھیں: آزاد کشمیر سے ریسکیو کی گئی زخمی مادہ تیندوا جاں بر نہ ہوسکی
عینی شاہدین کے مطابق تیندوا سب سے پہلے شہر کے پوش علاقے سینٹر پلیٹ میں واقع جناح ڈینٹل اسپتال کے احاطے میں دیکھا گیا۔
واقعے کی اطلاع ملتے ہی پولیس، ریسکیو 1122 اور محکمہ وائلڈ لائف کے اہلکار موقع پر پہنچ گئے اور فوری طور پر علاقے میں سرچ آپریشن شروع کردیا۔
تیندوا کئی گھنٹوں تک مختلف مقامات پر نظر آتا رہا اور ریسکیو ٹیموں کو متعدد بار چکمہ دے کر فرار ہونے میں کامیاب ہوگیا۔
مزید پڑھیں: ہری پور: تیندوا آبادی میں گھس آیا، 4 بکریاں مار ڈالیں، علاقے میں خوف و ہراس
سرچ آپریشن میں پولیس اور وائلڈ لائف اہلکاروں کے ساتھ ساتھ مقامی رضاکار بھی شریک ہوئے۔
حکام کا کہنا ہے کہ تیندوا کو بحفاظت قابو کرنے کی کوششیں جاری ہیں تاکہ کسی بڑے حادثے سے بچا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آزاد کشمیر تیندوا جناح ڈینٹل اسپتال سرچ آپریشن سینٹر پلیٹ مظفرآباد وائلڈ لائف
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام