پیپلز پارٹی وفد کی مولانا فضل الرحمٰن سے ملاقات پختونخوا سینیٹ الیکشن سے قبل سیاسی جوڑ توڑمیں تیزی
اشاعت کی تاریخ: 12th, July 2025 GMT
ملکی سیاسی صورتحال سمیت خیبر پختونخوا کے سینیٹ انتخابات کے حوالے سے مشاورت،ہم سیاسی لوگ ہیں، ہماری ملاقاتوں کا سلسلہ جاری رہتا ہے،گورنرفیصل کریم کنڈی
تحریک انصاف اختلافات کا شکارہے، اپوزیشن جماعتوں کے ساتھ مل کر کے خیبرپختونخوا سینیٹ الیکشن میں زیادہ نشستیں حاصل کرنے کی کوشش کریں گے،میڈیا سے گفتگو
خیبرپختوا میں سینیٹ انتخابات سے قبل سیاسی رابطوں میں تیزی آگئی، پیپلز پارٹی وفد نے سربراہ جے یو آئی ف مولانا فضل الرحمٰن سے اسلام آباد میں اہم ملاقات کی، جس میں ملکی سیاسی صورتحال سمیت خیبر پختونخوا کے سینیٹ انتخابات کے حوالے سے مشاورت کی گئی۔اسلام آباد میں ہونے والی ملاقات میں گورنر خیبر پختونخوا فیصل کریم کنڈی، سید خورشید احمد شاہ، ظاہر شاہ، اکرم خان درانی، مولانا لطف الرحمٰن، مولانا اسعد محمود، زاہد درانی، اسجد محمود اور دیگر شریک تھے۔گورنر خیبرپختونخوا فیصل کریم کنڈی نے جے یو آئی ف کے سربراہ مولانا فضل الرحمٰن کے ساتھ سیاسی بیٹھک کے بعد میڈیا سے گفتگو کرتے کہا کہ ہم سیاسی لوگ ہیں، ہماری ملاقاتوں کا سلسلہ جاری رہتا ہے، کبھی آن کیمرا تو کبھی آف کیمرا، سال کے 12 ماہ ہماری ملاقاتیں ہوتی رہتی ہیں۔گورنر خیبرپختونخوا نے مزید کہا ہے کہ تحریک انصاف اختلافات کا شکارہے، اپوزیشن جماعتوں کے ساتھ مل کر کے خیبرپختونخوا سینیٹ الیکشن میں زیادہ نشتیں حاصل کرنے کی کوشش کریں گے۔فیصل کریم کنڈی نیکہا کہ پاکستان پیپلز پارٹی کے دورِ حکومت میں سینیٹ الیکشن کے دوران ہارس ٹریڈنگ کو روکنے کا فیصلہ کیا تھا، موجودہ حکومت میں جو لوگ بیٹھے ہیں، اگر اپوزیشن کیساتھ مل بیٹھ کر کوئی مشترکہ فیصلہ کرتے ہیں تو اچھی بات ہے اور اگر میدان لگتا ہے تو پھر جنگ اور محبت میں ہر چیز جائز ہوتی ہے۔گورنر خیبرپختونخوا نے ایک سوال کے جواب میں کہا کہ سیاست اور الیکشن میں اتحاد بنتے اور ٹوٹتے رہتے ہیں، سیاسی لوگ آپس میں ملاقاتیں کرتے رہتے ہیں۔انہوں نے کہا کہ مولانا فضل الرحمٰن کی اسی رہائش گاہ پر آپ نے رمضان میں پی ٹی آئی کے لوگوں کو یہاں دن رات دیکھا ہوگا، مولانا فضل الرحمٰن پی ٹی آئی کے سیاسی مسیحا بنے ہوئے تھے، پی ٹی آئی کے 2 چیپٹر تھے ، ایک اسلام آباد اور دوسرا خیبرپختونخوا۔ان کا کہنا تھا کہ اسلام آباد ان کے پاؤں پڑتا تھا اور خیبرپختونخوا چیپٹر ان کو بُرا بھلا کہتا تھا، لہذا سیاست میں اتحاد بنتے اور ٹوٹتے رہتے ہیں، اسے آپ پی ڈی ایم کا نام دیں یا کوئی اور نام دے دیں۔
.ذریعہ: Juraat
کلیدی لفظ: مولانا فضل الرحم ن سینیٹ الیکشن اسلام ا باد کریم کنڈی کہا کہ
پڑھیں:
آزاد کشمیر میں سیاسی ہلچل، وزیراعظم انوار الحق کے خلاف تحریک عدم اعتماد پر اہم پیشرفت
آزاد کشمیر میں سیاسی ہلچل، وزیراعظم انوار الحق کے خلاف تحریک عدم اعتماد پر اہم پیشرفت WhatsAppFacebookTwitter 0 30 October, 2025 سب نیوز
اسلام آباد (سب نیوز) آزاد کشمیر میں وزیراعظم کے خلاف تحریک عدم اعتماد اور نئے قائد ایوان کی نامزدگی کے حوالے سے اہم پیشرفت سامنے آئی ہے۔
اس سلسلے میں پیپلز پارٹی آزاد کشمیر کی پارلیمانی پارٹی کا اہم اجلاس طلب کر لیا گیا ہے۔
ذرائع کے مطابق اجلاس زرداری ہاؤس اسلام آباد میں چیئرمین پیپلز پارٹی بلاول بھٹو زرداری کی زیر صدارت منعقد ہوگا۔
ذرائع کا کہنا ہے کہ اجلاس جمعہ کی شام چار بجے ہوگا جس میں پیپلز پارٹی آزاد کشمیر کے تمام پارلیمانی اراکین شرکت کریں گے۔
اجلاس میں وزیراعظم انوار الحق کے خلاف تحریک عدم اعتماد پر عملدرآمد کے طریقہ کار کو حتمی شکل دی جائے گی۔
پارٹی ذرائع کے مطابق فارورڈ بلاک کے مزید اراکین کے پیپلز پارٹی میں شامل ہونے کے امکانات بھی ہیں، جس کے بعد ایوان میں عددی اکثریت مزید مضبوط ہو جائے گی۔
اجلاس میں قائد ایوان کے لیے متفقہ امیدوار پر بھی مشاورت کی جائے گی۔ذرائع کا کہنا ہے کہ پیپلز پارٹی آزاد کشمیر قیادت تحریک عدم اعتماد کو جلد از جلد عملی شکل دینے کے لیے متحرک ہے اور تمام اتحادیوں سے رابطے جاری ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرسونے کی قیمت میں بڑے اضافے کے بعد کمی راولپنڈی سے رواں سال کتنے غیر قانونی افغان مہاجرین کو واپس بھیجا گیا؟ تفصیلات سامنے آگئیں علیمہ خان کا شناختی کارڈ اور پاسپورٹ بلاک، بینک اکاؤنٹس منجمد، گرفتار کرکے پیش کرنے کا حکم بانی پی ٹی آئی سے ملاقاتوں کا معاملہ، فہرست پر بھی پارٹی میں تضاد سامنے آگیا متنازع ٹویٹس کیس میں ایمان مزاری اور ہادی چٹھہ کیخلاف فرد جرم عائد شبلی فراز کی سینیٹ کی خالی نشست پر ضمنی الیکشن کیلئے ووٹنگ سیکورٹی فورسز کی انڈین پراکسی، فتنہ الخوارج کے خلاف کاروائی،7ہلاک،5جوان شہید ہو گئےCopyright © 2025, All Rights Reserved
رابطہ کریں ہماری ٹیم
عالمی برادری کی جانب سے کشمیر پر بھارت کے غاصبانہ تسلط پر خاموشی افسوسناک ہے، گورنر گلگت بلتستان