ایپل کا 2026 کا منصوبہ: نیا بجٹ آئی فون، آئی پیڈز اور میکس متعارف ہوں گے
اشاعت کی تاریخ: 12th, July 2025 GMT
ایپل انکارپوریشن 2026 کی پہلی ششماہی کے دوران متعدد نئی مصنوعات لانچ کرنے کی منصوبہ بندی کر رہی ہے، جن میں ایک نیامگر کم قیمت آئی فون، کئی نئے آئی پیڈز، اور اپ گریڈڈ میک کمپیوٹر شامل ہیں۔
میڈیا رپورٹس کے مطابق یہ نئی لائن اپ اگلے سال بہار تک متعارف ہو گی، جس میں ایپل کے انٹری لیول ٹیبلٹ، آئی پیڈ ایئر، اور ایک نیا بیرونی میک مانیٹر شامل ہیں، نسبتاً سستے اسمارٹ فون کا نام آئی فون 17 ای ہوگا، جو اس سال کے شروع میں لانچ کیے گئے 599 ڈالر مالیت کے ماڈل کا نیا ورژن ہوگا۔
ایپل نئے میک بک پرو اور میک بک ایئر پر بھی کام کر رہا ہے، جو اصل میں 2025 میں ریلیز ہونے تھے، تاہم اب ان کی ممکنہ ریلیز 2026 میں متوقع ہے۔
نئی مصنوعات کا مقصد کمپنی کی آمدنی میں تسلسل لانا ہے، جو حالیہ برسوں میں غیر یقینی صورتحال کا شکار رہی ہے۔ کووڈ وبا کے دوران فروخت میں اضافے کے بعد گزشتہ 2 برسوں سے طلب میں کمی دیکھی گئی ہے، جس کی ایک وجہ نئی مصنوعات کی تاخیر سے ریلیز بھی ہے۔
2026 کے اوائل میں متوقع ایپل مصنوعات میں سر فہرست آئی فون 17 ای ہے جو 16 ایکی طرح کا ڈیزائن رکھتا ہے لیکن نئے اے 19 پروسیسر کے ساتھ ہوگا جس کا کوڈ نام وی 159ہے، اور ریلیز آئندہ سال کے اوائل میں متوقع ہے۔
نئے آئی پیڈزجن کے کوڈ نام جے 581 اور 582 مارچ یا اپریل 2026 میں لانچ متوقع ہیں، جو اپنے موجودہ ماڈل جیسے ڈیزائن میں ہی دستیاب ہوگا مگر تیز تر چِپ کے ساتھ، اسی طرح آئی پیڈ ایئر آئی پیڈ پرو ایم5 اپ گریڈڈ چپ کے ساتھ لانچ ہوگا۔
میک بک پرو 14 اور 16 انچ ماڈلز کوڈ جے 714 اور جے 716 ایم 5 چپ کے ساتھ 2026 کے اوائل میں متوقع ہیں، یہ موجودہ ڈیزائن میں آخری اپڈیٹ ہوگی، اس کے بعد نئے کیس اور او ایل ای ڈی اسکرین متعارف ہوں گی۔
میک بک ایئر کوڈ جے 813 اور جے 815 کے ساتھ 2026 کے اوائل میں متعارف کیا جائے گا، جبکہ ایپل اسٹوڈیو ڈسپلے کے بعد میک کا پہلا نیا بیرونی مانیٹر کا ماڈل 2026 میں متوقع ہے، اسی طرح اسمارٹ ہوم ہب کوڈ جے 490، جو پہلے 2025 میں آنا تھا، لیکن اب سری کی نئی اپڈیٹس کی وجہ سے 2026 میں متوقع ہے۔
ایپل کی 2026 کی یہ نئی لائن اپ موجودہ سال کے روایتی فال اپ گریڈ سائیکل کے فوراً بعد آئے گی، جس میں سلم ڈیزائن والا آئی فون 17، ری ڈیزائن شدہ پرو ماڈلز، نئی ایپل واچز، تیز رفتار ویژن پرو ہیڈسیٹ، اور اپ گریڈڈ آئی پیڈ پرو شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی پیڈ آئی فون اپ گریڈڈ اپڈیٹ اسمارٹ ہوم ہب ایپل ایپل مصنوعات ایم 5 پروسیسر چِپ سری میک میک بک.ذریعہ: WE News
کلیدی لفظ: ا ئی پیڈ ا ئی فون اپ گریڈڈ اپڈیٹ اسمارٹ ہوم ہب ایپل ایپل مصنوعات ایم 5 میک میک بک میں متوقع ہے کے اوائل میں اپ گریڈڈ آئی پیڈ آئی فون کے ساتھ میک بک ئی پیڈ ئی فون
پڑھیں:
پارک ویو سٹی کے حفاظتی بند کی تعمیر کا افتتاح کر دیا
لاہور:پارک ویو سٹی نے اپنے حفاظتی بند کی تعمیر کا باضابطہ آغاز ایک شاندار سنگِ بنیاد تقریب کے ذریعے کر دیا، جو مستقبل میں ممکنہ سیلابی خطرات کے مقابلے کے لیے رہائشیوں کی طویل مدتی حفاظت اور بحالی کی جانب ایک فیصلہ کن قدم ہے۔
اس موقع پر چیئرمین وژن گروپ عبدالعلیم خان، سی ای او پارک ویو سٹی جنید امین اور ڈائریکٹر سیلز اینڈ مارکیٹنگ نعیم وڑائچ نے خصوصی شرکت کرتے ہوئے منصوبے کا افتتاح کیا۔ ریئلٹرز، رہائشیوں اور کمیونٹی نمائندگان کی بڑی تعداد بھی موجود تھی، جس سے اس انقلابی منصوبے پر بھرپور اعتماد اور حمایت کا اظہار ہوا۔
تقریب کے دوران چیئرمین عبدالعلیم خان نے دریائے راوی کے حالیہ سیلاب سے متاثرہ رہائشیوں کے لیے ایک ارب روپے کے ریلیف پیکج کا اعلان کیا۔ انہوں نے یقین دہانی کرائی کہ ہر متاثرہ رہائشی کو معاوضہ براہِ راست ان کے دروازے پر پہنچایا جائے گا۔ اس کے علاوہ متاثرہ پانچ بلاکس میں ترقیاتی چارجز کی دو ماہ کی معافی بھی دی گئی تاکہ فوری مالی ریلیف فراہم کیا جا سکے۔
یہ حفاظتی بند 30 فٹ بلند ہوگا جو سوسائٹی کے تمام بلاکس کو کور کرے گا۔ اپنے بنیادی حفاظتی کردار کے ساتھ ساتھ اسے خوبصورت بنا کر واک اور جاگنگ ٹریک میں بھی ڈھالا جائے گا، جو صرف پارک ویو سٹی کے ممبران کے لیے ہوگا، یوں یہ منصوبہ حفاظت اور معیاری طرزِ زندگی دونوں کو یکجا کرے گا۔
چیئرمین عبدالعلیم خان نے پارک ویو سٹی کی انتظامیہ کی انتھک کاوشوں کو سراہا جنہوں نے مشکل وقت میں رہائشیوں کے ساتھ کھڑے ہو کر انہیں سہارا دیا اور سوسائٹی کو بحالی و ترقی کی راہ پر گامزن کیا۔
یہ منصوبہ حالیہ سیلابی چیلنجز کے تناظر میں شروع کیا گیا ہے، جو پارک ویو سٹی کے اس عزم کی تجدید کرتا ہے کہ وہ اپنے رہائشیوں کو محفوظ، جدید اور پائیدار رہائشی سہولیات فراہم کرے گا۔ منصوبہ 100 دن کے اندر مکمل کیا جائے گا تاکہ بروقت ریلیف اور طویل مدتی تحفظ یقینی بنایا جا سکے۔
اس موقع پر خطاب کرتے ہوئے چیئرمین عبدالعلیم خان نے کہا کہ یہ حفاظتی بند محض ایک انتظامی اقدام نہیں بلکہ پارک ویو سٹی کے وژن کی عکاسی کرتا ہے، جو جدت اور ذمہ داری کو یکجا کرتا ہے۔ ہم پُرعزم ہیں کہ اپنے رہائشیوں کو محفوظ رکھتے ہوئے ایک ترقی یافتہ اور خوشحال کمیونٹی تشکیل دیں گے۔
سنگِ بنیاد کی یہ تقریب دراصل ایک نئے دور کا آغاز ہے، جسے پارک ویو سٹی نے “تحفظ، جدت اور ترقی کے نئے باب” سے تعبیر کیا ہے۔ یہ منصوبہ نہ صرف جدید سہولیات کی فراہمی بلکہ مضبوط اور مستحکم انفراسٹرکچر کی تعمیر کے ذریعے لاہور کی دیگر نجی ہاؤسنگ سوسائٹیز کے لیے ایک مثال قائم کرتا ہے تاکہ وہ ماحولیاتی تحفظ، رہائشی بہبود اور فعال شہری منصوبہ بندی کو ترجیح دیں۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام