اب منزل حاصل کریں گے یا سیاست چھوڑ دیں گے، پی ٹی آئی نے لاہور سے احتجاجی تحریک کا آغاز کردیا
اشاعت کی تاریخ: 12th, July 2025 GMT
وزیراعلیٰ خیبرپختونخوا علی امین گنڈاپور نے کہا ہے کہ آج ہم لاہور سے احتجاجی تحریک کا آغاز کرنے جارہے ہیں۔ حکومت کو 90 روز کا الٹی میٹم ہے، اس کے بعد پھر وہ نہیں یا ہم نہیں۔ اب ہم منزل حاصل کریں گے یا سیاست چھوڑ دیں گے۔
لاہور میں اجلاس سے خطاب کرتے ہوئے انہوں نے کہاکہ عمران خان بے گناہ جیل میں ہونے کے باوجود پاکستان کی خاطر مذاکرات کرنے کے لیے تیار ہیں۔
یہ بھی پڑھیں: عمران خان کی پی ٹی آئی کو وکلا تحریک کا ساتھ دینے کی ہدایت
انہوں نے کہاکہ ہماری تحریک پورا ملک فتح کرےگی، 5 اگست تک تحریک کو عروج پر لے کر جائیں گے، لاہور سے تحریک شروع کرنے کا یہ مقصد ہے کہ یہاں سے جو تحریک چلتی ہے وہ کامیاب ہوتی ہے۔
علی امین گنڈاپور نے کہاکہ عمران خان کہتے ہیں مجھ پر ثابت کرو کہ میں نے کوئی سازش کی ہے تو پھر جو بھی سزا دو گے قبول ہوگی۔ اب ہم منزل حاصل کریں گے یا سیاست چھوڑ دیں گے۔
انہوں نے کہاکہ ہم نے جبر بہت برداشت کرلیا لیکن ہمارے مخالفین برداشت نہیں کرسکیں گے، ہماری برداشت کا امتحان نہ لیا جائے۔
انہوں نے کہاکہ عمران خان کی بیوی قید میں ہے اس کے باوجود وہ عوام کے حقوق کی جنگ لڑرہے ہیں۔ وہ کہتے ہیں کہ میرے ساتھ بیٹھو اور دلائل کے ساتھ بات کرو۔
وزیراعلیٰ نے کہاکہ ہم بات چیت کے لیے اگر گزارش کررہے ہیں تو اسے کمزوری نہ سمجھا جائے، ہم نے اپنے زور بازو پر خیبرپختونخوا میں حکومت بنائی جسے گرانے کی باتیں کی جارہی ہیں۔
واضح رہے کہ بانی پی ٹی آئی عمران خان نے پارٹی رہنماؤں کو حکومت کے خلاف احتجاجی تحریک شروع کرنے کی ہدایات دیتے ہوئے کہا ہے کہ 5 اگست کو ہماری تحریک عروج پر ہونی چاہیے۔
یہ بھی پڑھیں: اس بار پی ٹی آئی کی تحریک پچھلی تحریکوں سے بالکل مختلف ہوگی، رؤف حسن
آج وزیراعلیٰ خیبرپختونخوا علی امین گنڈاپور اور چیئرمین پی ٹی آئی بیرسٹر گوہر کی قیادت میں پی ٹی آئی رہنماؤں کا قافلہ لاہور پہنچا ہے۔ روانگی سے قبل علی امین گنڈاپور کا کہنا تھا کہ ہم پنجاب اسمبلی کے معطل اراکین اسمبلی کے ساتھ اظہار یکجہتی کے لیے جارہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews احتجاجی تحریک اڈیالہ جیل بشریٰ بی بی پاکستان تحریک انصاف پی ٹی آئی علی امین گنڈاپور عمران خان رہائی وی نیوز.ذریعہ: WE News
کلیدی لفظ: احتجاجی تحریک اڈیالہ جیل پاکستان تحریک انصاف پی ٹی ا ئی علی امین گنڈاپور عمران خان رہائی وی نیوز علی امین گنڈاپور انہوں نے کہاکہ احتجاجی تحریک پی ٹی ا ئی کے لیے
پڑھیں:
عمران خان ڈیل نہیں کریں گے، سر اٹھا کر واپس آئیں گے: سلمان اکرم راجہ
لاہور(ڈیلی پاکستان آن لائن) تحریک انصاف کے سیکرٹری جنرل سلمان اکرم راجہ نے کہا ہےکہ عمران خان ڈیل نہیں کریں گے اور سر اٹھا کر واپس آئیں گے۔
نجی ٹی وی چینل دنیا نیوز کے مطابق لاہور پریس کلب میں پریس کانفرنس کرتے ہوئے سلمان اکرم راجہ نے کہا کہ کامن ویلتھ رپورٹ کے مطابق 90 سے 95 حلقوں میں فارم 45 اور 46 میں بڑا فرق سامنے آیا ہے جس سے الیکشن پر حملہ ہوا، ہیرا پھیری برسر اقتدار پارٹی کے حق میں ہوئی ہے۔
انہوں نے کہا کہ ساری دنیا کہہ رہی ہے کہ آئین پر حملہ ہوا ہے جو باعث شرم ہے، آئین میں غیر قانونی ترامیم واپس کرائیں گے، پارلیمان کو بری طرح مفلوج کردیا گیا ہے اورعدالتی نظام کو سیاسی حربے کے طور پر استعمال کیا جا رہا ہے۔
نیپرا نے حیدرآباد الیکٹرک سپلائی کمپنی پر 5 کروڑ روپے سے زائد کا جرمانہ عائد کردیا
سلمان اکرم راجہ کا کہنا تھا کہ اسمبلی میں کب تک بیٹھنا ہے ، فیصلہ پارٹی کے بانی کریں گے، عمران خان ڈیل نہیں کریں گے اور سر اٹھا کر واپس آئیں گے۔
پاکستان اسٹاک ایکسچینج کی بلند پرواز جاری؛ انڈیکس آج بھی نئی تاریخ ساز سطح پر