انڈر 19 والی بال ورلڈ چیمپیئن شپ، پاکستان کی مسلسل فتوحات کا سلسلہ ارجنٹائن نے روک لیا
اشاعت کی تاریخ: 29th, July 2025 GMT
انڈر 19 والی بال ورلڈ چیمپیئن شپ میں پاکستان کو پہلی بار شکست کا سامنا کرنا پڑا، جب گروپ مرحلے کے آخری میچ میں ارجنٹائن نے سخت مقابلے کے بعد قومی ٹیم کو 3-2 سے شکست دے دی۔
یہ بھی پڑھیں: پاکستان نے ایران کو ہراکر ایشین انڈر 16 والی بال چیمپیئن شپ جیت لی
اس سنسنی خیز مقابلے میں ارجنٹائن نے پاکستان کو 5 سیٹس پر مشتمل معرکے میں 24-26، 25-18، 25-21، 16-25 اور 15-11 سے زیر کیا۔ اگرچہ پاکستان نے میچ کا پہلا اور چوتھا سیٹ جیت کر برتری قائم رکھنے کی کوشش کی، تاہم فیصلہ کن سیٹ میں ارجنٹائن نے بہتر کھیل کا مظاہرہ کرتے ہوئے کامیابی حاصل کی۔
یہ شکست پاکستان کی ٹورنامنٹ میں مسلسل چار فتوحات کے بعد پہلی ناکامی ہے، تاہم اس کے باوجود پاکستان نے گروپ میں سرفہرست پوزیشن برقرار رکھی ہے۔ پاکستان کو ارجنٹائن پر سیٹ اوسط میں برتری حاصل ہے، جس کی بنیاد پر قومی ٹیم گروپ لیڈر کی حیثیت سے اگلے مرحلے میں پہنچی ہے۔
یہ بھی پڑھیں: پاکستان نے ایشین بیچ ہینڈبال چیمپیئن شپ میں کانسی کا تمغہ جیت لیا
پاکستان کی اگلی آزمائش راؤنڈ آف 16 میں پول سی کی چوتھی پوزیشن حاصل کرنے والی ٹیم کے خلاف ہوگی، جہاں فتح کی صورت میں قومی ٹیم کوارٹر فائنل کے لیے کوالیفائی کرلے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ارجنٹائن انڈر 19 والی بال پاکستان فتح ورلڈ چیمپیئن شپ.
ذریعہ
ذریعہ: WE News
کلیدی لفظ: ارجنٹائن انڈر 19 والی بال پاکستان فتح ورلڈ چیمپیئن شپ ارجنٹائن نے چیمپیئن شپ پاکستان نے والی بال
پڑھیں:
دوسرا ون ڈے: آسٹریلیا نے پاکستان کو جیت کیلئے 232 رنز کا ہدف دے دیا
تین ایک روزہ میچوں کی سیریز کے دوسرے میچ میں آسٹریلیا نے پاکستان کو جیت کے لیے 232 رنز کا ہدف دے دیا۔لاہور کے قذافی اسٹیڈیم میں کھیلے جارہے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی۔مہمان ٹیم نے پہلےکھیلتے ہوئے مقررہ 50 اوورز میں 9 وکٹ پر 231 رنز اسکور کیے۔آسٹریلیا کی جانب سے کیمرون گرین 53، جوش انگلس 51 اور میٹ رنشا 43 رنز بنا کر نمایاں رہے۔پاکستان کی جانب سے کپتان شاہین آفریدی نے 3 جب کہ حارث رؤف ، عرفات منہاس اور ابرار احمد نے 2،2 وکٹیں حاصل کیں۔پاکستان نے آسٹریلیا کے خلاف پہلا ون ڈے جیتنے والی ٹیم کو ہی برقرار رکھا ہے۔خیال رہے کہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ