ڈینگی و ڈیزاسٹر مینجمنٹ کمیٹی کا اجلاس، ڈینگی کنٹرول کیلئے ہنگامی اقدامات کا فیصلہ
اشاعت کی تاریخ: 12th, July 2025 GMT
زاہد چودھری: کابینہ کمیٹی برائے ڈینگی و ڈیزاسٹر مینجمنٹ کا اجلاس صوبائی وزرائے صحت خواجہ عمران نذیر اور خواجہ سلمان رفیق کی زیر صدارت منعقد ہوا۔
اجلاس میں ویڈیو لنک کے ذریعے تمام کمشنرز، ڈپٹی کمشنرز، سی ای اوز اور طبی ماہرین نے شرکت کی۔
اجلاس میں صوبہ بھر میں ڈینگی کی موجودہ صورتحال اور کنٹرول کیلئے جاری اقدامات کا تفصیلی جائزہ لیا گیا۔ وزیر صحت خواجہ عمران نذیر نے ہنگامی بنیادوں پر ڈینگی کی افزائش روکنے کی ہدایت دیتے ہوئے کہا کہ پاپولیشن ویلفیئر کلینکس کا عملہ ہائی رسک ایریاز میں نگرانی تیز کرے۔
مون سون : لاہور سمیت کئی شہروں میں بارش
خواجہ سلمان رفیق نے کوآپریٹو ہاؤسنگ سوسائٹیز کو متحرک رکھنے اور تعمیراتی سائٹس پر پانی جمع نہ ہونے دینے کی ہدایت کی۔ خواجہ عمران نذیر نے کمشنرز اور ڈپٹی کمشنرز کو انسدادِ ڈینگی کارروائیوں کی خود مانیٹرنگ کرنے کی تاکید کرتے ہوئے مزید محتاط اور متحرک رہنے کی ضرورت پر زور دیا۔
ذریعہ
ذریعہ: City 42
پڑھیں:
اسلام آباد میں دکانوں اور کاروباری مراکز کے اوقات میں توسیع، نیا شیڈول جاری
اسلام آباد(نیوز ڈیسک) وفاقی دارالحکومت میں دکانوں اور کاروباری مراکز کے اوقات کار میں توسیع کا فیصلہ کر لیا گیا ہے، یہ فیصلہ نائب وزیراعظم و وزیر خارجہ اسحاق ڈار کی زیر صدارت ہونے والے کفایت شعاری سے متعلق اجلاس میں کیا گیا۔
اجلاس میں طے پایا کہ اسلام آباد میں دکانیں اور شاپنگ مالز اب رات 9 بجے تک کھلے رہ سکیں گے جبکہ شادی ہالز کو رات 10 بجے تک اپنی سرگرمیاں جاری رکھنے کی اجازت ہوگی۔
اسی طرح ریسٹورنٹس کے اوقات کار میں بھی نرمی کرتے ہوئے انہیں رات 11 بجے تک کھلا رکھنے کا فیصلہ کیا گیا ہے۔
حکام کے مطابق ٹیک اوے اور ہوم ڈلیوری سروسز کو مقررہ اوقات کار کی پابندی سے مستثنیٰ قرار دیا گیا ہے تاکہ شہریوں کو سہولت فراہم کی جا سکے۔
اجلاس میں یہ بھی فیصلہ کیا گیا کہ فارمیسیوں، اسپتالوں اور پیٹرول پمپس کو ان پابندیوں سے مکمل استثنیٰ حاصل ہوگا اور وہ معمول کے مطابق اپنی خدمات جاری رکھ سکیں گے۔
حکومتی ذرائع کے مطابق نئے اوقات کار کا مقصد توانائی کے مؤثر استعمال اور کاروباری سرگرمیوں کے درمیان توازن برقرار رکھنا ہے، جبکہ اس فیصلے پر عملدرآمد سے متعلق مزید ہدایات جلد جاری کی جائیں گی۔
مزید پڑھیں۔ستاروں کی روشنی میں آپ کا آج (بدھ) کا دن کیسا رہے گا ؟
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ